İQTİSADİ SİYASƏT, SƏNAYE VƏ SAHİBKARLIQ KOMİTƏSİNİN İCLASINDA
Martın 18-də Milli Məclisin İqtisadi siyasət, sənaye və sahibkarlıq komitəsinin növbəti iclası keçirildi. Komitə sədri Ziyad Səmədzadə dövlət başçısının xalqın yaşayış səviyyəsinin yaxşılaşdırılması istiqamətində imzaladığı son fərman və sərəncamların əhəmiyyəti barədə danışdı. Eyni zamanda qeyd edildi ki, atılan addımlar ölkə iqtisadiyyatının dinamik inkişafı, dövlətin iqtisadi gücünün daha da artması üçün geniş imkanlar yaradır.
MİLLİ MƏCLİSDƏ VƏRƏMLƏ MÜBARİZƏ MÖVZUSUNDA DİNLƏMƏ KEÇİRİLDİ
Martın 14-də Milli Məclisin Səhiyyə komitəsində Ümumdünya Vərəmlə Mübarizə Gününə həsr olunmuş “Azərbaycan Respublikasında vərəmlə mübarizə” mövzusunda dinləmə keçirildi.
HÜQUQ SİYASƏTİ VƏ DÖVLƏT QURUCULUĞU KOMİTƏSİNDƏ
Martın 14-də növbəti iclasına toplaşan Hüquq siyasəti və dövlət quruculuğu komitəsinin gündəliyinə 3 məsələ daxil edilmişdi. Komitənin sədri Əli Hüseynli bildirdi ki, Azərbaycan Prezidentinin imzası ilə müzakirəyə təqdim olunmuş yeni qanun layihəsi “Mediasiya haqqında”dır. Bu layihə hələ 2016-cı ildə dövlət başçısının verdiyi tapşırığa əsasən hazırlanıb.
İNSAN HÜQUQLARI KOMİTƏSİNDƏ
Martın 13-də Milli Məclisin İnsan hüquqları komitəsinin növbəti iclası keçirildi. Gündəlikdə 4 məsələ olduğunu qeyd edən komitənin sədri, Milli Məclis Sədrinin müavini Bahar Muradova bildirdi ki, təqdim olunan qanun layihələri qanunvericiliyin uyğunlaşdırılması xarakteri daşıyır.
ELM VƏ TƏHSİL KOMİTƏSİNİN İCLASI KEÇİRİLDİ
Martın 13-də Milli Məclisin Elm və təhsil komitəsinin növbəti iclası keçirildi.Gündəlikdəki “Ümumi təhsil haqqında” Qanun layihəsinin üçüncü oxunuşu barədə məlumat verən komitə sədri İsa Həbibbəyli bildirdi ki, komitə il yarımdır ki, “Ümumi təhsil haqqında” qanun layihəsi üzərində çalışır. Layihənin Milli Məclisin iclasında müzakirəsi zamanı deputatlar ona çox həssas yanaşıblar. Qanun layihəsi Maliyyə və Təhsil nazirliklərinə də göndərilib. Münasibət ümumən müsbət olub, məqbul təkliflər qanun layihəsinə daxil edilib.
AQRAR SİYASƏT KOMİTƏSİNİN İCLASINDA
Martın 13-də Milli Məclisin Aqrar siyasət komitəsinin iclası keçirildi. Komitə sədri Eldar İbrahimov bildirdi ki, gündəliyə 6 məsələ daxil edilib. Prezident tərəfindən qanunvericilik təşəbbüsü qaydasında təqdim olunan qanun layihələri birinci oxunuşda müzakirəyə çıxarılıb.
SƏHİYYƏ KOMİTƏSİNİN İCLASINDA
Martın 12-də Milli Məclisin Səhiyyə Komitəsində “İnsan orqanlarının donorluğu və transplantasiyası haqqında” Azərbaycan Respublikası qanununun layihəsinə dair dinləmələr keçirildi. Komitənin sədri Əhliman Əmiraslanov bildirdi ki, dünyada transplantasiya son 50 ildə inkişaf etməyə başlayıb. Hər il dünyada 120 mindən çox orqan transplantasiya olunur. Amma planetdə yaşayan insanların orqan transplantasiyasına tələbatı bundan dəfələrlə çoxdur.
