MİLLİ MƏCLİSİN İCLASINDA
Aprelin 21-də Milli Məclisin növbəti plenar iclası keçirildi. İclası açan Milli Məclisin Sədri Oqtay Əsədov dedi: “Aprelin 11-də ölkəmizin həyatında olduqca önəmli hadisə baş verdi. Demokratik və şəffaf şəraitdə keçirilmiş, azad və ədalətli prezident seçkilərində İlham Əliyevin yenidən Prezident seçilməsi dövlətimizin başçısının xalqımız qarşısındakı əvəzsiz xidmətlərinə verilən yüksək qiymətin və sonsuz inamın ifadəsidir.”
MİLLİ MƏCLİSİN İCLASINDA
Aprelin 3-də Spiker Oqtay Əsədovun sədrliyi ilə parlamentin növbəti plenar iclası keçirildi. Öncə 25 məsələdən ibarət gündəlik təsdiqləndi. Deputatlar günün aktual məsələlərinə münasibət bildirdilər. Sonra gündəlikdəki məsələlərin müzakirəsinə başlandı.
MİLLİ MƏCLİSİN AZƏRBAYCANLILARIN SOYQIRIMININ 100 İLLİYİNƏ HƏSR OLUNMUŞ XÜSUSİ İCLASI KEÇİRİLDİ
Milli Məclisin Sədri Oqtay Əsədov bildirdi ki, cənab Prezident İlham Əliyevin bu il yanvarın 18-də qəbul etdiyi sərəncama uyğun olaraq azərbaycanlıların soyqırımının 100 illiyi dövlət səviyyəsində tədbirlər ilə qeyd edilir. Milli Məclisin bugünkü iclası da tariximizin bu faciəli səhifələrinə həsr olunmuşdur.
KEMPOÇULAR PARLAMENTDƏ
Martın 15-də Milli Məclisin Gənclər və idman komitəsinin sədri Fuad Muradovun Kempo İdman Federasiyasının üzvləri ilə görüşü keçirildi. Görüşdə parlamentin Hüquq siyasəti və dövlət quruculuğu komitəsinin sədri Əli Hüseynli və “kempo”çular iştirak edirdilər.
MİLLİ MƏCLİSDƏ NAZİRLƏR KABİNETİNİN HESABATI DİNLƏNİLDİ
Martın 16-da Milli Məclisin növbəti plenar iclası keçirildi. Milli Məclisin Sədri Oqtay Əsədov bildirdi ki, bu gün qanunvericiliyə uyğun olaraq Azərbaycan Respublikası Nazirlər Kabinetinin 2017-ci ildə fəaliyyəti haqqında hesabatı dinləniləcək.
İPƏK YOLUNA HƏSR OLUNMUŞ BEYNƏLXALQ KONFRANSDA
Martın 13-də Bakıda Milli Məclislə ATƏT PA-nın İpək Yoluna Dəstək Qrupunun birgə təşkilatçılığı ilə “İpək Yolu boyunca iqtisadi əməkdaşlıq və mədəni əlaqələrin inkişaf etdirilməsində parlamentarilərin rolu” mövzusunda beynəlxalq konfrans öz işinə başladı. Konfransda iyirmidən çox ölkənin parlament və hökumət nümayəndələri, həmçinin ölkəmizdəki diplomatik korpusun və beynəlxalq təşkilatların təmsilçiləri, səfirlər, KİV nümayəndələri iştirak edirdilər.Açılış mərasimində Milli Məclisin deputatı, ATƏT PA-nın vitse-prezidenti və Büro üzvü, İpək Yoluna Dəstək Qrupunun rəhbəri Azay Quliyev qonaqları salamladı. Tədbirə ev sahibliyi etdiyi üçün Milli Məclisin rəhbərliyinə təşəkkürünü bildirdi.
AZƏRBAYCANIN PARLAMENT FUTBOL KOMANDASI BEYNƏLXALQ TURNİRİN QALİBİ OLUB
Martın 11-də Azərbaycan Xalq Cümhuriyyəti parlamentinin 100 illik yubileyinə həsr olunan parlament komandalararası beynəlxalq futbol turnirinə yekun vurulub. Azərbaycanın parlament futbol komandası beynəlxalq turnirin qalibi olub. Xatırladaq ki, turnirdə Azərbaycan Milli Məclisinin, Türkiyə Böyük Millət Məclisinin, Ukrayna Ali Radasının, Polşa və Latviya seymlərinin komandaları yarışırdılar. Finala Azərbaycan və Ukrayna komandaları vəsiqə qazanmışdılar.
