Vətən müharibəsində Qələbənin birinci ildönümü münasibətilə İtaliyadakı Azərbaycan səfirliyinin təşkil etdiyi tədbirlərdə iştirak etmək üçün Milli Məclisin Azərbaycan-İtaliya parlamentlərarası əlaqələr üzrə işçi qrupunun rəhbəri Azər Kərimli noyabrın 7-də Roma şəhərinə yola düşəcək.

Zəfər Gününə həsr edilmiş tədbirlərdə 44 günlük Vətən müharibəsi nəticəsində torpaqlarımızın Ermənistan tərəfindən 30 il davam etmiş işğalına son qoyulması zamanı şəhid olmuş igidlərin xatirəsi ehtiramla anılacaq, postmüharibə dövründə bölgədə yaranmış yeni reallıqlar barədə danışılacaq.

Səfər noyabrın 10-da başa çatacaq.

Milli Məclisin Mətbuat və

ictimaiyyətlə əlaqələr şöbəsi