Təbii ehtiyatlar, energetika və ekologiya komitəsinin iclasında
Mayın 19-da Milli Məclisin Təbii ehtiyatlar, energetika və ekologiya komitəsinin iclası keçirilib. İclası açan komitənin sədri Sadiq Qurbanov bildirib ki, iclasın gündəliyinə “Elektrik enerjisi istehsalında bərpa olunan enerji mənbələrindən istifadə haqqında” Azərbaycan Respublikası qanununun layihəsi (birinci oxunuş) daxildir.
Hüquq siyasəti və dövlət quruculuğu komitəsində
Mayın 18-də Milli Məclisin Hüquq siyasəti və dövlət quruculuğu komitəsinin iclası olub, hakimlərin təyinatı ilə əlaqədar 7 məsələyə baxılıb.
Müdafiə, təhlükəsizlik və korrupsiya ilə mübarizə komitəsinin iclasında
Mayın 7-də Milli Məclisin Müdafiə, təhlükəsizlik və korrupsiya ilə mübarizə komitəsinin onlayn iclası keçirilib. İclasın müzakirəsinə üç qanun layihəsi çıxarılıb. Komitənin sədri Ziyafət Əsgərov qanun layihələri haqqında məlumat verərək bildirib ki, gündəliyin birinci məsələsi olan “Azərbaycan Respublikasının dövlət sərhədi haqqında” Qanunda dəyişiklik edilməsi barədə” sənəd bu qanunun təsir dairəsində olan ictimai münasibətlərin dəqiq tənzimlənməsi və təkmilləşdirilməsi xarakteri daşıyır.
Milli Məclisin komitə iclasında 12 məsələyə baxılıb
Mayın 5-də Milli Məclisin İqtisadi siyasət, sənaye və sahibkarlıq komitəsinin iclası keçirilib. Gündəlikdəki məsələləri şərh edən komitə sədri Tahir Mirkişili qeyd edib ki, sahibkarlıq subyektlərinin inkişaf etdirilməsi, prosedurların daha da şəffaflaşması Azərbaycanın iqtisadi qanunvericiliyində görülən işlərin əsas hədəflərindəndir. Bildirib ki, “Dövlət satınalmaları haqqında” qanunda edilməsi nəzərdə tutulan çoxsaylı dəyişikliklər də həmin məqsədə xidmət edir.
İqtisadi siyasət, sənaye və sahibkarlıq komitəsinin iclası keçirilib
Aprelin 30-da Milli Məclisin İqtisadi siyasət, sənaye və sahibkarlıq komitəsinin iclası keçirilib. İclası açan komitənin sədri Tahir Mirkişili bildirib ki, Azərbaycan Prezidenti İlham Əliyevin Altıncı çağırış Milli Məclisin ilk iclasında söylədiyi proqram xarakterli nitqində parlamentə verdiyi tövsiyələr Azərbaycan parlamentinin ötən dövr fəaliyyətində rəhbər tutulub.
Əmək və sosial siyasət komitəsində dinləmə keçirilib
Aprelin 29-da Milli Məclisin Əmək və sosial siyasət komitəsində “Əlilliyin ekspertizası və reabilitasiyası sahəsində qanunvericiliyin təkmilləşdirilməsi” mövzusunda dinləmə keçirilib. Dinləmədə Milli Məclis Sədrinin birinci müavini Əli Hüseynli, Milli Məclisin 6 komitəsinin sədrləri, müavinləri və deputatlar, Əmək və əhalinin sosial müdafiəsi naziri Sahil Babayev, əlaqədar qurumların təmsilçiləri iştirak ediblər.
İqtisadi siyasət, sənaye və sahibkarlıq komitəsinin iclası keçirilib
Aprelin 26-da Milli Məclisin İqtisadi siyasət, sənaye və sahibkarlıq komitəsinin iclası keçirilib. İclasda ilk olaraq “Ələt azad iqtisadi zonası haqqında” Azərbaycan Respublikasının Qanununda dəyişiklik edilməsi barədə qanun layihəsi haqqında (birinci oxunuş) məsələyə baxılıb.
Milli Məclisin komitələrinin birgə iclasında İnsan alverinə qarşı mübarizə üzrə Milli Koordinatorun məruzəsi müzakirə olunub
Aprelin 20-də Milli Məclisin İnsan hüquqları və Hüquq siyasəti və dövlət quruculuğu komitələrinin birgə iclası keçirilib. İclasda Milli Məclis Sədrinin birinci müavini, Hüquq siyasəti və dövlət quruculuğu komitəsinin sədri Əli Hüseynli iştirak edib.
Komitələrin birgə iclasında
Aprelin 15-də Milli Məclisin Hüquq siyasəti və dövlət quruculuğu komitəsi ilə İctimai birliklər və dini qurumlar komitəsinin videokonfrans formatında birgə iclası keçirilib.
İqtisadi siyasət, sənaye və sahibkarlıq komitəsində Hesablama Palatasının hesabatı dinlənilib
Aprelin 8-də Milli Məclisin İqtisadi siyasət, sənaye və sahibkarlıq komitəsinin iclasında 4 məsələyə baxılıb.
