Regional məsələlər komitəsinin iclasında
Noyabrın 27-də Milli Məclisin Regional məsələlər komitəsinin iclası keçirilib. Komitə sədri Siyavuş Novruzov gündəliyə iki məsələnin – “Azərbaycan Respublikasının Ağdərə rayonunun yaradılması haqqında” və “Azərbaycan Respublikasının Ağdam, Cəbrayıl, Füzuli, Xocalı, Xocavənd, Qubadlı, Laçın və Şuşa rayonlarının inzibati ərazi bölgüsündə qismən dəyişiklik edilməsi haqqında” qanun layihələrinin daxil edildiyini bildirib. O, hər iki sənədin ölkə Prezidenti tərəfindən qanunvericilik təşəbbüsü qaydasında Milli Məclisə təqdim olunduğunu qeyd edib.
Hərbi qulluqçuların pensiya təminatı ilə bağlı qanun layihəsi Milli Məclisə daxil olub
Bu günlərdə “Hərbi qulluqçuların statusu haqqında”, “Hərbi xidmətkeçmə haqqında” Əsasnamə”nin təsdiq edilməsi barədə”, “Əmək pensiyaları haqqında” və “Hərbi vəzifə və hərbi xidmət haqqında” Azərbaycan Respublikasının qanunlarında dəyişiklik edilməsi barədə” Azərbaycan Respublikasının Qanun layihəsi Milli Məclisə daxil olub.
Parlamentlərarası əməkdaşlıq üzrə qlobal forumda
Milli Məclisin sədr müavini, parlamentin Gənclər və idman komitəsinin sədri Adil Əliyev, Əmək və sosial siyasət komitəsinin sədri Musa Quliyev və parlament Aparatı rəhbərinin müavini Rüstəm Mahmudov noyabrın 30-da keçiriləcək Dayanıqlı İnkişaf Məqsədlərinin həyata keçirilməsində Parlamentlərarası Əməkdaşlıq üzrə İkinci Qlobal Forumda iştirak etmək üçün Özbəkistanın Daşkənd şəhərinə səfər edəcəklər.
ATƏT PA-nın tədbirində
Milli Məclisin deputatı, ATƏT PA-da nümayəndə heyətinin rəhbəri Azay Quliyev ATƏT PA-nın Büro iclasında iştirak etmək üçün noyabrın 28-də Şimali Makedoniya Respublikasının Skopye şəhərinə səfər edəcək.
Milli Məclisin futbol komandası beynəlxalq turnirdə bürünc medal qazanıb
Noyabrın 23-27-də Türkiyənin Antalya şəhərində Türkiyə Respublikasının 100-cü ildönümünə həsr olunmuş beynəlxalq parlamentlərarası futbol turniri keçirilib. Turnirdə Türkiyə, Azərbaycan, Rumıniya, Bolqarıstan, Bosniya və Herseqovina, Macarıstan və Gürcüstan parlamentlərinin komandaları iştirak ediblər.
_1700920272.jpeg)
“Gənc-Fest" festivalının iştirakçıları Milli Məclisdə olublar
Ümummilli Lider Heydər Əliyevin anadan olmasının 100 illik yubileyinə və gənclərlə görüşünün 30 illiyinə həsr olunmuş "Gənc-Fest" festivalının 250-yə yaxın iştirakçısı noyabrın 25-də Milli Məclisdə olublar.
Asiya Parlament Assambleyasının tədbirində
Milli Məclisin deputatı, Asiya Parlament Assambleyasında (APA) nümayəndə heyətinin rəhbəri Əminə Ağazadə qurumun İcraedici Şurasının iclasında iştirak etmək üçün noyabrın 26-da Türkiyə Respublikasının Antalya şəhərinə səfər edəcək.
Milli Məclisin deputatı AŞPA-nın tədbirlərində iştirak edəcək
Milli Məclisin Beynəlxalq münasibətlər və parlamentlərarası əlaqələr komitəsinin sədri, Avropa Şurası Parlament Assambleyasında (AŞPA) nümayəndə heyətinin rəhbəri Səməd Seyidov qurumun tədbirlərində iştirak etmək üçün noyabrın 26-da Lixtenşteyn Knyazlığının Vaduts şəhərinə səfər edəcək.
Milli Məclisin sədri Sahibə Qafarova İordaniya Haşimilər Krallığının, Xorvatiyanın və Yunanıstanın ölkəmizdə yeni təyin olunmuş səfirləri ilə görüşüb
Milli Məclisin sədri Sahibə Qafarova İordaniya Haşimilər Krallığının Azərbaycan Respublikasındakı fövqəladə və səlahiyyətli səfiri Ömər Barakat Əl-Naharı qəbul edib.
Milli Məclisin sədri Sahibə Qafarova Rusiya Federasiyasının və Səudiyyə Ərəbistanı Krallığının ölkəmizdə yeni təyin olunmuş səfirlərini qəbul edib
Noyabrın 23-də Milli Məclisin Sədri Sahibə Qafarova Rusiya Federasiyasının Azərbaycan Respublikasındakı fövqəladə və səlahiyyətli səfiri Mixail Yevdokimov ilə görüşüb.
