Milli Məclisdə büdcə zərfindəki üç qanun layihəsi ikinci oxunuşda qəbul edilib
Noyabrın 23-də Milli Məclisin sədri Sahibə Qafarovanın sədrliyi ilə parlamentin növbəti plenar iclası keçirilib. Büdcə zərfinin ikinci oxunuşda müzakirəyə çıxarıldığı iclasda hökumət üzvləri də iştirak ediblər.
AŞPA-nın Daimi Komitəsinin iclası keçiriləcək
Noyabrın 25-də və 26-da İtaliyanın Roma şəhərində AŞPA-nın Daimi Komitəsinin iclası keçiriləcək.
İclasda Milli Məclisin Beynəlxalq münasibətlər və parlamentlərarası əlaqələr komitəsinin sədri və Avropa Şurası Parlament Assambleyasında Azərbaycan nümayəndə heyətinin rəhbəri Səməd Seyidov iştirak edəcək.
Milli Məclisin sədri Sahibə Qafarovanın başçılığı ilə parlament nümayəndə heyəti MDB PA-nın tədbirlərində iştirak edəcək
Milli Məclisin sədri Sahibə Qafarovanın başçılığı ilə parlament nümayəndə heyəti MDB PA-nın Şura və 53-cü plenar iclaslarında iştirak etmək üçün noyabrın 24-də Rusiya Federasiyasının Sankt-Peterburq şəhərinə səfər edəcək.
Milli Məclisin İqtisadi siyasət, sənaye və sahibkarlıq komitəsinin iclasında
Noyabrın 22-də Milli Məclisin İqtisadi siyasət, sənaye və sahibkarlıq komitəsinin geniş tərkibdə onlayn iclası keçirilib.
İqtisadi siyasət, sənaye və sahibkarlıq komitəsinin sədri Tahir Mirkişili iclası açaraq gündəlik barədə məlumat verib. Bildirib ki, iclasın gündəliyinə gələn ilin büdcə zərfinə dair qanun layihələri ilə yanaşı, bir sıra digər qanun layihələri də daxildir.
Deputatımız elmi konfransda iştirak edəcək
Milli Məclisin deputatı, Nizami Gəncəvi adına Milli Azərbaycan Ədəbiyyatı Muzeyinin direktoru Rafael Hüseynov elmi konfransda iştirak etmək üçün noyabrın 23-də Belarus Respublikasının paytaxtı Minsk şəhərinə səfər edəcək.
Milli Məclis sədrinin müavini Adil Əliyev Qazaxıstanda beynəlxalq parlament konfransında iştirak edib
Milli Məclis sədrinin müavini, parlamentin Gənclər və idman komitəsinin sədri, Azərbaycan-Qazaxıstan parlamentlərarası əlaqələr üzrə işçi qrupunun rəhbəri Adil Əliyev Qazaxıstanın Birinci Prezidenti Gününə həsr olunmuş “Elbası. Müstəqillik. Parlament” adlı beynəlxalq parlament konfransında iştirak edib.
Sabunçu rayonunda şəhidlərin xatirəsi yad edilib
Noyabrın 22-də deputat Əliabbas Salahzadə Bakının Sabunçu rayonunun Zabrat qəsəbəsində şəhid Rəşad İlqar oğlu Rəhimovun anım günündə iştirak edib.
Vitse-spiker Adil Əliyev şəhidlərin anım tədbirlərində iştirak edib
Noyabrın 18-də və 19-da Milli Məclis sədrinin müavini Adil Əliyev Vətən müharibəsi şəhidlərinin anım tədbirində iştirak edib.
Şəhid leytenant Şahmar Səfərovun anım günü keçirilib
Suraxanı rayonunda Vətən müharibəsi şəhidi leytenant Şahmar Nazim oğlu Səfərovun xatirəsi yad edilib.
Deputatımız Yunanıstana səfərə gedəcək
Milli Məclisin ATƏT PA-da nümayəndə heyətinin rəhbəri, bu qurumun vitse-prezidenti və Cənub-Şərqi Avropa üzrə xüsusi nümayəndəsi Azay Quliyev noyabrın 22-dən Yunanıstanın Afina şəhərində səfərdə olacaq.
Deputat Musa Qasımlı Yardımlı rayonunda şəhid ailələrini ziyarət edib
Millət vəkili Musa Qasımlı Yardımlı rayon İcra Hakimiyyəti başçısının birinci müavini Azər Xamiyevlə birlikdə Yardımlı şəhərində Vətən müharibəsi şəhidləri - Şamil Afiq oğlu Mirzəyevin, rayonun Zevin kəndində Sirus Hamil oğlu Şirbəylinin, Sadiq Tahir oğlu Feyziyevin, Teşkan kəndində Elşən Nazim oğlu Sultanlının valideynlərini ziyarət edib.
