Tədbirlərdə “MDB iştirakçısı olan dövlətlər üçün dövlət və bələdiyyə qulluğu haqqında model Məcəllə layihəsi”, həmçinin “Sahibkarlıq haqqında”, “Yerli hakimiyyət orqanlarının sərhədyanı əməkdaşlıqda iştirak qaydası haqqında”, “İctimai nəzarətin əsasları haqqında”, “Elektron hökumət haqqında”, “Elektron sənədlərin transsərhəd informasiya mübadiləsi haqqında”, “Sosial-mədəni yaradıcılıq haqqında” və digər model qanun layihələri müzakirəyə çıxarılacaqdır.

Səfər çərçivəsində Yeni çağırış və təhdidlərə qarşı mübarizə və təhlükəsizlik sahəsində qanunvericiliyin uyğunlaşdırılması üzrə MDB PA-nın birləşmiş komissiyasının da iclası keçiriləcək, bu mövzuda müzakirələr aparılacaqdır.

Deputat Elton Məmmədov müzakirə olunacaq qanun layihələri barədə çıxış edəcək, qeyd və təkliflərini bildirəcəkdir.