Milli Məclisdə mətbuat konfransı keçirilib
Noyabrın 23-də parlamentin İctimai birliklər və dini qurumlar, Hüquq siyasəti və dövlət quruculuğu və İnsan hüquqları komitələrinin birgə iclasında “Siyasi partiyalar haqqında” yeni qanun layihəsinin birinci oxunuşda müzakirəsindən sonra Milli Məclisdə mətbuat konfransı keçirilib. Mətbuat konfransından əvvəl Milli Məclis Aparatının rəhbəri Fərid Hacıyev tədbirdə iştirak edən jurnalistlərlə görüşərək Milli Məclisin sədri Sahibə Qafarovanın adından media nümayəndələrini salamlayıb və mətbuat konfransının işinə uğurlar arzulayıb.
Yubiley tədbirində
Milli Məclisin deputatı Rafael Hüseynov mütəfəkkir şair və dramaturq Hüseyn Cavidin 140-cı ildönümünə həsr olunan tədbirdə iştirak etmək üçün noyabrın 24-də Türkiyənin İstanbul şəhərinə səfər edəcək.
Deputatlarımız ATƏT PA-nın payız sessiyasında iştirak edəcəklər
Milli Məclisin ATƏT PA-dakı nümayəndə heyətinin rəhbəri Azay Quliyev, deputatlar Tural Gəncəliyev, Əminə Ağazadə və Nizami Səfərov ATƏT PA-nın payız sessiyasında iştirak etmək üçün noyabrın 23-də Polşanın paytaxtı Varşava şəhərinə səfər edəcəklər.
Azərbaycan Milli Məclisi və Rusiya Federal Məclisinin ikitərəfli parlamentlərarası komissiyasının növbəti iclası keçirilib
Noyabrın 22-də Azərbaycan Respublikası Milli Məclisi və Rusiya Federasiyası Federal Məclisinin ikitərəfli parlamentlərarası komissiyasının 18-ci iclası keçirilib.
AŞPA-nın Hüquq Məsələləri və İnsan Hüquqları Komitəsinin nümayəndələri Milli Məclisdə olublar
Noyabrın 22-də Milli Məclisin İnsan hüquqları komitəsinin sədri Zahid Oruc ilə AŞPA-nın Hüquq Məsələləri və İnsan Hüquqları Komitəsinin üzvü Konstantinos Efstatiu arasında görüş keçirilib.
AŞPA-nın Büro və Daimi Komitə iclaslarında
Milli Məclisin Beynəlxalq münasibətlər və parlamentlərarası əlaqələr komitəsinin sədri, AŞPA-dakı daimi nümayəndə heyətinin rəhbəri Səməd Seyidov AŞPA-nın Büro və Daimi Komitəsinin iclaslarında iştirak etmək üçün noyabrın 23-də İslandiyanın paytaxtı Reykyavik şəhərinə səfər edəcək.
Milli Məclisin sədr müavini Qazaxıstan parlamentinin deputatı ilə görüşüb
Milli Məclisin sədr müavini, Azərbaycan-Qazaxıstan parlamentlərarası əlaqələr üzrə işçi qrupunun rəhbəri Adil Əliyev noyabrın 22-də Qazaxıstan Parlament Məclisinin deputatı, Qazaxıstan-Azərbaycan parlamentlərarası işçi qrupunun üzvü, tanınmış politoloq Aydos Sarım və Qazaxıstanın ölkəmizdəki səfiri Serjan Abdıkərimovla görüşüb.
Rusiya Federal Məclisinin Federasiya Şurasının sədr müavini Ulu Öndərin məzarını və Şəhidlər xiyabanını ziyarət edib
Ölkəmizdə işgüzar səfərdə olan Rusiya Federasiyası Federal Məclisinin Federasiya Şurasının sədr müavini Qalina Karelovanın rəhbərlik etdiyi nümayəndə heyəti noyabrın 22-də Fəxri xiyabana gələrək ümummilli lider Heydər Əliyevin xatirəsini ehtiramla yad edib, məzarı önünə gül dəstələri düzüb.
“Siyasi partiyalar haqqında” qanun layihəsinin yenilənmiş variantı Milli Məclisin internet səhifəsinə yerləşdirilib
Xəbər verildiyi kimi, Milli Məclisdə parlamentdə təmsil olunan bütün siyasi partiya nümayəndələrinin müraciəti əsasında “Siyasi partiyalar haqqında” yeni qanun layihəsi hazırlanıb.
