ƏLİLLƏRİN HÜQUQLARI İLƏ BAĞLI KONFRANS KEÇİRİLƏCƏK
![](https://meclis.gov.az/photos/blank.jpg)
Milli Məclisin Sosial siyasət komitəsinin sədri Hadi Rəcəbli və deputat Rauf Əliyev “Əlilliyi olan Şəxslərin Hüquqlarına dair Beynəlxalq konvensiyaların icrası: Cənubi Qafqaz ölkələrinin və Moldovanın təcrübəsi; gələcək addımlar” mövzusunda keçiriləcək regional konfransda iştirak etmək üçün dekabrın 11-dən 13-dək Gürcüstanın paytaxtı Tbilisidə səfərdə olacaqlar.
Konfrans BMT-nin İnsan Hüquqları üzrə Ali Komissarlığının Cənubi Qafqaz ofisi tərəfindən təşkil olunub. Toplantıda Əlilliyi olan Şəxslərin Hüquqlarına dair Beynəlxalq Konvensiyanın ratifikasiyası ilə bağlı Cənubi Qafqaz ölkələrində və Moldovada həyata keçirilən tədbirlər, bu sahədə qanunvericiliyin təkmilləşdirilməsi, əməkdaşlığın gələcək inkişaf perspektivləri barədə fikir mübadiləsi aparılacaq.
Milli Məclisin
Mətbuat xidməti