Milli Məclisin sədri Sahibə Qafarova TÜRKPA-nın Baş katibi ilə görüşüb
Milli Məclisin sədri Sahibə Qafarova noyabrın 19-da Türk PA-nın Baş katibi Mehmet Süreyya Er ilə görüşüb.
Misir parlamentinin sabiq birinci vitse-spikeri Zəfər Günü münasibətilə Milli Məclisin sədri Sahibə Qafarovaya təbrik məktubu göndərib
8 Noyabr – Zəfər Günü münasibəti ilə Misir parlamentinin sabiq birinci vitse-spikeri, Seyyidlər İttifaqının sədri Seyyid Mahmud Şərif Milli Məclisin sədri Sahibə Qafarovaya və Azərbaycan-Misir parlamentlərarası əlaqələr üzrə işçi qrupunun rəhbəri, deputat Ceyhun Məmmədova təbrik məktubu göndərib.
Milli Məclis sədrinin müavini Adil Əliyev beynəlxalq parlament konfransında iştirak edəcək
Milli Məclis sədrinin müavini, parlamentin Gənclər və idman komitəsinin sədri, Azərbaycan-Qazaxıstan parlamentlərarası əlaqələr üzrə işçi qrupunun rəhbəri Adil Əliyev noyabrın 20-dən 23-nə kimi Qazaxıstanın paytaxtı Nur-Sultan şəhərində səfərdə olacaq.
Qazaxda şəhid Məmməd Mərdanovun xatirəsi yad edilib
Qazax rayonunda Vətən müharibəsinin mülki şəhidi Məmməd Ələddin oğlu Mərdanovun anım mərasimi keçirilib. Mərasimdə Milli Məclisin deputatı Ülviyyə Ağayeva, Qazax Rayon İcra Hakimiyyətinin məsul işçiləri, şəhidin yaxınları, qazilər və rayon ictimaiyyətinin nümayəndələri iştirak ediblər.
Bakının Xətai rayonunda və Ramana qəsəbəsində şəhidlərin ailələri ziyarət edilib
Milli Məclisin deputatı, Azərbaycan Həmkarlar İttifaqları Konfederasiyasının sədri Səttar Möhbalıyev Vətən müharibəsi şəhidləri - polkovnik-leytenant Sədi Süleyman oğlu Musayevin və baş leytenant Tural Ələmdar oğlu Əsgərlinin Bakının Xətai rayonunda və Ramana qəsəbəsində yaşayan ailələrini ziyarət edib.
Milli Məclisin plenar iclasında büdcə zərfinə daxil olan məsələlər müzakirə edilib
Noyabrın 17-də Milli Məclisin növbəti plenar iclası keçirilib.
Milli Məclisin sədri Sahibə Qafarova iclasda iştirak edən hökumət təmsilçilərini, deputatları və media nümayəndələrini salamlayaraq 17 noyabr - Milli Dirçəliş Günü münasibətilə təbriklərini çatdırıb.
Şəhid Vüsal Rüstəmovun Abşeron rayonunda anım günü keçirilib
Abşeron rayonunun Sulutəpə qəsəbəsində 44 günlük Vətən müharibəsində şəhid olmuş qəhrəman oğullarımızdan biri – Cəbrayıl rayonunun yetirməsi, gizir Rüstəmov Vüsal Valeh oğlunun anım günü keçirilib.
Almaniya nümayəndə heyəti Milli Məclisdə
Noyabrın 16-da Milli Məclisin Azərbaycan-Almaniya parlamentlərarası əlaqələr üzrə işçi qrupunun rəhbəri Nurlan Həsənov Almaniyanın Xarici İşlər Nazirliyinin Şərqi Avropa, Qafqaz və Mərkəzi Asiya üzrə müvəkkili Mattias Lüttenberqin başçılıq etdiyi nümayəndə heyəti ilə görüşüb.
Milli Məclisin plenar iclasında büdcə zərfinin müzakirəsinə başlandı
Noyabrın 16-da Milli Məclisin növbəti plenar iclası keçirilib. İclası Milli Məclisin sədri Sahibə Qafarova aparırdı. Plenar iclasda Baş nazir Əli Əsədovun rəhbərliyi ilə hökumət üzvləri iştirak edirdi.