QIRĞIZISTAN BAŞ PROKURORLUĞUNUN NÜMAYƏNDƏLƏRİ MİLLİ MƏCLİSDƏ
Noyabrın 5-də Milli Məclis Sədrinin birinci müavini, Müdafiə, təhlükəsizlik və korrupsiya ilə mübarizə komitəsinin sədri Ziyafət Əsgərov və Hüquq siyasəti və dövlət quruculuğu komitəsinin sədri Əli Hüseynli ölkəmizdə səfərdə olan Qırğızıstan Baş Prokurorunun müavini Cəmilə Camanbayevanın başçılıq etdiyi nümayəndə heyəti ilə görüşdülər. Qonaqları səmimi salamlayan Ziyafət Əsgərov bildirdi ki, ölkəmizdə korrupsiyaya qarşı mübarizə ilə bağlı dövlət başçısı İlham Əliyevin qətiyyətli siyasi iradəsindən qaynaqlanan sistemli tədbirlər görülüb, mütərəqqi antikorrupsiya qanunvericiliyi formalaşdırılıb.
AZƏRBAYCAN-TÜRKMƏNİSTAN ƏLAQƏLƏRİ İNKİŞAF EDİR
Noyabrın 4-də Milli Məclisin Sədri Oqtay Əsədov Türkmənistan Məclisinin Sədri xanım Gülşat Məmmədovanın başçılıq etdiyi nümayəndə heyəti ilə görüşdü. Görüşdə spiker ümidvar olduğunu bildirdi ki, bu rəsmi səfər ölkələrimiz arasında münasibətlərin, o cümlədən parlamentlərarası əlaqələrin daha da dərinləşməsinə mühüm tövhəsini verəcək.
ALMANİYA İLƏ İPS ÇƏRÇİVƏSİNDƏ ƏLAQƏLƏR GENİŞLƏNİR
Oktyabrın 30-da Milli Məclisdə İPS – Beynəlxalq Parlament Təqaüdü proqramı çərçivəsində Almaniya Bundestaqının müstəqil seçki komissiyasının nümayəndə heyəti ilə görüş oldu.
LİTVA XÜSUSİ İSTİNTAQ XİDMƏTİNİN NÜMAYƏNDƏLƏRİ MİLLİ MƏCLİSDƏ
Oktyabrın 30-da Milli Məclis Sədrinin birinci müavini, Müdafiə, təhlükəsizlik və korrupsiya ilə mübarizə komitəsinin sədri Ziyafət Əsgərov və Hüquq siyasəti və dövlət quruculuğu komitəsinin sədri Əli Hüseynli ölkəmizdə səfərdə olan Litva Respublikası Xüsusi İstintaq Xidmətinin nümayəndə heyətinin üzvləri ilə görüşdülər. Ziyafət Əsgərov Azərbaycan parlamentinin qanun yaradıcılığı prosesindən, ölkədə korrupsiya ilə mübarizə sahəsində qəbul edilən qanun və qərarlardan, Avropa Birliyi və digər ölkələrlə ratifikasiya edilmiş konvensiyalardan ətraflı söz açdı.
DEPUTATIMIZ UKRAYNAYA SƏFƏR EDƏCƏKDİR
Milli Məclisin deputatı Sahibə Qafarova Avronest PA-nın Büro iclasında iştirak etmək üçün oktyabrın 30-da Ukraynanın paytaxtı Kiyev şəhərinə səfərə gedəcək.
ƏMƏK və SOSİAL SİYASƏT KOMİTƏSİNDƏ
Oktyabrın 28-də Milli Məclisin Əmək və sosial siyasət komitəsinin növbəti iclası oldu. Komitənin sədri Hadi Rəcəbli bildirdi ki, gündəlikdə əhalinin sosial rifahının daha da yaxşılaşdırılmasına xidmət edən dörd məsələ var.
DEPUTATIMIZ BOLQARISTANDA YERLİ SEÇKİLƏRİ İZLƏYƏCƏK
Milli Məclisin deputatı Musa Quliyev oktyabrın 26-da Bolqarıstanın paytaxtı Sofiya şəhərinə səfərə gedəcək.
BEYNƏLXALQ KONFRANSDA
Xəbər verildiyi kimi, Strasburqda Avropa Şurasına üzv dövlətlərin, eləcə də tərəfdaş, müşahidəçi qismində iştirak edən ölkələrin parlament sədrlərinin konfransında Milli Məclisin Sədri Oqtay Əsədovun rəhbərlik etdiyi nümayəndə heyəti də iştirak edib.Avropa Şurası Parlament Assambleyasında (AŞPA) 60 ölkənin parlament rəhbərlərinin iştirak etdiyi konfransda təşkilatın sədri Lilian Mori Paskye və Avropa Şurasının baş katibi Mariya Pesçinoviç Buriç çıxış ediblər.
AŞPA İLƏ ƏLAQƏLƏR DAHA DA MÖHKƏMLƏNİR
Strasburqda Avropa Şurasına üzv dövlətlərin, eləcə də tərəfdaş, müşahidəçi qismində iştirak edən ölkələrin parlament sədrlərinin konfransı çərçivəsində Milli Məclisin Sədri Oqtay Əsədov AŞPA-nın sədri Lilian Mori Paskye ilə görüşüb.
DEPUTATIMIZ TÜRKİYƏYƏ SƏFƏR EDƏCƏK
Milli Məclisin deputatı Ilham Məmmədov Türkiyə Böyük Millət Məclisi və Asiya Parlament Assambleyasının təşkilatçılığı ilə İcraedici Şuranın 1-ci iclasında iştirak etmək üçün oktyabrın 25-də Türkiyənin Rizə şəhərinə səfərə gedəcək.
