Azərbaycan Respublikasının Cinayət Məcəlləsində dəyişikliklər edilməsi haqqında

AZƏRBAYCAN RESPUBLİKASININ QANUNU

Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 17-ci bəndini rəhbər tutaraq qərara alır:

Azərbaycan Respublikasının Cinayət Məcəlləsində (Azərbaycan Respublikasının Qanunvericilik Toplusu, 2000, No– 4, II kitab, maddə 251, No– 5, maddə 323, No– 12, maddə 835; 2001, No– 1, maddə 24, No– 7, maddə 455; 2002, No– 1, maddə 9, No– 5, maddələr 236, 248, 258, No– 6, maddə 326, No– 8, maddə 465; 2003, No–6, maddələr 276, 279, No– 8, maddələr 424, 425, No– 12, I kitab, maddə 676; 2004, No– 1, maddə 10, No– 4, maddə 200, No– 5, maddə 321, No– 8, maddə 598, No– 10,  maddə 762, No– 11, maddə 900; 2005, No– 1, maddə 3, No– 6, maddə 462, No– 7,  maddə 575, No– 10, maddə 904, No– 11, maddə 994; 2006, No– 2, maddələr 71, 72, 75, No– 5, maddə 390, No– 12, maddələr 1008, 1020, 1028; 2007, No– 2, maddə 68, No– 5, maddə 398, No– 6, maddələr 560, 562, 579, No– 8, maddə 757, No– 10, maddələr 937, 941, No– 11, maddələr 1049, 1080, 1090, No– 12, maddə 1221; 2008, No– 6, maddələr 454, 461, No– 7, maddə 602, No– 10, maddə 884, No– 12, maddələr 1047, 1049; 2009, No– 5, maddə 315, No– 7, maddə 517, No– 12, maddə 953; 2010, No– 2, maddə 70, No– 3, maddələr 171, 178, No– 4, maddələr 275, 276, No– 7, maddə 591; 2011, No– 4, maddə 253, No– 6, maddə 472, No– 7, maddələr 587, 601, 621, No– 11, maddə 980, No– 12, maddə 1093; 2012, No– 2, maddə 45, No– 3, maddələr 193, 196,  No– 7, maddələr 666, 669, 673, No– 11, maddə 1068, No– 12, maddə 1223; 2013, No– 1, maddə 14, No– 2, maddə 102, No– 4 maddə 364, No– 5, maddələr 459, 479, 481, No– 6, maddələr 594, 600, No– 11, maddələr 1264, 1286, 1312, No– 12, maddə 1492; 2014, No– 2, maddələr 89, 95, No– 4, maddə 327, No– 6 maddələr 618, 622; 2015, No– 4, maddələr 339, 359, 368, No– 5, maddələr 504, 508, 510, No– 6 maddələr 678, 690, 692; No– 11, maddələr 1253, 1268, 1289,1298; No– 12, maddə 1437, 1445; 2016, No– 4, maddələr 634, 636, 638, 653, No– 5, maddə 845, No– 6, maddələr 993, 1001) aşağıdakı dəyişikliklər edilsin:

1. 99-4.6-cı maddəyə “242-244-1,” rəqəmlərindən sonra “259-261,” rəqəmləri əlavə edilsin.

