Ordubad rayonunda  Azadkənd, Darkənd və Düylün kəndlərindən olan şəhidlər - baş leytenant Namiq Həsən oğlu Xəlillinin, leytenant İntiqam Allahverdi oğlu Abdullayevin, leytenant  Mətin Ramiz oğlu Hüseynovun və MAHHXHQ əsgəri Saday Rza oğlu Məmmədəliyevin anım mərasimləri keçirilib.

Mərasimlərdə Milli Məclisin deputatı Cəbi Quliyev, Ordubad rayon İcra Hakimiyyətinin başçısı Elşad Məmmədov, şəhidlərin yaxınları və ictimaiyyətin nümayəndələri iştirak ediblər.

Anım mərasimində şəhidlərin məzarları ziyarət olunub, qəbirləri üstünə gül-çiçək düzülüb, xatirələrini ehtiramla yad edilib, ruhlarına dualar oxunub.

Tədbir çərçivəsində şəhid ailələri ziyarət olunub, onların qayğıları diqqətdə saxlanılıb.

Milli Məclisin Mətbuat və

ictimaiyyətlə əlaqələr şöbəsi