Ailə, qadın və uşaq məsələləri komitəsinin iclası keçirilib
Aprelin 8-də Milli Məclisin Ailə, qadın və uşaq məsələləri komitəsinin onlayn formatda iclası keçirilib.
Ailə, qadın və uşaq məsələləri komitəsinin sədri Hicran Hüseynova iclası açaraq gündəlikdəki birinci məsələ - Azərbaycan Respublikasının Meşə, Əmək, Ailə, Cinayət, Vergi, Cinayət-Prosessual və İnzibati Xətalar məcəllələrində dəyişiklik edilməsi barədə Qanun layihəsi barədə məlumat verib.
Milli Məclisin Səhiyyə komitəsinin iclası keçirilib
Aprelin 8-də Milli Məclisin Səhiyyə komitəsinin növbəti onlayn iclası keçirilib.
İclası açan komitənin sədri Əhliman Əmiraslanov bildirib ki, gündəliyə 6 qanun layihəsi daxildir. Bu qanun layihələrində nəzərdə tutulan dəyişikliklər Azərbaycan Respublikasında icbari tibbi sığortanın tətbiqinin təmin edilməsi ilə bağlı bir sıra tədbirlər haqqında 20 dekabr 2018-ci il tarixli Prezident Fərmanından irəli gələn məsələlərlə əlaqədardır.
Hüquq siyasəti və dövlət quruculuğu komitəsinin iclasında
Aprelin 5-də Milli Məclisin Hüquq siyasəti və dövlət quruculuğu komitəsinin onlayn formatda iclası keçirilib. İclasda qanunvericilikdə dəyişikliklərlə bağlı 4 qanun layihəsinə baxılıb. İclası açan Milli Məclis Sədrinin birinci müavini, parlamentin Hüquq siyasəti və dövlət quruculuğu komitəsinin sədri Əli Hüseynli gündəlikdəki “Prokurorluq haqqında” Qanunda dəyişiklik edilməsi barədə qanun layihəsi haqqında (birinci oxunuş) və “Prokurorluq orqanlarında qulluq keçmə haqqında” Qanunda dəyişiklik edilməsi barədə qanun layihəsi haqqında (birinci oxunuş) iki məsələnin bir-birilə bağlı olduğunu bildirib.
Elm və təhsil komitəsinin iclasında
Martın 31-də Milli Məclisin Elm və təhsil komitəsinin növbəti onlayn iclası keçirilib. İclası açan komitə sədri Bəxtiyar Əliyev hər il martın 31-də erməni millətçilərinin azərbaycanlılara qarşı həyata keçirdiyi soyqırım siyasətinin qurbanlarının yad edildiyini diqqətə çatdırıb.
Əmək və sosial siyasət Komitəsində
Martın 19-da Milli Məclisin Əmək və sosial siyasət komitəsinin növbəti onlayn iclasında iki məsələyə baxılıb. Əmək və sosial siyasət komitəsinin sədri Musa Quliyev müzəffər Ali Baş Komandan, Prezident İlham Əliyevin rəhbərliyi ilə işğaldan azad olunmuş ərazilərimizin dirçəldilməsi və yenidən qurulması istiqamətində görülən işlərdən söz açıb, uzun illərdən sonra Azərbaycanın ərazi bütövlüyü şəraitində qeyd etdiyimiz Novruz bayramı münasibətilə təbriklərini çatdırıb.
İqtisadi siyasət, sənaye və sahibkarlıq komitəsində
Martın 15-də Milli Məclisin İqtisadi siyasət, sənaye və sahibkarlıq komitəsinin iclasında “Azərbaycan Respublikası Hesablama Palatasının auditorlarının təyin edilməsi haqqında” məsələyə baxılıb.
Elm və təhsil komitəsinin iclasında
Martın 15-də Milli Məclisin Elm və təhsil komitəsinin iclası keçirilib. İclasda əvvəlcə komitə sədri Bəxtiyar Əliyev “Azərbaycan Respublikası Nazirlər Kabinetinin 2020-ci ildə fəaliyyəti haqqında hesabatı barədə” danışıb.
Milli Məclisin İnsan hüquqları komitəsində Ombudsmanın məruzəsi dinlənilib
Martın 10-da Milli Məclisin İnsan hüquqları komitəsinin iclası keçirilib. İclasda “Azərbaycan Respublikasının İnsan hüquqları üzrə müvəkkilinin (ombudsmanın) illik məruzəsi” dinlənilib.
Milli Məclisdə gender bərabərliyinə dair dinləmə keçirilib
Martın 4-də Milli Məclisin Ailə, qadın və uşaq məsələləri komitəsində “Gender (kişi və qadın) bərabərliyinin təminatları haqqında” qanunun icra vəziyyəti: imkan və çətinliklər” mövzusunda dinləmə keçirilib. Tədbirdə Milli Məclisin deputatları, dövlət qurumlarının və vətəndaş cəmiyyətinin nümayəndələri iştirak ediblər.
Əmək və sosial siyasət komitəsinin iclası keçirilib
Martın 3-də Milli Məclisin Əmək və sosial siyasət komitəsinin videokonfrans formatında iclası keçirilib.