Aprelin 24-də Milli  Məclisin Aqrar  siyasət  komitəsinin növbəti iclası keçirildi. Komitə  sədri Eldar İbrahimov bildirdi ki,  bugünkü  iclasın gündəliyinə  iki məsələ daxil edilib.
Qeyd  edildi ki, “Torpaq  islahatı haqqında” qanuna və Torpaq Məcəlləsinə dəyişikliklər edilməsi barədə məsələlər ölkə Prezidentinin qanunvericilik təşəbbüsü qaydasında parlamentə daxil olub.
Sənədlərdəki  dəyişiklikləri şərh edən Milli Məclis Aparatının İqtisadi  qanunvericilik  şöbəsinin müdir müavini, Aqrar qanunverisilik bölməsinin  müdiri  Vilayət  Əlizadə  dedi ki, hər  iki  sənəd  “Bələdiyyə torpaqlarınn  idarə  edilməsi  haqqında”  qanuna  uyğunlaşdırmaq  məqsədi  ilə hazırlanmışdır.  Dəyişikliklər  qəbristanlıqların yerləşdiyi  torpaqların  statusunu  müəyyən etmək məqsədi ilə  aparılmışdır.
Millət  vəkilləri Eldar Quliyev, Tahir  Süleymanov, Aydın Hüseynov, Cavanşir Paşazadə çıxış edərək  sənədlərdəki dəyişikliklərin  olduqca  zəruri  bir  məsələni  əks  etdirdiyini, bu məsələnin qanunvericiliyə  uyğunlaşdırılmasının vacib olduğunu   vurğuladılar. 
Hər  iki  sənəd  Milli Məclisin plenar  iclasına tövsiyə  edildi.

Milli Məclisin
Mətbuat  xidməti