Beynəlxalq tədbirdə
Milli Məclisin deputatı Vüqar Bayramov "Kosmos - regionda diplomatiya və iqtisadi inkişaf üçün dönüş nöqtəsi" mövzusunda keçiriləcək 6-cı Beynəlxalq Kosmik Forumun işində iştirak etmək üçün iyulun 1-də Bəhreyn Krallığının Manama şəhərinə səfər edəcək.
Parlamentin vitse-spikeri Adil Əliyev Belarusda səfərdə olacaq
Milli Məclis sədrinin müavini, Gənclər və idman komitəsinin sədri Adil Əliyev iyunun 30-da Belarus Respublikasının paytaxtı Minsk şəhərinə səfər edəcək.
ATƏT Parlament Assambleyasının sessiyasında
Milli Məclisin deputatları - ATƏT PA-da nümayəndə heyətinin rəhbəri Azay Quliyev, üzvləri Tahir Mirkişili və Tural Gəncəliyev ATƏT PA-nın “Mövcud təhlükəsizlik arxitekturasında ATƏT-in rolu: Parlament Perspektivi” mövzusunda keçiriləcək 31-ci sessiyasının işində iştirak etmək üçün iyunun 28-də Rumıniyanın Buxarest şəhərinə səfər edəcəklər.
Milli Məclisdə ÜST nümayəndəsi ilə görüş keçirilib
İyunun 27-də Milli Məclisin Səhiyyə komitəsinin üzvləri Ümumdünya Səhiyyə Təşkilatının (ÜST) Avropa üzrə Regional Ofisinin Peyvəndlə qarşısı alına bilən xəstəliklər bölməsinin mütəxəssisi Ludmila Mosinanın başçılıq etdiyi nümayəndə heyəti ilə görüşüblər.
Qadın Parlamentarilərin Qlobal Konfransında
Milli Məclisin deputatları Məlahət İbrahimqızı, Sevil Mikayılova və Əminə Ağazadə Qətər Dövlətinin Doha şəhərinə səfər edəcəklər.
Milli Məclisdə görüş
Milli Məclis sədrinin müavini, parlamentin Gənclər və idman komitəsinin sədri Adil Əliyev və Milli Məclisin Braziliya ilə parlamentlərarası əlaqələr üzrə işçi qrupunun rəhbəri Müşfiq Məmmədli iyunun 24-də Braziliya İşçi Partiyasının Beynəlxalq əlaqələr üzrə katibi Romenio Pereyra ilə görüşüblər.
Fəraqinin 300 illiyinə həsr olunmuş tədbirdə
İyunun 22-də Milli Məclisin Elm və təhsil komitəsinin sədri Bəxtiyar Əliyev türkmən xalqının böyük şairi Məhtimqulu Fəraqinin 300 illiyi ilə əlaqədar “Xalqları birləşdirən tarixi və mədəni dəyərlər” mövzusunda keçirilən xüsusi onlayn iclasda iştirak edib.
Beynəlxalq tədbirdə
Milli Məclisin deputatı Məlahət İbrahimqızı iyunun 23-də Avstriyanın Vyana şəhərinə səfər edəcək.
Milli Məclisdə ictimai dinləmə keçirilib
İyunun 20-də Milli Məclisin Ailə, qadın və uşaq məsələləri və Hüquq siyasəti və dövlət quruculuğu komitələrinin “Sağlam ailə modeli və nikah hüququ” mövzusunda birgə ictimai dinləməsi keçirilib.
Macarıstan Milli Assambleyasının üzvləri Ağdamda olublar
İyunun 18-də ölkəmizdə səfərdə olan Macarıstan Milli Assambleyasının Macarıstan-Azərbaycan parlamentlərarası dostluq qrupunun üzvləri Ağdamda olublar. Qonaqlar burada erməni vandalizminin izləri, həmçinin şəhər işğaldan azad ediləndən sonra Azərbaycan dövləti tərəfindən həyata keçirilən bərpa-tikinti işləri ilə tanış olublar.
