Deputatımız Bolqarıstanda parlament seçkilərini izləyəcək
Milli Məclisin deputatı Rauf Əliyev Bolqarıstanda keçiriləcək parlament seçkilərini müşahidə etmək üçün iyulun 8-də ölkənin paytaxtı Sofiya şəhərinə səfər edəcək.
ATƏT PA-nın illik sessiyasında
Avropada Təhlükəsizlik və Əməkdaşlıq Təşkilatının Parlament Assambleyasının (ATƏT PA) illik sessiyası iyunun 30-da öz işinə başlayıb. Milli Məclisin deputatı, Azərbaycanın ATƏT PA-dakı nümayəndə heyətinin rəhbəri, qurumun vitse-prezidenti Azay Quliyev sessiyada və Daimi komitənin iclasında iştirak etmək üçün iyulun 3-də Avstriyanın paytaxtı Vyanaya səfər edəcək.
Milli Məclisin Mədəniyyət komitəsində Türkiyə səfiri ilə görüş olub
Milli Məclisin Mədəniyyət komitəsinin sədri, Azərbaycan-Türkiyə parlamentlərarası əlaqələr üzrə işçi qrupunun üzvü Qənirə Paşayeva iyunun 30-da Türkiyə Respublikasının Azərbaycanda yeni fəaliyyətə başlayan Fövqəladə və səlahiyyətli səfiri Cahit Bağçı ilə görüşüb.
Milli Məclisdə Türkiyə səfiri ilə görüş
İyunun 30-da Milli Məclisin Səhiyyə komitəsinin sədri, Azərbaycan-Türkiyə parlamentlərarası əlaqələr üzrə işçi qrupunun rəhbəri Əhliman Əmiraslanov Azərbaycanda diplomatik fəaliyyətə başlayan Türkiyə Respublikasının fövqəladə və səlahiyyətli səfiri Cahit Bağçı ilə görüşüb.
Milli Məclisdə görüş
İyunun 29-da Milli Məclis Sədrinin müavini, parlamentin İctimai birliklər və dini qurumlar komitəsinin sədri Fəzail İbrahimli işğaldan azad edilmiş ərazilərdə faktaraşdırıcı missiya həyata keçirmək məqsədilə ölkəmizdə səfərdə olan Türkiyə İnsan Hüquqları və Bərabərlik Qurumunun nümayəndə heyəti ilə görüşüb.
NATO PA-nın Rouz-Rout seminarı keçirilib
İyunun 28-də Milli Məclisin deputatları, NATO PA-da Azərbaycan nümayəndə heyətinin üzvləri Məlahət İbrahimqızı və Kamran Bayramov NATO Parlament Assambleyasının videokonfrans formatında keçirilən Rouz-Rout seminarına qatılıb.
Avronest PA-nın Büro iclasında
İyunun 25-də Avronest Parlament Assambleyasının videokonfrans formatında Büro iclası keçirilib. Onlayn iclasda Avronest Parlament Assambleyasında Azərbaycan nümayəndə heyətinin rəhbəri Azər Kərimli iştirak edib.
Türkiyədə “Qarabağ həftəsi” keçiriləcək
Milli Məclisin deputatı Sabir Rüstəmxanlı Türkiyənin Xalq Diplomatiyası və İqtisadi Əməkdaşlıq Təşkilatının təşkil etdiyi “Qarabağ həftəsi” çərçivəsində keçiriləcək tədbirlərdə iştirak etmək üçün iyunun 25-də İstanbula səfər edəcək.
Azərbaycan və Çili parlamentlərarası dostluq qruplarının görüşü keçirilib
İyunun 23-də Azərbaycan Milli Məclisi və Çili Senatının parlamentlərarası dostluq qruplarının videokonfrans formatında görüşü keçirilib. Görüşdə Azərbaycan tərəfindən Çili ilə parlamentlərarası əlaqələr üzrə işçi qrupunun rəhbəri Azər Badamov, qrupun üzvü İqbal Məmmədov, ölkəmizin Argentina, Çili, Uruqvay, Paraqvay və Boliviyadakı səfiri Rəşad Aslanov, digər rəsmi şəxslər iştirak ediblər.
Səudiyyə Ərəbistanı ilə parlamentlərarası əlaqələrimiz genişlənir
İyunun 23-də Milli Məclisin Azərbaycan-Səudiyyə Ərəbistanı parlamentlərarası əlaqələr üzrə işçi qrupunun üzvləri Səudiyyə Ərəbistanı Krallığının Məşvərət Şurasında fəaliyyət göstərən Azərbaycanla parlamentlərarası dostluq qrupunun üzvləri ilə onlayn formatda görüş keçiriblər.
