QƏBƏLƏDƏ YERLİ ÖZÜNÜİDARƏETMƏNİN İNKİŞAFINA DAİR KONFRANS KEÇİRİLƏCƏK
Dekabrın 7-də Qəbələ şəhərində Milli Məclisin Regional məsələlər komitəsinin, Azərbaycan Şəhər, Qəsəbə və Kənd Bələdiyyələrinin Milli Assosiasiyalarının və Qəbələ Rayon İcra Hakimiyyətinin təşkilatçılığı ilə “Azərbaycanda yerli özünüidarəetmənin inkişafı: mövcud vəziyyət və perspektivlər” mövzusunda konfrans keçiriləcək.
AQRAR SİYASƏT KOMİTƏSİNİN İCLASINDA
Noyabrın 28-də Milli Məclisin Aqrar siyasət komitəsinin növbəti iclası keçirildi. İclası açan komitə sədri Eldar İbrahimov gündəlikdəki məsələlərlə bağlı məlumat verdi.Əvvəlcə Torpaq Məcəlləsində dəyişikliklər edilməsi haqqında sənədə baxıldı. Qeyd olundu ki, dəyişikliklərə əsasən torpaq qanunvericiliyinin pozulmasına görə toplanan cərimələrin bir hissəsi müvafiq icra hakimiyyəti orqanlarının işçilərinin sosial müdafiəsini gücləndirmək məqsədi ilə onların hesablarına köçürüləcək.
ƏMƏK VƏ SOSİAL SİYASƏT KOMİTƏSİNİN İCLASINDA
Noyabrın 24-də Milli Məclisin Əmək və sosial siyasət komitəsinin iclası keçirildi. Komitə sədri Hadi Rəcəbli bildirdi ki, müzakirəyə Əmək Məcəlləsində, “Həmkarlar İttifaqları haqqında”, “Məşğulluq haqqında” qanunlarda dəyişikliklərin edilməsi barədə qanun layihələri təqdim olunub. Qeyd edildi ki, sənədlər qanunvericilik təşəbbüsü qaydasında ölkə Prezidenti tərəfindən Milli Məclisə göndərilib.
HÜQUQ SİYASƏTİ VƏ DÖVLƏT QURUCULUĞU KOMİTƏSİNİN İCLASINDA
Noyabrın 17-də Milli Məclisin Hüquq siyasəti və dövlət quruculuğu komitəsinin növbəti iclası keçirildi. İclasda “Azərbaycan Respublikasının Mülki Məcəlləsində dəyişikliklər edilməsi haqqında” qanun layihəsi müzakirə olundu.
MÜDAFİƏ, TƏHLÜKƏSİZLİK VƏ KORRUPSİYA İLƏ MÜBARİZƏ KOMİTƏSİNİN İCLASI KEÇİRİLDİ
Noyabrın 16-da Milli Məclisin Müdafiə, təhlükəsizlik və korrupsiya ilə mübarizə komitəsinin növbəti iclası keçirildi.Milli Məclis Sədrinin birinci müavini, komitənin sədri Ziyafət Əsgərov bildirdi ki, iclasın gündəliyinə 6 məsələ daxildir.
MƏDƏNİYYƏT KOMİTƏSİNDƏ
Noyabrın 16-da Mədəniyyət komitəsinin iclasında beş məsələyə baxıldı. Gündəlik barədə məlumat verən komitə sədri Rafael Hüseynov bildirdi ki, qanunvericiliyin uyğunlaşdırılması baxımından İnzibati Xətalar Məcəlləsində, “Kütləvi informasiya vasitələri haqqında”, “Telekommunikasiya haqqında” “Televiziya və radio yayımı haqqında” qanunlarda dəyişikliklər edilməsi zərurəti meydana çıxıb.
ELM VƏ TƏHSİL KOMİTƏSİNİN İCLASINDA
Noyabrın 15-də Milli Məclisin Elm və təhsil komitəsinin iclası keçirildi. İclasda “Peşə təhsili haqqında” yeni qanun layihəsi müzakirə olundu. Komitə sədri İsa Həbibbəyli bildirdi ki, peşə təhsili ölkəmizdə prioritet istiqamətlərdən biridir. Bu sahədə həm Bakıda, həm də bölgələrdə müasir standartlara uyğun təhsil məktəbləri yaradılır. Bu gün peşə təhsili müasir standartlara uyğun olaraq tamamilə yenidən qurulur.
ƏMƏK VƏ SOSİAL SİYASƏT KOMİTƏSİNDƏ
Noyabrın 15-də Milli Məclisin Əmək və sosial siyasət komitəsinin iclası oldu. Komitənin sədri Hadi Rəcəbli bildirdi ki, iclasın gündəliyinə “Sosial təminatı və müdafiəni həyata keçirən müvafiq icra hakimiyyəti orqanının 2018-ci il büdcəsi haqqında” və “İşsizlikdən sığorta fondunun 2018-ci il büdcəsi haqqında” qanun layihələri daxil edilib.
