Xəbər verildiyi kimi, ölkəmizdə koronavirus infeksiyasının yayılmasına qarşı görülən sistemli tədbirlərin tərkib hissəsi olaraq, Milli Məclis Sədrinin təşəbbüsü ilə Parlamentdə də bu sahədə məqsədyönlü işlər aparılır.

Milli Məclisdə idarəetmə  artıq stasionar, mobil və internet rabitələri vasitəsi ilə həyata keçirilir. Parlament rəhbərliyi ilə komitə və komissiyaların rəhbərləri, parlamentdə təmsil olunan siyasi partiyaların  liderləri,  habelə  Parlament  Aparatının və  İşlər İdarəsinin məsul vəzifəli şəxsləri  arasında  informasiya  mübadiləsi  internet üzərindən uğurla həyata keçirilir.
Bu gün – martın 29-da Milli Məclisin rəhbərliyi ilə komitə sədrlərinin internet üzərindən ilk dəfə olaraq videokonfransı keçirilmişdir. Videokonfransda martın 30-da keçiriləcək plenar iclasın gündəliyi və cari məsələlər müzakirə olunmuş, geniş fikir mübadiləsi aparılmışdır.

Milli Məclisin
Mətbuat xidməti