AZƏRBAYCANIN PARLAMENT FUTBOL KOMANDASI BEYNƏLXALQ TURNİRƏ QƏLƏBƏ İLƏ BAŞLAYIB
Xəbər verildiyi kimi martın 9-da Milli Məclisin 100 illik yubileyinə həsr olunan parlament komandalararası beynəlxalq futbol turnirinə start verilib.“İnter Arena”da keçirilən ilk oyunda Azərbaycan və Latviya komandaları qarşılaşıblar. Oyunun gedişini Milli Məclisin sədri Oqtay Əsədov, Sədrin birinci müavini Ziyafət Əsgərov, nümayəndə heyətlərinin üzvləri və digər rəsmi şəxslər izləyiblər.
AZƏRBAYCAN XALQ CÜMHURİYYƏTİ PARLAMENTİNİN 100 İLLİK YUBİLEYİNƏ HƏSR OLUNMUŞ PARLAMENT KOMANDALARIARASI BEYNƏLXALQ FUTBOL TURNİRİ BAŞLAYIR
Martın 9-da Milli Məclisdə Azərbaycan Xalq Cümhuriyyəti Parlamentinin 100 illik yubileyinə həsr olunmuş parlament komandalarıarası beynəlxalq futbol turnirinin başlaması ilə əlaqədar tədbir keçirildi.
MİLLİ MƏCLİSİN İCLASINDA
Martın 6-da Milli Məclisin növbəti plenar iclası keçirildi. İclası Milli Məclisin Sədri Oqtay Əsədov aparırdı. Gündəliyin təsdiqindən sonra qanun layihələrinin müzakirəsinə başlanıldı. Əvvəlcə İqtisadi siyasət, sənaye və sahibkarlıq komitəsinin sədri Ziyad Səmədzadə Birləşmiş Millətlər Təşkilatının “Beynəlxalq müqavilələrdə elektron kommunikasiyaların istifadəsinə dair Konvensiya”sına qoşulmaq haqqında qanun layihəsini təqdim etdi.
Xocalı Soyqırımı ilə bağlı Avropa Parlamentinin üzvləri Bəyanat veriblər
Avropa Parlamentində yeni yaradılmış “Azərbaycanın Dostları Klubu”nun üzvləri tərəfindən Xocalı Soyqırımının 26-cı ildönümü ilə bağlı Bəyanat qəbul edilmişdir. Bəyanatın qəbul edilməsi ilə bağlı təşəbbüs Avropa Parlamentinin Latviyadan olan deputatı, AP Xarici Əlaqələr Komitəsinin üzvü və “Azərbaycanın Dostları Klubu”nun həmsədri cənab Andrey Mamikins tərəfindən irəli sürülmüşdür. Bu Bəyanat Xocalı Qətliamı ilə bağlı Avropa Parlamenti çərçivəsində qəbul edilmiş ilk sənəddir.
MİLLİ MƏCLİSİN İCLASINDA
Fevralın 23-də Spiker Oqtay Əsədovun sədrliyi ilə parlamentin növbəti plenar iclası keçirildi. Öncə Milli Məclisin deputatı Fəttah Heydərovun ünvanına yubiley təbriki səsləndi.
MİLLİ MƏCLİSİN İCLASINDA
Fevralın 13-də Spiker Oqtay Əsədovun sədrliyi ilə Milli Məclisin yaz sessiyasında növbəti plenar iclası keçirildi. 19 məsələdən ibarət gündəlik təsdiqləndikdən sonra müzakirələrə başlandı.
SƏHİYYƏ KOMİTƏSİNDƏ ORQAN TRANSPLANTASİYASINA DAİR DİNLƏMƏ KEÇİRİLDİ
Fevralın 9-da Səhiyyə komitəsində “İnsan orqan və (və ya) toxumalarının transplantasiyası haqqında” qanunun təkmilləşdirilməsinə dair dinləmə keçirildi. Tədbirə ölkənin ən iri tibb müəssisələrinin tanınmış transplantoloqları, sahə mütəxəssisləri, Səhiyyə Nazirliyinin nümayəndəsi, KİV təmsilçiləri dəvət olunmuşdular.Öncə Səhiyyə komitəsinin sədri Əhliman Əmiraslanov müasir dövrdə böyük elmi və praktik əhəmiyyət kəsb edən transplantasiya məsələsindən danışdı. Təbabət elmində bu işin metodikasının çox dəqiqliklə hazırlanmış olduğunu qeyd etdi. Ölkəmizdə həyata keçirilən orqan nəqli barədə məlumat verdi.