Milli Məclisdə görüş
İyunun 17-də Macarıstan Milli Assambleyasının Azərbaycanla dostluq qrupunun rəhbəri Attila Tilki və qrupun üzvü İstvan Apati Milli Məclisdə olublar.
Azərbaycan Milli Məclisi və Rusiya Federal Məclisinin parlamentlərarası komissiyasının növbəti iclası keçiriləcək
Milli Məclis sədrinin birinci müavini, Azərbaycan Respublikası Milli Məclisi və Rusiya Federasiyası Federal Məclisi parlamentlərarası əməkdaşlıq komissiyasının həmsədri Əli Hüseynlinin başçılıq etdiyi nümayəndə heyəti komissiyanın 21-ci iclasında iştirak etmək üçün iyunun 19-da Moskva şəhərinə səfər edəcək.
Macarıstan parlamentinin nümayəndə heyəti Ulu Öndərin məzarını və Şəhidlər xiyabanını ziyarət edib
Azərbaycanda səfərdə olan Macarıstan Milli Assambleyasının Azərbaycanla parlamentlərarası dostluq qrupunun rəhbəri Attila Tilkinin başçılıq etdiyi nümayəndə heyəti iyunun 17-də Fəxri xiyabana gələrək, xalqımızın Ümummilli Lideri, müasir müstəqil Azərbaycan dövlətinin memarı və qurucusu Heydər Əliyevin xatirəsini dərin ehtiramla yad edib, məzarı önünə əklil qoyub, tər çiçəklər düzüb.
Beynəlxalq tədbirlərdə
Milli Məclisin deputatı, Azərbaycan-Rusiya parlamentlərarası əlaqələr üzrə işçi qrupunun rəhbəri Nizami Səfərov “Millətlərin azadlığı uğrunda” – neokolonializmin müasir təcrübələrinə qarşı mübarizə tərəfdarlarının Forumunda, deputat Elşad Mirbəşir oğlu isə “Yedinaya Rossiya” partiyası tərəfindən təşkil olunmuş Beynəlxalq partiyalararası Forumda iştirak etmək üçün iyunun 15-də Rusiya Federasiyasının Vladivostok şəhərinə səfər edəcəklər.
Milli Məclisdə görüş
İyunun 13-də Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov, sədr müavini Sevinc Fətəliyeva və komitənin üzvü Asim Mollazadə ADA Universitetinin “Xarici Siyasət Proqramı”nda iştirak edən bir qrup gənc diplomatla görüşüblər.
COP29 çərçivəsində parlamentlərarası dialoq mövzusunda onlayn iclas
İyunun 11-də Parlamentlərarası İttifaq tərəfindən “COP29-a hazırlıq: iqlim dəyişikliyi üzrə parlamentlərarası dialoq” mövzusunda onlayn iclas təşkil olunub.
Milli Məclisdə görüş
İyunun 11-də parlamentin Albaniya ilə parlamentlərarası əlaqələr üzrə işçi qrupunun rəhbəri Etibar Əliyev Albaniya Respublikası parlamentinin üzvləri Eduard Şalsi və Arben Pellumbi ilə görüşüb.
Beynəlxalq tədbirdə
Milli Məclisin deputatı Məlahət İbrahimqızı iyunun 9-da Tacikistan Respublikasının Düşənbə şəhərinə səfər edəcək.
Milli Məclisin deputatı Bolqarıstana səfər edəcək
Milli Məclisin Bolqarıstanla parlamentlərarası əlaqələr üzrə işçi qrupunun rəhbəri Rauf Əliyev Bolqarıstanın Sofiya şəhərinə səfər edəcək.
Milli Məclisdə TÜRKPA-nın 13-cü plenar iclasının yekunlarına dair brifinq keçirilib
İyunun 6-da Milli Məclisdə TÜRKPA-ya üzv ölkələrin parlament sədrlərinin iştirakı ilə TÜRKPA-nın 13-cü plenar iclasının yekunlarına dair brifinq keçirilib. Brifinqdə Milli Məclisin sədri, TÜRKPA-nın fəaliyyətdə olan sədri Sahibə Qafarova çıxış edib.