AVROPA ŞURASI PARLAMENT ASSAMBLEYASININ QIŞ SESSİYASI KEÇİRİLƏCƏK
Yanvarın 27-dən 31-dək Fransanın Strasburq şəhərində Avropa Şurası Parlament Assambleyasının qış sessiyası keçiriləcək. Sessiyada Milli Məclisin AŞPA-dakı daimi nümayəndə heyətinin rəhbəri, Beynəlxalq münasibətlər və parlamentlərarası əlaqələr komitəsinin sədri Səməd Seyidovun başçılıq etdiyi nümayəndə heyəti iştirak edəcək.
AŞPA-NIN SEÇKİÖNCƏSİ MİSSİYASI MİLLİ MƏCLİSDƏ
Yanvarın 23-də Milli Məclis Sədrinin müavini Bahar Muradova fevralın 9-da Azərbaycanda keçiriləcək parlament seçkilərini müşahidə etmək üçün AŞPA-da yaradılmış xüsusi komitənin ölkəmizdə səfərdə olan nümayəndə heyəti ilə görüşdü.
MİLLİ MƏCLİSDƏ AŞPA-nın ÖLKƏMİZDƏ PARLAMENT SEÇKİLƏRİNİ MÜŞAHİDƏ MİSSİYASI İLƏ GÖRÜŞ KEÇİRİLDİ
Yanvarın 23-də Bakıda səfərdə olan Avropa Şurası Parlament Assambleyasının Azərbaycanda parlament seçkilərini müşahidə etmək üçün yaradılmış xüsusi komitəsinin üzvlərinin Milli Məclisdə təmsil olunan siyasi partiyaların nümayəndələri ilə görüşü oldu. Yeni Azərbaycan Partiyasının nümayəndəsi, deputat Sevinc Fətəliyeva qonaqlara parlamentdə təmsil olunan siyasi partiyaların fəaliyyəti, onların iş prinsipləri, ölkəmizdə insan haqları sahəsində vəziyyət barədə söhbət açdı.
ATƏT DTİHB-in EHTİYACLARIN QİYMƏTLƏNDİRİLMƏSİ MİSSİYASI MİLLİ MƏCLİSDƏ
Dekabrın 19-da Milli Məclisdə növbədənkənar parlament seçkiləri ilə əlaqədar ölkəmizə səfərə gəlmiş ATƏT-in Demokratik Təsisatlar və İnsan Hüquqları Bürosunun Ehtiyacların Qiymətləndirilməsi Missiyası (EQM) ilə görüşlər keçirildi.
DEPUTATLARIMIZ ÖZBƏKİSTANDA PARLAMENT SEÇKİLƏRİNİ MÜŞAHİDƏ EDƏCƏKLƏR
Milli Məclisin Aqrar siyasət komitəsinin sədri, Azərbaycan-Özbəkistan parlamentlərarası əlaqələr üzrə işçi qrupunun rəhbəri Eldar İbrahimov və qrupun üzvü, deputat Cavanşir Paşazadə Özbəkistanda keçiriləcək parlament seçkilərini müşahidə etmək üçün dekabrın 19-da bu ölkənin paytaxtı Daşkənd şəhərinə səfər edəcəklər.
MOSKVADA HEYDƏR ƏLİYEVİN ANIM MƏRASİMİ KEÇİRİLƏCƏK
Milli Məclisin deputatı Elmira Axundova ulu öndər Heydər Əliyevin vəfatının 16-cı ildönümü ilə əlaqədar keçiriləcək anım mərasimində iştirak etmək üçün dekabrın 11-də Rusiya Federasiyasının paytaxtı Moskva şəhərinə səfər edəcək.
AŞPA-NIN BÜRO VƏ KOMİTƏ İCLASLARI KEÇİRİLƏCƏK
Dekabrın 9-dan 13-dək Parisdə Avropa Şurası Parlament Assambleyasının Büro, Siyasi işlər və demokratiya, Hüquqi məsələlər və insan hüquqları və Monitorinq komitələrinin iclasları keçiriləcək.
AVRONEST PA-nın SESSİYASINDA
Milli Məclisin deputatları Tahir Mirkişili və Rasim Musabəyov Avronest Parlament Assambleyasının VIII sessiyasında iştirak etmək üçün dekabrın 7-də Gürcüstanın paytaxtı Tbilisi şəhərinə səfər edəcəklər.
AŞPA-nın TƏDBİRLƏRİNDƏ
AŞPA komitələrinin iclaslarında iştirak etmək üçün Milli Məclisin deputatı Sahibə Qafarova dekabrın 1-dən 5-dək, Milli Məclisin Beynəlxalq münasibətlər və parlamentlərarası əlaqələr komitəsinin sədr müavini Sevinc Fətəliyeva isə dekabrın 2-dən 4-dək Fransanın paytaxtı Parisdə səfərdə olacaqlar.
AŞPA-NIN BÜRO VƏ DAİMİ KOMİTƏ İCLASLARI KEÇİRİLƏCƏK
Noyabrın 28-də və 29-da Strasburqda Avropa Şurası Parlament Assambleyasının Büro və Daimi Komitə iclasları keçiriləcək.Tədbirlərdə Milli Məclisin Beynəlxalq münasibətlər və parlamentlərarası əlaqələr komitəsinin sədri, AŞPA-da Azərbaycan nümayəndə heyətinin rəhbəri Səməd Seyidov iştirak edəcəkdir.