HÜQUQ SİYASƏTİ VƏ DÖVLƏT QURUCULUĞU KOMİTƏSİNİN İCLASINDA
Noyabrın 15-də Milli Məclisin Hüquq siyasəti və dövlət quruculuğu komitəsinin növbəti iclası keçirildi. Komitə sədri Əli Hüseynli gündəliyə təqdim edilən Cinayət- Prosessual və Cəzaların İcrası məcəllələrinə nəzərdə tutulan dəyişikliklərlə bağlı ətraflı məlumat verdi. O, bildirdi ki, sənədlərdəki yeniliklər Azərbaycanda həyata keçirilən hüquqi islahatların vacib elementi kimi dəyərləndirilməlidir.
MİLLİ MƏCLİS KOMİTƏLƏRİNİN BİRGƏ İCLASINDA 2018-Cİ İLİN DÖVLƏT BÜDCƏSİ MÜZAKİRƏ EDİLDİ
Noyabrın 13-də Milli Məclisin İnsan hüquqları, Regional məsələlər, Hüquq siyasəti və dövlət quruculuğu, Mədəniyyət, Gənclər və idman komitələrinin birgə iclasında “2018-ci ilin dövlət büdcəsi layihəsi haqqında” qanun layihəsi müzakirə edildi. İclası açan Milli Məclis Sədrinin müavini, İnsan hüquqları komitəsinin sədri Bahar Muradova bildirdi ki, 2018-ci ilin büdcə zərfində dünyadakı qlobal iqtisadi meyllər, maliyyə prosesləri və çağırışlar nəzərə alınıb.
BÜDCƏ ZƏRFİNDƏKİ QANUN LAYİHƏLƏRİ MÜZAKİRƏ OLUNUR
Noyabrın 8-də Milli Məclisin Əmək və sosial siyasət, Elm və təhsil, Səhiyyə, Ailə, qadın və uşaq məsələləri, Beynəlxalq münasibətlər və parlamentlərarası əlaqələr komitələrinin birgə iclasında “Azərbaycan Respublikasının 2018-ci il dövlət büdcəsi haqqında” qanun layihəsi müzakirə olundu. Sonra “Azərbaycan Respublikasında 2018-ci il üçün yaşayış minimumu haqqında” və “Azərbaycan Respublikasında 2018-ci il üçün ehtiyac meyarının həddi haqqında” qanun layihələrinə baxıldı.İclası Əmək və sosial siyasət komitəsinin sədri Hadi Rəcəbli aparırdı.
Milli Məclisdə Azərbaycanın 2018-ci il dövlət büdcəsi layihəsinin müzakirəsinə başlandı
Noyabrın 7-də Milli Məclisin İqtisadi siyasət, sənaye və sahibkarlıq, Təbii ehtiyatlar, energetika və ekologiya, Müdafiə, təhlükəsizlik və korrupsiya ilə mübarizə, Aqrar siyasət, İctimai birliklər və dini qurumlar komitələrinin birgə iclasında “Azərbaycan Respublikasının 2018-ci il dövlət büdcəsi haqqında” layihəsi müzakirə edildi.
TƏBİİ EHTİYATLAR, ENERGETİKA VƏ EKOLOGİYA KOMİTƏSİNİN İCLASINDA
Oktyabrın 25-də Milli Məclisin Təbii ehtiyatlar, energetika və ekologiya komitəsinin növbəti iclası keçirildi. İclası Milli Məclis Sədrinin müavini, komitənin sədri Valeh Ələsgərov açdı. Komitədə “Xəzər dənizinin Azərbaycan sektorunda “Azəri”, “Çıraq” və “Günəşli” yataqlarının dərinlikdə yerləşən hissəsinin birgə işlənməsi və hasilatın pay bölgüsü haqqında” Azərbaycan Dövlət Neft Şirkəti ilə Azərbaycan (ACG) Limited, BP Eksploreyşn (Kaspian Si) Limited, Şevron Xəzər LTD, Ekson Azərbaycan Limited, İndeks Sausvest Kaspian Si, İtoçu Oyl Eksploreyşn (Azərbaycan) İnk., ONGC Videş Limited, Statoyl Abşeron AS, Türkiyə Petrolleri A.O. arasında Sazişin qəbul və təsdiq edilməsi, həyata keçirilməsinə dair” qanun layihəsi müzakirə edildi.