PARLAMENT SƏDRLƏRİNİN AVROPA KONFRANSINDA
Milli Məclisin Sədri Oqtay Əsədovun başçılığı ilə parlament nümayəndə heyəti Parlament Sədrlərinin Avropa Konfransında iştirak etmək üçün oktyabrın 23-dən 25-dək Strasburqda səfərdə olacaq.
PARLAMENTİN SƏDRİ YAPONİYA İMPERATORUNUN RƏSMİ TAXTAÇIXMA MƏRASİMİNDƏ İŞTİRAK EDİB
Yaponiya İmperatoru Naruhito ölkə Konstitusiyasına və İmperator evinin qanunlarına uyğun olaraq oktyabrın 22-də rəsmi şəkildə taxta çıxdığını elan edib. Monarx bu barədə Tokionun mərkəzində yerləşən İmperator sarayında keçirilən rəsmi taxtaçıxma mərasimi zamanı bəyan edib.
SƏHİYYƏ KOMİTƏSİNİN İCLASINDA
Oktyabrın 23-də Milli Məclisin Səhiyyə Komitəsində “İnsan orqan və toxumalarının donorluğu və transplantasiyası haqqında” qanun layihəsi birinci oxunuşda müzakirəyə çıxarıldı.
MİLLİ MƏCLİSİN İCLASINDA
Oktyabrın 22-də Milli Məclis Sədrinin birinci müavini Ziyafət Əsgərovun sədrliyi ilə parlamentin payız sessiyasında növbəti plenar iclası keçirildi. Gündəlik təsdiqləndikdən sonra cari məsələlər müzakirə olundu. Deputatlar radikal müxalifətin son günlər keçirdiyi qanunsuz aksiyanı qətiyyətlə pislədilər, icazəsiz mitinqlərin yolverilməz olduğunu qeyd etdilər. Bildirdilər ki, qanuna və qanunçuluğa riayət etmək, Azərbaycan xalqının dövlətini və müstəqil dövlətçiliyini qorumaq hər bir vətəndaşın borcudur.
MİLLİ MƏCLİSİN SƏDRİ OQTAY ƏSƏDOV YAPONİYAYA SƏFƏRƏ GEDİB
Milli Məclisin Sədri Oqtay Əsədovun rəhbərliyi ilə nümayəndə heyətimiz Yaponiya İmperatoru Naruhitonun taxta çıxma mərasimində iştirak etmək üçün bu ölkəyə səfərə gedib.
AZƏRBAYCAN-PAKİSTAN ƏLAQƏLƏRİ İNKİŞAF EDİR
Oktyabrın 21-də Milli Məclis Sədrinin birinci müavini, parlamentin Müdafiə, təhlükəsizlik və korrupsiya ilə mübarizə komitəsinin sədri Ziyafət Əsgərov ölkəmizdə səfərdə olan Pakistan Milli Assambleyasının üzvü, Pakistan İslam Respublikasının Əyalətlərarası Koordinasiya üzrə federal naziri xanım Fehmida Mirzənin başçılıq etdiyi nümayəndə heyəti ilə görüşdü.
AİLƏ, QADIN VƏ UŞAQ MƏSƏLƏLƏRİ KOMİTƏSİNDƏ
Oktyabrın 18-də Milli Məclisin Ailə, qadın və uşaq məsələləri komitəsinin növbəti iclası keçirildi. Komitə sədri Aqiyə Naxçıvanlı iclasda Prezident İlham Əliyevin qanunvericilik təşəbbüsü ilə komitəyə daxil olmuş “Uşaqların cinsi istismardan və cinsi zorakılıqdan müdafiəsi haqqında” Avropa Şurası Konvensiyasının təsdiq edilməsi barədə” qanun layihəsinin müzakirə olunacağını bildirdi.
QDİƏTPM-nin KOMİTƏ İCLASINDA
Milli Məclisin deputatları Jalə Əliyeva və Aydın Mirzəzadə Qara Dəniz İqtisadi Əməkdaşlıq Təşkilatı Parlament Məclisinin Mədəniyyət, təhsil və sosial məsələlər üzrə komitəsinin 53-cü iclasında iştirak etmək üçün oktyabrın 20-də Moldovanın paytaxtı Kişineu şəhərinə səfərə gedəcəklər.
DEPUTATIMIZ MDB PA-nın KOMİSSİYA İCLASINDA İŞTİRAK EDƏCƏK
Milli Məclisin Regional məsələlər komitəsinin sədri Arif Rəhimzadə Müstəqil Dövlətlər Birliyi Parlamentlərarası Assambleyasının (MDB PA) Sosial siyasət və insan hüquqları daimi komissiyasının iclasında iştirak etmək üçün oktyabrın 20-də Rusiya Federasiyasının Sankt-Peterburq şəhərinə səfərə gedəcək.
MÜDAFİƏ, TƏHLÜKƏSİZLİK VƏ KORRUPSİYA İLƏ MÜBARİZƏ KOMİTƏSİNDƏ
Oktyabrın 17-də Milli Məclisin Müdafiə, təhlükəsizlik və korrupsiya ilə mübarizə komitəsinin növbəti iclası keçirildi. Milli Məclis Sədrinin birinci müavini, komitə sədri Ziyafət Əsgərov iclası açaraq gündəlikdəki məsələlərlə bağlı məlumat verdi.