MİLLİ MƏCLİSDƏ GÖRÜŞLƏR
Noyabrın 25-də Milli Məclisin Beynəlxalq münasibətlər və parlamentlərarası əlaqələr komitəsinin sədri, AŞPA-dakı nümayəndə heyətinin rəhbəri Səməd Seyidov Qazaxıstanın ölkəmizə yeni təyin olunmuş səfiri Serjan Abdıkərimovla görüşdü. ***Həmin gün Milli Məclisin Beynəlxalq münasibətlər və parlamentlərarası əlaqələr komitəsinin sədri, AŞPA-dakı nümayəndə heyətinin rəhbəri Səməd Seyidov ölkəmizdə səfərdə olan Fransa Parlamentinin deputatı Karolin Janvienin başçılıq etdiyi nümayəndə heyəti ilə görüşdü.
BEYNƏLXALQ KONFRANSDA
Milli Məclisin Qazaxıstanla parlamentlərarası əlaqələr üzrə işçi qrupun rəhbəri Adil Əliyev və deputat Naqif Həmzəyev “Prezidentlik İnstitutu: Qazaxıstan modeli” mövzusunda keçiriləcək beynəlxalq parlament konfransda, iştirak etmək üçün noyabrın 26-da Qazaxıstanın paytaxtı Nur-Sultan şəhərinə səfər edəcəklər.
PARLAMENT XƏBƏRLƏRİ
Milli Məclisin deputatı Cavanşir Feyziyev Avropa Parlamentində keçiriləcək görüşlərdə iştirak etmək üçün noyabrın 25-dən 30-na kimi Fransanın Strasburq şəhərində səfərdə olacaq.*** Milli Məclisin Əmək və sosial siyasət komitəsinin sədr müavini Rauf Əliyev noyabrın 24-25-də İsrailin Təl-Əviv şəhərində səfərdə olacaq.
AZƏRBAYCAN-RUSİYA REGİONLARARASI FORUMU KEÇİRİLƏCƏK
Noyabrın 22-də və 23-də Rusiya Federasiyasının Moskva şəhərində 10-cu Azərbaycan-Rusiya Regionlararası Forumu keçiriləcəkdir.
DEPUTATIMIZ YUNANISTANDA SƏFƏRDƏ OLACAQ
Milli Məclisin deputatı Sahibə Qafarova Avropa Şurası Parlament Assambleyasının fakt araşdırma missiyasının tədbirlərində iştirak etmək üçün noyabrın 20-də Yunanıstanın paytaxtı Afina şəhərinə səfər edəcək.
DEPUTATIMIZ RUSİYADA SƏFƏRDƏ OLACAQ
Milli Məclisin deputatı Mixail Zabelin Rusiya Dövlət Dumasının təşkilatçılığı ilə “MDB ölkələrinin parlamentlərarası əməkdaşlığında siyasi partiyalar və blokların qarşılıqlı əlaqələrinin rolu” mövzusunda keçiriləcək konfransda iştirak etmək üçün noyabrın 18-dən 23-dək Moskvada səfərdə olacaq.
ABŞ-DA ƏSRİN MÜQAVİLƏSİNİN 25 İLLİYİ QEYD OLUNACAQ
Noyabrın 21-də Vaşinqtonda Xəzər Siyasi Mərkəzinin təşkilatçılığı ilə “Əsrin müqaviləsi”nin 25 illiyi ilə əlaqədar yubiley tədbirləri keçiriləcək.
QDİƏT PM BAŞ ASSAMBLEYASININ 54-cü PLENAR İCLASINDA
Noyabrın 19-21-də Bolqarıstanın paytaxtı Sofiyada Qara Dəniz İqtisadi Əməkdaşlıq Təşkilatı Parlament Məclisi Baş Assambleyasının 54-cü plenar iclası keçiriləcək. Tədbirdə QDİƏT PM-də Azərbaycan parlamenti nümayəndə heyətinin rəhbəri Eldar Quliyev, nümayəndə heyətinin üzvləri İlham Əliyev, Jalə Əliyeva, Musa Quliyev, Aydın Mirzəzadə, Əflatun Amaşov iştirak edəcəklər.
DEPUTATLARIMIZ BELARUS RESPUBLİKASINDA SƏFƏRDƏ OLACAQLAR
Milli Məclisin bir qrup deputatı Belarus Respublikasında keçiriləcək parlament seçkilərini müşahidə etmək üçün noyabrın 14-dən Minsk şəhərində səfərdə olacaqlar.
İQTİSADİ SİYASƏT, SƏNAYE VƏ SAHİBKARLIQ KOMİTƏSİNDƏ DAĞISTANLI DEPUTATLARLA GÖRÜŞ
Noyabrın 13-də Milli Məclisin İqtisadi siyasət, sənaye və sahibkarlıq komitəsinin üzvləri ölkəmizdə səfərdə olan Dağıstan Milli Məclisi sədrinin müavini Kamil Davdiyevin başçılıq etdiyi nümayəndə heyəti ilə görüşdülər.