Milli Məclisin İqtisadi siyasət, sənaye və sahibkarlıq komitəsinin sədri, Azərbaycan-Avstriya parlamentlərarası əlaqələr üzrə işçi qrupunun rəhbəri Tahir Mirkişili Avstriya-Cənubi Qafqaz parlament qrupu rəhbərinin dəvəti ilə aprelin 9-da Avstriyanın Vyana şəhərinə işgüzar səfər edəcək.

Səfər çərçivəsində Tahir Mirkişilinin parlamentdə bir sıra görüşləri nəzərdə tutulub. Görüşlərdə qarşılıqlı parlamentlərarası əlaqələrin perspektivləri və ikitərəfli münasibətlərin gələcək inkişafı barədə müzakirələr aparılacaq.

Səfər aprelin 14-də başa çatacaq.

Milli Məclisin Mətbuat və
ictimaiyyətlə əlaqələr şöbəsi