Milli Məclisin sədr müavini Rafael Hüseynov mayın 20-də Sloveniya Respublikasının Lyublyana şəhərinə səfər edəcək.

Səfər çərçivəsində vitse-spiker Nova Qoritsa şəhərində təşkil olunacaq Mehdi Hüseynzadənin xatirəsinə, İkinci Dünya müharibəsində iştirak etmiş azərbaycanlı döyüşçülərə və faşizm üzərində Qələbənin qazanılmasında Azərbaycan xalqının töhfəsinə həsr olunmuş anım tədbirində iştirak edəcək.

Səfər mayın 21-də başa çatacaq.

Milli Məclisin Mətbuat və
ictimaiyyətlə əlaqələr şöbəsi