2. 259-cu maddə üzrə:
2.1. 259.1-ci maddənin dispozisiyasında “qoruqlarda, milli və ya təbii parklarda ağacların və ya kolların” sözləri “xüsusi mühafizə olunan təbiət ərazilərində ağacların, kolların və ya digər yaşıllıqların” sözləri ilə, “aid olmayan ağacların və ya kolların qanunsuz kəsilməsi” sözləri “daxil olmayan ağacların, kolların və ya digər yaşıllıqların qanunsuz kəsilməsi (götürülməsi)” sözləri ilə əvəz edilsin və sanksiyası aşağıdakı redaksiyada verilsin:
“beş min manatdan yeddi min manatadək miqdarda cərimə və ya iki ilədək müddətə islah işləri və ya üç ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə və ya edilməməklə iki ilədək müddətə azadlıqdan məhrumetmə ilə cəzalandırılır.”; 
2.2.  259.2-ci maddənin  sanksiyası aşağıdakı redaksiyada verilsin:
“yeddi min manatdan doqquz min manatadək miqdarda cərimə və ya üç ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə və ya edilməməklə iki ildən beş ilədək müddətə azadlıqdan məhrum etmə ilə cəzalandırılır.”
2.3. 259.2.2-ci maddə ləğv edilsin;
2.4. aşağıdakı məzmunda 259.3-cü maddə əlavə edilsin:
“259.3. Bu Məcəllənin 259.1-ci və ya 259.2-ci maddəsində nəzərdə tutulmuş əməllər qabaqcadan əlbir olan bir qrup şəxs və ya mütəşəkkil dəstə tərəfindən törədildikdə -
doqquz min manatdan on bir min manatadək miqdarda cərimə və ya üç ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə və ya edilməməklə iki ildən beş ilədək müddətə azadlıqdan məhrum etmə ilə cəzalandırılır.”;
2.5. “Qeyd” hissəsi aşağıdakı redaksiyada verilsin:
“Qeyd:
1.  Bu maddənin müddəaları xüsusi mülkiyyətdə olan həyətyanı və bağ sahələrindəki yaşıllıqların, habelə kənd təsərrüfatı məhsulları istehsalı üçün istifadə edilən bitkilərdən ibarət yaşıllıqların (əkinlərin) kəsilməsi (götürülməsi) hallarına şamil edilmir.
2. Bu Məcəllənin 259.1-ci maddəsində “xeyli miqdar” dedikdə, min manatdan yeddi min manatadək olan məbləğ, 259.2.4-cü, 260.1-1-ci və 260.3-cü maddələrində “külli miqdar” dedikdə, yeddi min manatdan artıq olan məbləğ başa düşülür.”.
3. 260-cı maddə üzrə:
3.1. adında “Meşələri” sözündən sonra “və digər yaşıllıqları” sözləri əlavə edilsin, “korlama” sözü “zədələmə” sözü ilə əvəz edilsin;
3.2. 260.1-ci maddənin dispozisiyasında “meşələri və ya meşə fonduna aid olmayan ağac və ya kol əkililərini məhv etmə və ya korlama” sözləri “meşələri, meşə fonduna daxil olmayan ağac və ya kol əkililərini və digər yaşıllıqları məhv etmə və ya zədələmə” sözləri ilə, sanksiyasında “yüz manatdan beş yüz manatadək” sözləri “min manatdan iki min manatadək” sözləri ilə əvəz edilsin;

3.3. aşağıdakı məzmunda 260.1-1-ci maddə əlavə edilsin:
“260.1-1. Bu Məcəllənin 260.1-ci maddəsində nəzərdə tutulmuş əməllər külli miqdarda ziyan vurmaqla törədildikdə -
iki min manatdan dörd min manatadək miqdarda cərimə və ya iki ilədək müddətə islah işləri və ya iki ilədək müddətə azadlıqdan məhrum etmə ilə cəzalandırılır.”;
3.4. 260.2-ci maddənin dispozisiyasında “tullantılarla” sözü “istehsalat və məişət tullantıları ilə” sözləri ilə, “aid olmayan ağac və ya kol əkililəri məhv etmə və ya korlama” sözləri “daxil olmayan ağac və ya kol əkililəri və digər yaşıllıqları məhv etmə və ya zədələmə” sözləri ilə, sanksiyasında “iki ildən yeddi ilədək” sözləri “iki min manatdan üç min manatadək miqdarda cərimə edilməklə və ya edilməməklə iki ildən beş ilədək” sözləri ilə əvəz edilsin;
3.5. aşağıdakı məzmunda 260.3-cü maddə əlavə edilsin:
“260.3. Bu Məcəllənin 260.2-ci maddəsində nəzərdə tutulmuş əməllər külli miqdarda ziyan vurmaqla törədildikdə -
üç min manatdan yeddi min manatadək miqdarda cərimə edilməklə və ya edilməməklə beş ildən yeddi ilədək müddətə azadlıqdan məhrum etmə ilə cəzalandırılır.”.

İlham Əliyev
Azərbaycan Respublikasının Prezidenti

Bakı şəhəri, 11 noyabr 2016-cı il
No– 395-VQD