ƏMƏK VƏ SOSİAL SİYASƏT KOMİTƏSİNDƏ
Martın 12-də Milli Məclisin Əmək və sosial siyasət komitəsinin iclası keçirildi. Komitə sədri Hadi Rəcəbli bildirdi ki, Prezident İlham Əliyev 2019-cu ili sosial təminatla bağlı məsələlərin həlli istiqamətində görülən işlərin əhəmiyyəti baxımından önəmli il adlandırıb. Bu sahədə dövlət başçısı tərəfindən bir çox inqilabi sərəncamlar imzalanıb. Minimum əmək haqqının və pensiyaların artırılması, Qarabağ əlillərinin, digər kateqoriyadan olan əlillərin, uşaqların sosial müdafiəsi, problemli kreditlər, məşğulluqla bağlı atılan addımlar mühüm əhəmiyyət kəsb edir və əhali tərəfindən yüksək qiymətləndirilir.
TƏBİİ EHTİYATLAR, ENERGETİKA və EKOLOGİYA KOMİTƏSİNDƏ
Martın 11-də Təbii ehtiyatlar, energetika və ekologiya komitəsinin iclası oldu. Komitənin sədri, Milli Məclis Sədrinin müavini Valeh Ələsgərov bildirdi ki, gündəlikdə Azərbaycan Prezidentinin imzası ilə parlamentə daxil olmuş altı məsələ var.
KÜVEYT AZƏRBAYCANIN ƏRAZİ BÜTÖVLÜYÜNÜ DƏSTƏKLƏYİR
Martın 11-də Milli Məclisin Azərbaycan-Küveyt parlamentlərarası əlaqələr üzrə işçi qrupunun üzvləri Küveyt Millət Məclisinin Küveyt-Azərbaycan parlamentlərarası dostluq qrupunun üzvlərindən ibarət nümayəndə heyəti ilə görüşdülər.Azərbaycan-Küveyt parlamentlərarası əlaqələr üzrə işçi qrupunun rəhbəri, deputat Hüseynbala Mirələmov ölkələrimiz arasında mövcud olan dostluq münasibətlərindən danışdı, müxtəlif sahələrdə əlaqələrin inkişaf etdiyini qeyd etdi.
İNSAN HÜQUQLARI KOMİTƏSİNDƏ
Martın 1-də Milli Məclisin İnsan hüquqları komitəsində “Azərbaycan Respublikasının İnsan hüquqları üzrə müvəkkilinin (ombudsmanın) illik məruzəsi” müzakirə olundu. Öncə İnsan hüquqları komitəsinin sədri, Milli Məclis Sədrinin müavini Bahar Muradova vurğuladı ki, ölkəmizdə insan hüquqlarının qorunması sahəsində həm qanunverici əsasda, həm də icraatda böyük nailiyyətlər əldə olunub. Azərbaycan Prezidentinin ardıcıl olaraq imzaladığı fərman və sərəncamlar, ölkədə sosial-iqtisadi vəziyyətin yaxşılaşdırılması insan haqlarının və azadlıqlarının daha yüksək səviyyədə təmin olunmasına imkan yaradır. Belə münbit şəraitdə ombudsman təsisatı da öz işini lazımi səviyyədə qura bilir.
AQRAR SİYASƏT KOMİTƏSİNİN İCLASINDA
Fevralın 27-də Milli Məclisin Aqrar siyasət komitəsinin növbəti iclası keçirildi. Komitənin sədri Eldar İbrahimov bildirdi ki, gündəliyə “Azərbaycan Respublikasının Torpaq Məcəlləsində dəyişiklik edilməsi haqqında” qanun layihəsi daxil edilib. Komitə sədri diqqətə çatdırdı ki, Azərbaycan Prezidentinin qanunvericilik təşəbbüsü qaydasında təqdim etdiyi qanun layihəsinə əsasən Məcəllənin 56-cı maddəsinə 10-cu bəndin əlavə edilməsi təklif olunur.
HÜQUQ SİYASƏTİ VƏ DÖVLƏT QURUCULUĞU KOMİTƏSİNDƏ
Fevralın 27-də Hüquq siyasəti və dövlət quruculuğu komitəsinin iclası oldu. Komitənin sədri Əli Hüseynli bildirdi ki, gündəlikdə “Azərbaycan Respublikasının Şəhərsalma və Tikinti Məcəlləsində dəyişiklik edilməsi haqqında” məsələyə baxılması nəzərdə tutulub. Qeyd olunduki, Azərbaycan Prezidenti öz çıxışları, tikinti sahəsinə dair imzaladığı fərmanlar və sənədlərlə şəhərsalma və tikinti sahəsində fundamental, keyfiyyətcə yeni islahatların başlanğıcını qoyub.
