BMT-nin Avropa İqtisadi Komissiyasının regional konfransında
Milli Məclisin deputatı Məzahir Əfəndiyev BMT-nin Avropa İqtisadi Komissiyasının (UNECE) regional konfransında iştirak etmək üçün oktyabrın 17-də İsveçrənin Cenevrə şəhərinə səfər edəcək.
Milli Məclisin deputatı Avstriyaya səfər edəcək
Milli Məclisin İqtisadi siyasət, sənaye və sahibkarlıq komitəsinin sədri, Avstriya ilə parlamentlərarası əlaqələr üzrə işçi qrupunun rəhbəri Tahir Mirkişili oktyabrın 16-da Avstriya Respublikasının paytaxtı Vyana şəhərinə səfər edəcək.
Milli Məclisdə “Heydər Əliyev - 100: Müasir Azərbaycan-sosial rifah və sosial ədalət dövləti” mövzusunda elmi-praktik konfrans keçirilib
Oktyabrın 13-də Milli Məclisin Əmək və sosial siyasət komitəsində "Heydər Əliyev - 100: Müasir Azərbaycan – sosial rifah və sosial ədalət dövləti" mövzusunda elmi-praktik konfrans keçirilib. Konfransa Əmək və sosial siyasət komitəsinin sədri Musa Quliyev moderatorluq edib. Tədbiri açan Musa Quliyev giriş nitqi ilə çıxış edib.
Milli Məclisin deputatları İtaliyaya səfər edəcəklər
Milli Məclisin deputatları - Beynəlxalq münasibətlər və parlamentlərarası əlaqələr komitəsinin sədri Səməd Seyidov və Azərbaycan-İtaliya parlamentlərarası əlaqələr üzrə işçi qrupunun rəhbəri Azər Kərimli oktyabrın 16-da İtaliya Respublikasının paytaxtı Roma şəhərinə səfər edəcəklər.
Milli Məclisin deputatı Polşada parlament seçkilərini müşahidə edəcək
Milli Məclisin deputatı, ATƏT-in Parlament Assambleyasında Azərbaycan nümayəndə heyətinin rəhbəri, Parlament Assambleyasının komitə sədri Azay Quliyev Polşa Respublikasında keçiriləcək parlament seçkilərini müşahidə etmək üçün oktyabrın 11-də Varşavaya səfər edəcək.
Milli Məclisin deputatları MDB PA-nın tədbirlərində iştirak edəcəklər
Milli Məclis sədrinin müavini, Gənclər və idman komitəsinin sədri Adil Əliyev MDB PA-nın Təhlükəsizlik və yeni çağırışlar və təhdidlərlə mübarizə sahəsində qanunvericiliyin təkmilləşdirilməsi üzrə birgə komissiyanın və Müdafiə və təhlükəsizlik üzrə daimi komissiyanın, deputatlar Rüfət Quliyev, Malik Həsənov və Mixail Zabelin qurumun İqtisadiyyat və maliyyə, Nəzarət-büdcə, Aqrar siyasət, təbii ehtiyatlar və ekologiya üzrə daimi komissiyalarının iclaslarında iştirak etmək üçün oktyabrın 11-də Rusiya Federasiyasının Sankt-Peterburq şəhərinə səfər edəcəklər.
Gürcüstan parlamentinin nümayəndə heyəti ölkəmizdə səfərdədir
Oktyabrın 9-da ölkəmizdə səfərdə olan Gürcüstan parlamentinin nümayəndə heyəti Milli Məclisin inzibati binasına gəlib. Qonaqlar burada deputatlar və parlament əməkdaşları üçün yaradılmış iş şəraiti ilə tanış olublar. Sonra Milli Məclis Aparatının rəhbəri Fərid Hacıyev ölkəmizdə səfərdə olan Gürcüstan Parlamentinin Baş katibi xanım Ketevan Kvinikadzenin başçılıq etdiyi nümayəndə heyəti ilə görüşüb.
_1696860979.jpeg)
Gürcüstan parlamentinin nümayəndə heyəti Şəhidlər xiyabanını ziyarət edib
Azərbaycanda səfərdə olan Gürcüstan parlamentinin Baş katibi Ketevan Kvinikadzenin başçılıq etdiyi nümayəndə heyəti oktyabrın 9-da Şəhidlər xiyabanını ziyarət edərək, ölkəmizin azadlığı və suverenliyi uğrunda mübarizədə canlarından keçmiş qəhrəman Vətən övladlarının xatirəsini hörmətlə anıb, məzarları üzərinə tər çiçəklər düzüb.
_1696858899.jpeg)
Milli Məclisin nümayəndə heyəti Kopenhagendə bir sıra ikitərəfli görüşlər keçirib
Xəbər verdiyimiz kimi, Milli Məclisin deputatları - NATO Parlament Assambleyasında (NATO PA) nümayəndə heyətinin rəhbəri, parlamentin Müdafiə, təhlükəsizlik və korrupsiya ilə mübarizə komitəsinin sədri Ziyafət Əsgərov, nümayəndə heyətinin üzvləri parlamentin Regional məsələlər komitəsinin sədri Siyavuş Novruzov, Məlahət İbrahimqızı, Kamran Bayramov və Elşən Musayev NATO PA-nın 69-cu illik sessiyasında iştirak etmək məqsədilə oktyabrın 6-dan Danimarka Krallığının Kopenhagen şəhərində səfərdədirlər.
Milli Məclisin deputatları Latviyaya səfər edəcəklər
Milli Məclisin deputatları - Azərbaycan-Latviya parlamentlərarası əlaqələr üzrə işçi qrupunun rəhbəri Kamran Bayramov və Məlahət İbrahimqızı oktyabrın 9-da Latviya Respublikasının paytaxtı Riqa şəhərinə səfər edəcəklər.
