Son günlər bəzi kütləvi informasiya vasitələrində Milli Məclisin Sosial siyasət komitəsinin sədri Hadi Rəcəblinin adından belə bir açıqlama yayılıb ki, guya deputat “aldığım maaş mənə çatmır” deyib. Hadi Rəcəbli həmin məlumatı təkzib edib və o xəbəri qərəz kimi dəyərləndirib. Bildirib ki, sosial sahədə uzun illər tədqiqat aparan elmlər doktoru, professor kimi  mən həmişə deyirəm: “Təminatla tələbat düz mütənasibdir. Təminat yaxşılaşdıqca tələbat artır.”
Ucuz sensasiya axtaran bəzi KİV-lər deputatın fikirlərini kontekstdən ayıraraq təhrif etmiş, öz maraqlarına uyğun formada yaymışlar. 

Milli Məclisin
Mətbuat xidməti