İQTİSADİ SİYASƏT, SƏNAYE VƏ SAHİBKARLIQ KOMİTƏSİNDƏ
Fevralın 27-də Milli Məclisin İqtisadi siyasət, sənaye və sahibkarlıq komitəsinin iclası keçirildi. Komitə sədri Ziyad Səmədzadə iclası açaraq bildirdi ki, son vaxtlar Azərbaycanın ictimai-siyasi, sosial-iqtisadi həyatında böyük keyfiyyət dəyişiklikləri baş verir. Ölkə iqtisadiyyatında mühüm məsələlərin tənzimlənməsi istiqamətində zəruri işlər görülür. Dövlət başçısı xalqın problemlərindən xəbərdardır, onların həlli üçün önəmli addımlar atır, hər zaman xalqın yanındadır. Bütün bunlar cəmiyyətdə müsbət qarşılanır, dövlət-xalq münasibətlərini daha da möhkəmləndirir.
İQTİSASİ SİYASƏT, SƏNAYE VƏ SAHİBKARLIQ KOMİTƏSİNDƏ
Fevralın 15-də Milli Məclisin İqtisadi siyasət, sənaye və sahibkarlıq komitəsinin iclası keçirildi. Komitə sədri Ziyad Səmədzadə bildirdi ki, bu gün ölkədə bütün sahələrdə dinamik inkişafı nümayiş etdirən hadisələr müşahidə olunur, transmilli layihələr həyata keçirilir. Prezidentin uğurlu inkişaf strategiyası dövlətimizin iqtisadi yüksəlişinin daha da artması üçün geniş imkanlar yaradıb. Bu günlərdə mühüm tarixi qərarlar verilib, o cümlədən minimum əmək haqqının 38% artmasını təmin edən sənəd imzalanıb. Bütün bunlar əhalinin yaşayış səviyyəsinin və rifahının xeyli yaxşılaşmasına yönəlib.
PEŞƏ BİRLİKLƏRİ İLƏ BAĞLI QANUN LAYİHƏSİNİN İCTİMAİ MÜZAKİRƏSİ KEÇİRİLDİ
Fevralın 14-də Milli Məclisin İnsan hüquqları ilə Hüquq siyasəti və dövlət quruculuğu komitələrinin birgə iclasında “Peşə birlikləri haqqında” yeni qanun layihəsinin ictimai müzakirəsi keçirildi. İclasda bir sıra dövlət qurumlarının nümayəndələri, Qeyri-Hökumət Təşkilatlarının təmsilçiləri iştirak edirdi.
MÜDAFİƏ, TƏHLÜKƏSİZLİK VƏ KORRUPSİYA İLƏ MÜBARİZƏ KOMİTƏSİNİN İCLASINDA
Fevralın 4-də Milli Məclisin Müdafiə, təhlükəsizlik və korrupsiya ilə mübarizə komitəsinin növbəti iclası keçirildi. İclasın əvvəlində deputatlar ölkədəki ictimai-siyasi vəziyyət və sosial şəbəkələrdə yayımlanan təhqirlərlə bağlı fikirlərini bölüşdülər.
AQRAR SİYASƏT KOMİTƏSİNDƏ
Yanvarın 31-də Milli Məclisin Aqrar siyasət komitəsi yaz sessiyasında ilk iclasına toplaşdı. Komitənin sədri Eldar İbrahimov yeni sessiyanın başlanması münasibəti ilə deputatları təbrik etdi, qanunvericilik fəaliyyətində həmkarlarına uğurlar arzuladı.
ELM VƏ TƏHSİL KOMİTƏSİNİN İCLASINDA
Yanvarın 24-də Milli Məclisin Elm və təhsil komitəsinin 2019-cu ilin yaz sessiyasında ilk iclası keçirildi. Komitə sədri İsa Həbibbəyli sessiyanın başlaması münasibəti ilə deputatları təbrik etdi, fəaliyyətlərində uğurlar dilədi.
REGİONAL MƏSƏLƏLƏR KOMİTƏSİNDƏ
Yanvarın 25-də Milli Məclisin yaz sessiyasında ilk iclasına toplaşan Regional məsələlər komitəsində üç məsələyə baxıldı. Öncə komitənin sədri Arif Rəhimzadə 2018-ci il payız sessiyasının yekunları barədə danışdı.