Deputatımız Ali Audit Qurumlarının Forumunda iştirak edəcək
Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili Avropa İttifaqı Şərq Tərəfdaşlığı Ali Audit Qurumlarının (AAQ) Forumunda iştirak etmək üçün noyabrın 20-də Latviya Respublikasının paytaxtı Riqaya səfər edəcək.
ABŞ Dövlət Departamentinin nümayəndəsi Milli Məclisdə olub
Noyabrın 18-də Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov ABŞ Dövlət Departamentinin nümayəndəsi Cameron Millard ilə görüşüb.
Ümumdünya Uşaq Günü ilə bağlı Beynəlxalq Forumda
Noyabrın 17-də Ümumdünya Uşaqlar Günü ilə bağlı Birləşmiş Millətlər Təşkilatının Uşaq Fondunun (UNICEF) Özbəkistandakı nümayəndəliyi tərəfindən hibrid formatda təşkil olunmuş Beynəlxalq Forum keçirilib.
Milli Məclisdə ABŞ-ın Yuta ştatının nümayəndə heyəti ilə görüş olub
Noyabrın 17-də Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov ABŞ-ın Yuta ştatından olan nümayəndə heyətinin üzvləri ilə görüşüb.
Milli Məclisdə Avropa İttifaqının Şərq Tərəfdaşlığı üzrə xüsusi elçisinin rəhbərlik etdiyi nümayəndə heyəti ilə görüş keçirilib
Noyabrın 17-də Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov Avropa İttifaqının Şərq Tərəfdaşlığı üzrə xüsusi elçisi Dirk Şuebelin rəhbərlik etdiyi, Avropa İttifaqının və bir sıra üzv ölkələrin Şərq Tərəfdaşlığı üzrə məsul şəxslərinin daxil olduğu nümayəndə heyəti ilə görüşüb.
Milli Məclisin deputatları NATO PA-nın sessiyasında iştirak edəcəklər
Milli Məclisin deputatları, NATO Parlament Assambleyasındakı nümayəndə heyətinin üzvləri Siyavuş Novruzov, Məlahət İbrahimqızı, Kamran Bayramov və Elşən Musayev NATO PA-nın 68-ci illik sessiyasında iştirak etmək üçün noyabrın 18-də İspaniya Krallığının Madrid şəhərinə səfər edəcəklər.
Deputatlar Qazaxıstanda prezident seçkilərini müşahidə edəcəklər
Milli Məclisin bir qrup deputatı Qazaxıstan Respublikasında keçiriləcək növbədənkənar prezident seçkilərini müşahidə etmək üçün noyabrın 17-də Astana şəhərinə səfər edəcək.
Azərbaycan və Estoniya parlament dostluq qruplarının görüşündə
Noyabrın 15-də Milli Məclisin Estoniya ilə parlamentlərarası əlaqələr üzrə işçi qrupunun rəhbəri Jalə Əhmədova ölkəmizdə səfərdə olan Estoniya Riigikoqunun (parlamentinin) Estoniya-Azərbaycan parlamentlərarası qrupunun sədri Sven Sester ilə görüşüb.
Ekspert Şurasının iclasında
Milli Məclisin deputatı Nizami Səfərov Azərbaycan-Rusiya Ekspert Şurasının 2-ci iclasında iştirak etmək üçün noyabrın 15-dən 18-dək Rusiya Federasiyasının Moskva şəhərində səfərdə olacaq.
Milli Məclisin deputatı Avropa Şurasının tədbirində iştirak edəcək
Milli Məclisin deputatı, parlamentin Beynəlxalq münasibətlər və parlamentlərarası əlaqələr komitəsinin sədr müavini Sevinc Fətəliyeva Avropa Şurasının Uşaq hüquqları koordinasiya komitəsinin 6-cı iclasında iştirak etmək üçün noyabrın 14-dən 18-dək Fransanın Strasburq şəhərində səfərdə olacaq.
Deputatımız beynəlxalq konfransda iştirak edəcək
Milli Məclisin deputatı, Azərbaycan-ABŞ parlamentlərarası əlaqələr üzrə işçi qrupunun üzvü Erkin Qədirli “ABŞ-da aralıq seçkilər: ABŞ demokratiyasına, Avropa İttifaqına və dünya siyasətinə təsirləri” mövzusunda keçiriləcək konfransda iştirak etmək üçün noyabrın 15-də Belçikanın paytaxtı Brüssel şəhərinə səfər edəcək.