Milli Məclisin Ailə, qadın və uşaq məsələləri komitəsinin sədri, Azərbaycan-İsveçrə parlamentlərarası əlaqələr üzrə işçi qrupunun rəhbəri Hicran Hüseynova iyunun 26-da İsveçrənin paytaxtı Bern şəhərinə səfər edəcək.

Səfər çərçivəsində Milli Məclisin deputatı Azərbaycan xalqının Ümummilli Lideri, görkəmli dövlət və siyasi xadim Heydər Əliyevin 100 illik yubileyi ilə əlaqədar bu ölkədə keçiriləcək tədbirlərdə iştirak edəcək.

Səfər iyulun 2-də başa çatacaq.

Milli Məclisin Mətbuat və
ictimaiyyətlə əlaqələr şöbəsi