MİLLİ MƏCLİSİN YAZ SESSİYASI ÖZ İŞİNƏ BAŞLADI
Fevralın 1-də Milli Məclisin 2018-ci ildə ilk plenar iclası keçirildi. Milli Məclisin Sədri Oqtay Əsədov yaz sessiyasını açıq elan etdikdən sonra dövlət himni səsləndirildi. Gündəliyin təsdiqindən sonra Oqtay Əsədov diqqətə çatdırdı ki, parlament yaz sessiyasında da dövlət başçısının həyata keçirdiyi quruculuq işlərinin hüquqi bazasını təmin etmək üçün əzmlə çalışacaq.
MİLLİ MƏCLİSDƏ MDB PA ŞURASININ FƏRQLƏNMƏ NİŞANLARI TƏQDİM EDİLDİ
Yanvarın5-də Milli Məclisdə MDB Parlamentlərarası Assambleya Şurasının fərqlənmə nişanlarının təqdimetmə mərasimi keçirildi. Tədbiri giriş sözü ilə açan Milli Məclis Aparatının rəhbəri Səfa Mirzəyev bildirdi ki, Azərbaycanda sosial-iqtisadi uğurların sayı ilbəil artır. Ölkəmizin beynəlxalq nüfuzlu təşkilatlarda, eləcə də MDB-də özünəməxsus rolu var. Aparat rəhbəri onu da vurğuladı ki, Azərbaycanda rus dili və mədəniyyəti bir sərvət kimi daim qorunur.
MİLLİ MƏCLİSİN MƏTBUAT XİDMƏTİNİN MƏLUMATI
Avropa Şurası Parlament Assambleyasında Milli Məclisin nümayəndə heyətinin rəhbəri Səməd Seyidov bildirmişdir ki, təşkilatın yanvar sessiyasına Azərbaycan nümayəndə heyəti yenilənmiş tərkibdə gedəcəkdir.
MİLLİ MƏCLİSİN 2017-Cİ İLDƏ SON İCLASI KEÇİRİLDİ
Dekabrın 29-da Milli Məclisin 2017-ci il payız sessiyasında son iclası keçirildi. İclası Milli Məclisin Sədri Oqtay Əsədov aparırdı. Gündəliyin təsdiqindən sonra millət vəkilləri Fazil Mustafa, Fərəc Quliyev, Qüdrət Həsənquliyev, Zahid Oruc, Qənirə Paşayeva, Rasim Musabəyov, Əflatun Amaşov, Aytən Mustafazadə, Tahir Kərimli, Fuad Muradov, Musa Qasımlı, Hikmət Məmmədov, İlham Əliyev ölkə gündəmindəki vacib məsələlərlə bağlı fikirlərini bildirdilər.
"PARLAMENTİN DAYANIQLI İNKİŞAFDA ROLU" MÖVZUSUNDA KONFRANS KEÇİRİLDİ
Dekabrın 25-də Milli Məclisdə BMT ilə birgə “Dayanıqlı inkişaf məqsədlərinə nail olunmasında parlamentlərin rolu” mövzusunda konfrans keçirildi. Konfransı giriş sözü ilə açan Baş nazirin müavini, Azərbaycanın Dayanıqlı İnkişaf üzrə Milli Əlaqələndirmə Şurasının Sədri Əli Əhmədov bildirdi ki, 2015-ci ildə BMT tərəfindən “2030 - Dayanıqlı İnkişaf Məqsədləri” adlı layihə hazırlanıb.
MİLLİ MƏCLİSİN İCLASINDA
Dekabrın 15-də Milli Məclisin payız sessiyasında növbəti plenar iclası keçirildi. İclası Milli Məclisin Sədri Oqtay Əsədov aparırdı.Millət vəkilləri əvvəlcə “2013-cü il 13 avqust tarixində imzalanmış “Azərbaycan Respublikası Hökuməti və Rusiya Federasiyası Hökuməti arasında Azərbaycan-Rusiya dövlət sərhədindən “Samur” (Azərbaycan Respublikası) – “Yaraq-Qazmalar” (Rusiya Federasiyası) buraxılış məntəqələri ərazisində Samur çayı üzərindən avtomobil körpüsünün tikintisi haqqında Saziş”də dəyişikliklər edilməsi barədə Azərbaycan Respublikası Hökuməti ilə Rusiya Federasiyası Hökuməti arasında” Protokolu səsə qoyaraq təsdiq etdilər.