Milli Məclisin Beynəlxalq münasibətlər və parlamentlərarası  əlaqələr komitəsinin sədr müavini Sevinc Fətəliyeva və deputat Asim Mollazadə sentyabrın 6-dan 12-dək ABŞ-da  səfərdə  olacaqlar.
Deputatlarımız Los-Anceles şəhərində Azərbaycan  konsulluğunun  təşkilatçılığı  ilə keçirilən dahi  bəstəkar Üzeyir  Hacıbəylinin “Arşın  mal alan” operettasının  100 illiyi münasibəti ilə təşkil edilən  tədbirlərdə iştirak edəcəklər.
Tədbirdə bu ölməz sənət nümunəsinin yaranması barədə danışılacaq, operettanın müxtəlif zamanlarda çəkilmiş versiyaları nümayiş etdiriləcək.
Millət  vəkillərimiz dahi bəstəkarın yaradıçılığı barədə  məlumat verəcəklər. 
 

Milli Məclisin
Mətbuat xidməti