İQTİSADİ SİYASƏT, SƏNAYE VƏ SAHİBKARLIQ KOMİTƏSİNİN İCLASINDA
Oktyabrın 19-da Milli Məclisin İqtisadi Siyasət, sənaye və sahibkarlıq komitəsinin növbəti iclası keçirildi. Komitə sədri Ziyad Səmədzadə bildirdi ki, iclasda 13 qanun layihəsinə əlavə və dəyişikliklər edilməsi müzakirə ediləcək. Əvvəlcə komitədə Vergi və İnzibati Xətalar məcəllələrində, “Azərbaycan Respublikasının 2003-cü il 17 iyun tarixli 478-IIQ nömrəli Qanunu ilə təsdiq edilmiş “Bələdiyyələrin vergi xidməti orqanı haqqında Əsasnamə”də, “Sığorta fəaliyyəti haqqında”, “Qiymətli kağızlar bazarı haqqında”, “Poçt haqqında”, “Kommersiya sirri haqqında”, “İnvestisiya fondları haqqında”, “Banklar haqqında”, “Bank olmayan kredit təşkilatları haqqında”, “Reklam haqqında” qanunlarda edilən dəyişikliklər müzakirə olundu.
AQRAR SİYASƏT KOMİTƏSİNDƏ
Oktyabrın 13-də Milli Məclisin Aqrar siyasət komitəsinin iclası oldu. Komitənin sədri Eldar İbrahimov bildirdi ki, iclasın gündəliyində Azərbaycan Prezidentinin imzası ilə parlamentə daxil olmuş 2 məsələ var.
HÜQUQ SİYASƏTİ VƏ DÖVLƏT QURUCULUĞU KOMİTƏSİNİN İCLASINDA
Oktyabrın 6-da Milli Məclisin Hüquq siyasəti və dövlət quruculuğu komitəsinin növbəti iclası keçirildi. İclası komitə sədri Əli Hüseynli açdı. Bildirildi ki, komitəyə Naxçıvan Muxtar Respublikası Ali Məclisinin Sədri Vasif Talıbov tərəfindən qanunvericilik təşəbbüsü qaydasında “Naxçıvan Muxtar Respublikasının Konstitusiyasında dəyişikliklərin təsdiq edilməsi haqqında” Konstitusiya qanunu təqdim edilib.
İNSAN HÜQUQLARI KOMİTƏSİNİN İCLASI KEÇİRİLDİ
Sentyabrın 27-də Milli Məclisin İnsan hüquqları komitəsinin iclası keçirildi.Milli Məclis Sədrinin müavini, İnsan hüquqları komitəsinin sədri Bahar Muradova bildirdi ki, gündəliyə 2017-ci ilin yaz və növbədənkənar sessiyaları ərzində komitədə görülən işlər barədə hesabat və Komitənin 2017-ci il payız sessiyası üçün iş planının layihəsi haqqında məsələlər daxildir.
GƏNCLƏR VƏ İDMAN KOMİTƏSİNDƏ
Sentyabrın 25-də Milli Məclisin Gənclər və idman komitəsinin cari ilin payız sessiyasında ilk iclası keçirildi. Komitə sədri Fuad Muradov yeni sessiyanın başlaması münasibəti ilə deputatları təbrik etdi və gələcək fəaliyyətlərində uğurlar arzuladı. Diqqətə çatdırıldı ki, gündəliyə 2017-ci ilin yaz və növbədənkənar sessiyalarında görülən işlər və payız sessiyasının işlər planı barədə məsələlər daxil edilib.
AİLƏ, QADIN VƏ UŞAQ MƏSƏLƏLƏRİ KOMİTƏSİNİN İCLASINDA
Sentyabrın 21-də Milli Məclisin Ailə, qadın və uşaq məsələləri komitəsinin 2017-ci ilin payız sessiyasında ilk iclası keçirildi. Komitə sədri Aqiyə Naxçıvanlı sessiyanın başlaması münasibəti ilə millət vəkillərini təbrik etdi və səmərəli fəaliyyət arzuladı.
AQRAR SİYASƏT KOMİTƏSİNİN İCLASINDA
Sentyabrın 20-də Milli Məclisin Aqrar siyasət komitəsinin 2017-ci ilin payız sessiyasında ilk iclası keçirildi. İclası açan komitə sədri Eldar İbrahimov yeni sessiyanın başlanması münasibətilə millət vəkillərini təbrik etdi. O, əvvəlcə yaz və növbədənkənar sessiyalar dönəmində görülən işlər barədə məlumat verdi. Qeyd olundu ki, hesabat dövründə komitənin 7 iclası keçirilmiş, bu iclaslarda 17 məsələ, o cümlədən 14 qanun layihəsi müzakirə edilmişdir. Bu sənədlərin əksəriyyəti Milli Məclisin plenar iclasında müzakirə edilərək qəbul edilmişdir.