Fevralin 10-da Milli Məclisin İqtisadi siyasət komitəsinin iclası keçirildi. İclası açan komitə sədri Ziyad Səmədzadə gündəlikdəki məsələlərlə iştirakçıları tanış etdi.
Komitə sədri əvvəlcə namizədliyi ölkə Prezidenti tərəfindən növbəti müddətə Mərkəzi Bankın İdarə Heyətinin üzlüyünə təqdim olunmuş Alim Quliyev, Aftandil Babayev, Vadim Xubanov haqqında iştirakçılara məlumat verdi.
Deputatlar məsələ ilə əlaqədar öz müsbət fikirlərini bildirdilər. Çıxış edən namizədlər onlara göstərilən etimada görə minnətdarlıq edərək, bundan sonra da ölkə iqtisadiyyatının gücləndirilməsində səylə çalışacaqlarını bildirdilər.
Ziyad Səmədzadə gündəlikdəki ikinci məsələ “Narkoloji xidmət və nəzarət haqqında” qanuna dəyişikliklər edilməsi barədə məlumat verdi. Bildirildi ki, bu xidmət dövlət vəsaiti hesabına həyata keçirilir, bu işlərə nəzarət isə dəyişikliklərə görə müvafiq icra stukturlarına verilir.
Sonra “Azərbaycan hökuməti ilə İsrail arasında bağlanmış gömrük işi sahəsində qarşılıqlı yardım haqqında” Saziş layihəsi müzakirə olunaraq müsbət dəyərləndirildi.
Sonda qanun layihələri yekdilliklə Milli Məclisin plenar iclasına tövsiyyə olundu.

Milli Məclisin
Mətbuat xidməti