Avropa Parlamentinin 2023-cü il 5 oktyabr tarixli qətnaməsi ilə əlaqədar AZƏRBAYCAN RESPUBLİKASI MİLLİ MƏCLİSİNİN BƏYANATI
Azərbaycan Respublikasının Milli Məclisi 2023-cü il oktyabrın 5-də Avropa Parlamentinin qərəzli və obyektivlikdən uzaq qətnamə qəbul etməsinə qəti etirazını bildirir və ölkəmizi hədəf alan bu hərəkəti şiddətlə qınayır. Xatırladırıq ki, Azərbaycanın Avropa Parlamenti qarşısında heç bir öhdəliyi yoxdur. Yaxşı olar ki, Avropa Parlamenti Avropada tüğyan edən islamofobiya, antisemitizm, miqrantların hüquqlarının kütləvi və kobud surətdə pozulması və digər bu kimi köklü problemlərlə məşğul olsun.
AŞPA-nın payız sessiyası keçiriləcək
Oktyabrın 8-də Milli Məclisin Beynəlxalq münasibətlər və parlamentlərarası əlaqələr komitəsinin sədri və AŞPA-da Azərbaycan nümayəndə heyətinin rəhbəri Səməd Seyidov, nümayəndə heyətinin üzvləri Sevinc Fətəliyeva, Fazil Mustafa, Asim Mollazadə, Rafael Hüseynov, Erkin Qədirli, Nigar Arpadarai, Kamal Cəfərov AŞPA-nın payız sessiyasında iştirak etmək üçün Fransanın Strasburq şəhərinə səfər edəcəklər.
_1696590267.jpeg)
Serbiya parlamentinin nümayəndə heyəti Ulu Öndərin məzarını və Şəhidlər xiyabanını ziyarət edib
Azərbaycanda rəsmi səfərdə olan Serbiya parlamenti sədri Vladimir Orliçin rəhbərlik etdiyi nümayəndə heyəti oktyabrın 6-da Fəxri xiyabana gələrək, xalqımızın Ümummilli Lideri, müasir müstəqil Azərbaycan dövlətinin memarı və qurucusu Heydər Əliyevin xatirəsini dərin ehtiramla yad edib, məzarı önünə əklil qoyub, tər çiçəklər düzüb.
Serbiya Milli Assambleyasının sədri Vladimir Orliç Azərbaycana rəsmi səfərə gəlib
Serbiya Respublikası Milli Assambleyasının sədri Vladimir Orliç oktyabrın 6-da ölkəmizə rəsmi səfərə gəlib.
_1696513655.jpeg)
“ASAN Könüllüləri” Təşkilatının bir qrup üzvü Milli Məclisdə olub
Oktyabrın 5-də “ASAN Könüllüləri” Təşkilatının 50-yə yaxın üzvü 2023-cü ilin “Heydər Əliyev ili” elan olunması ilə əlaqədar keçirilən tədbirlər çərçivəsində Milli Məclisdə Ulu Öndər Heydər Əliyevin yaxın silahdaşı olmuş parlamentin İntizam komissiyasının sədri Eldar İbrahimovla görüşüblər.
Deputatlarımız NATO PA-nın 69-cu illik sessiyasında iştirak edəcəklər
Milli Məclisin deputatları - NATO Parlament Assambleyasında (NATO PA) nümayəndə heyətinin rəhbəri, parlamentin Müdafiə, təhlükəsizlik və korrupsiya ilə mübarizə komitəsinin sədri Ziyafət Əsgərov, nümayəndə heyətinin üzvləri parlamentin Regional məsələlər komitəsinin sədri Siyavuş Novruzov, Məlahət İbrahimqızı, Kamran Bayramov və Elşən Musayev NATO PA-nın 69-cu illik sessiyasında iştirak etmək məqsədilə oktyabrın 6-da Danimarka Krallığının Kopenhagen şəhərinə səfər edəcəklər.
Çex parlament nümayəndə heyəti ilə görüş
Oktyabrın 2-də Milli Məclisin Azərbaycan-Çexiya parlamentlərarası əlaqələr üzrə işçi qrupunun rəhbəri Elnur Allahverdiyev Çex Respublikası Parlamentinin Deputatlar Palatasının Çexiya-Azərbaycan parlamentlərarası dostluq qrupunun rəhbəri Yan Kubik ilə görüşüb.
Milli Məclisdə görüş
Oktyabrın 2-də Milli Məclisin Mərakeşlə parlamentlərarası əlaqələr üzrə işçi qrupunun rəhbəri İmamverdi İsmayılov Mərakeş Krallığı Parlamentinin Mərakeş-Azərbaycan dostluq qrupunun rəhbəri Abderrazak Ahluş ilə görüşüb.
Milli Məclisin deputatları Qazaxıstanda səfərdə olacaqalar
Milli Məclisin deputatları Nizami Cəfərov və Fatma Yıldırım oktyabrın 3-də Qazaxıstanın paytaxtı Astana şəhərinə, sonra isə oktyabrın 5-də Türküstan şəhərinə səfər edəcəklər.
Milli Məclisin deputatı İsveçrə Konfederasiyasında səfərdə olacaq
Milli Məclisin deputatı Kamal Cəfərov BMT-nin İqtisadi, sosial və mədəni hüquqlar komitəsinin Ermənistan üzrə dövri hesabatının təqdimat iclasında iştirak etmək üçün oktyabrın 3-də İsveçrə Konfederasiyasının Cenevrə şəhərinə səfər edəcək.