_1700751123.jpeg)
Milli Məclisin Ailə, qadın və uşaq məsələləri komitəsi və TBMM Qadınlar və kişilər üçün bərabər imkanların təmin edilməsi komissiyası arasında əməkdaşlıq Protokolu imzalanıb
Milli Məclisin Ailə, qadın və uşaq məsələləri komitəsinin sədri Hicran Hüseynova Türkiyə Respublikasının Antalya şəhərində “Qadın və kişilər üçün bərabər imkanların təmin edilməsi və qadınların səlahiyyətlərinin artırılması” mövzusunda keçirilən konfransda iştirak edib.
Ulu Öndər Heydər Əliyevin anadan olmasının 100-cü ildönümünə və TÜRKPA-nın 15 illiyinə həsr edilmiş konfrans keçirilib
Bakıda Ümummilli Lider Heydər Əliyevin anadan olmasının 100-cü ildönümünə və Türk Dövlətləri Parlament Assambleyasının (TÜRKPA-nın) 15 illiyinə həsr olunmuş konfrans keçirilib.
Milli Məclisin deputatları “Qərbi Azərbaycan: qayıdışa gedən yol” adlı beynəlxalq konqresdə iştirak edəcəklər
Milli Məclisin Regional məsələlər komitəsinin sədri Siyavuş Novruzov, deputatlar Ülviyyə Həmzəyeva və Səttar Möhbalıyev 23-24 noyabr tarixlərində Naxçıvan şəhərində keçiriləcək “Qərbi Azərbaycan: qayıdışa gedən yol” mövzusunda beynəlxalq konqresdə iştirak edəcəklər.
Milli Məclisin iclasında
Noyabrın 21-də spiker Sahibə Qafarovanın sədrliyi ilə Milli Məclisin payız sessiyasında növbəti plenar iclası keçirilib. İclası açan spiker bildirib ki, bugünkü iclasın gündəliyinə 21 məsələ daxil edilib və gündəliyin birinci məsələsi Milli Məclisin bəyanatıdır.
_1700565792.jpeg)
Milli Məclisin sədri, Qoşulmama Hərəkatı Parlament Şəbəkəsinin sədri Sahibə Qafarova Qoşulmama Hərəkatının konfransında çıxış edib
Milli Məclisin sədri, Qoşulmama Hərəkatı Parlament Şəbəkəsinin sədri Sahibə Qafarova noyabrın 21-də Qoşulmama Hərəkatının “Qadınların hüquqlarının inkişaf etdirilməsi və səlahiyyətlərinin artırılması” mövzusunda Bakıda keçirilən konfransında çıxış edib.
Milli Məclisin deputatları Meksikaya səfər edəcəklər
Milli Məclisin Meksika ilə parlamentlərarası əlaqələr üzrə işçi qrupunun rəhbəri Jalə Əliyeva və işçi qrupun üzvü Elşad Mirbəşir noyabrın 22-də Meksika Birləşmiş Ştatlarının Mexiko şəhərinə səfər edəcəklər.
Milli Məclisin deputatı Türkiyə Respublikasına səfər edəcək
Milli Məclisin Ailə, qadın və uşaq məsələləri komitəsinin sədri Hicran Hüseynova noyabrın 21-də Türkiyə Respublikasının Antalya şəhərinə səfər edəcək.
_1700398435.jpeg)
Milli Məclisin deputatları və parlament Aparatının əməkdaşları “Heydər zirvəsi”nə yürüş ediblər
Ümummilli Lider Heydər Əliyevin anadan olmasının 100-cü ildönümü həm ölkəmizdə, həm də xarici ölkələrdə təntənəli şəkildə qeyd edilir. Azərbaycan Respublikasının Milli Məclisi də öz növbəsində Ulu Öndərin əziz xatirəsinə həsr olunmuş tədbirlər təşkil edir.
Milli Məclisin sədri Sahibə Qafarova Bişkek şəhərində keçirilən MDB PA-nın 56-cı plenar iclasında çıxış edib
Noyabrın 17-də Qırğız Respublikasının paytaxtı Bişkek şəhərində MDB iştirakçısı olan Dövlətlərin Parlamentlərarası Assambleyasının 56-cı plenar iclası keçirilib. İclasda Milli Məclisin sədri Sahibə Qafarova çıxış edib.
İqtisadi siyasət, sənaye və sahibkarlıq komitəsinin iclasında
Noyabrın 17-də Milli Məclisin İqtisadi siyasət, sənaye və sahibkarlıq komitəsinin növbəti iclası keçirilib. Komitə sədri Tahir Mirkişili gündəliyə 12 məsələnin daxil edildiyini, onlardan 11-nin ikinci oxunuşda təqdim edilən 2024-cü ilin dövlət büdcəsi və büdcə zərfinə daxil olan qanun layihələri olduğunu söyləyib.