Hüquq siyasəti və dövlət quruculuğu komitəsinin iclasında
İyunun 23-də Milli Məclisin Hüquq siyasəti və dövlət quruculuğu komitəsinin videokonfrans formatında iclası keçirilib. İclası açan Milli Məclis Sədrinin birinci müavini, Hüquq siyasəti və dövlət quruculuğu komitəsinin sədri Əli Hüseynli bildirib ki, gündəliyə 4 qanun layihəsi daxil edilib.
Parlamentlərarası əməkdaşlıq Dayanıqlı İnkişaf Məqsədlərinin həyata keçirilməsinə xidmət edəcək
İyunun 23-də Özbəkistan Ali Məclisi Senatının BMT ilə tərəfdaşlıqda təşkil etdiyi “Davamlı İnkişaf Məqsədlərinin həyata keçirilməsində Parlamentlərarası Qlobal Əməkdaşlıq” Beynəlxalq Forumu Buxara şəhərində öz işinə başlayıb. Hibrid formatda keçirilən foruma BMT-dən və beynəlxalq təşkilatlardan, dünyanın bir çox parlamentlərindən çoxsaylı nümayəndələr qatılıb. Milli Məclisdən deputat Arzu Nağıyev videoformatda tədbirə qatılıb.
QDİƏT PM-in Baş Assambleyasında
İyunun 22-də Qara Dəniz İqtisadi Əməkdaşlıq Təşkilatı Parlament Məclisinin (QDİƏT PM) 57-ci Baş Assambleyasının onlayn formatda iclası keçirilib. Tədbirdə Milli Məclisi QDİƏT PM sədrinin müavini və qurumdakı Azərbaycan nümayəndə heyətinin rəhbəri Eldar Quliyev, nümayəndə heyətinin üzvləri Eldar İbrahimov, Musa Quliyev və Ramin Məmmədov təmsil ediblər.
Milli Məclisdə görüş
İyunun 21-də Milli Məclisin Azərbaycan-Misir parlamentlərarası əlaqələr üzrə işçi qrupunun rəhbəri Ceyhun Məmmədov Misir Ərəb Respublikasının Azərbaycandakı səfiri Adel İbrahim Ahmed İbrahim ilə görüşüb.
AŞPA-nın yay sessiyasında
Milli Məclisin Beynəlxalq münasibətlər və parlamentlərarası əlaqələr komitəsinin sədri, AŞPA-dakı nümayəndə heyətimizin rəhbəri Səməd Seyidovun başçılığı ilə deputatlar Sevinc Fətəliyeva, Rafael Hüseynov, Nigar Arpadarai, Kamal Cəfərov və Erkin Qədirli qurumun yay sessiyasında iştirak etmək üçün iyunun 19-dan 26-na kimi Fransanın Strasburq şəhərində səfərdə olacaqlar.
Norveç bölgədə sülhün və sabitliyin tərəfdarıdır
İyunun 14-də Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov Norveç Krallığının Azərbaycanda akkreditə olunmuş səfiri Erling Sönsberq ilə görüşüb.
Azərbaycan və Qazaxıstan parlamentlərarası dostluq qruplarının görüşündə
İyunun 14-də Azərbaycan və Qazaxıstan parlamentlərarası dostluq qrupları arasında onlayn görüş keçirilib. Görüşdə Milli Məclis Sədrinin müavini, Azərbaycan-Qazaxıstan parlamentlərarası əlaqələr üzrə işçi qrupunun rəhbəri Adil Əliyev iki ölkə arasındakı münasibətlərdən danışaraq, Ümummilli lider Heydər Əliyevlə Qazaxıstanın birinci Prezidenti Nursultan Nazarbayev arasında mövcud olmuş şəxsi dostluq münasibətlərinin bu əlaqələrin inkişafına mühüm töhfə verdiyini bildirib.
Parlamentlərarası Komissiyanın 15-ci iclasında
Milli Məclis Sədrinin birinci müavini, Hüquq siyasəti və dövlət quruculuğu komitəsinin sədri Əli Hüseynlinin başçılığı ilə deputatlar Ağalar Vəliyev, Nizami Səfərov, Mixail Zabelin, Elnur Allahverdiyev və Sevinc Hüseynova iyunun 15-dən 17-nə kimi Rusiyanın paytaxtı Moskva şəhərində səfərdə olacaqlar.
Azərbaycanla Ukrayna arasında əməkdaşlığın perspektivləri müzakirə olunub
İyunun 10-da “Ukrayna-Azərbaycan: əməkdaşlıq perspektivləri” mövzusunda beynəlxalq dəyirmi masa keçirilib. Videokonfrans formatında keçirilən tədbirdə Azərbaycan-Ukrayna parlamentlərarası əlaqələr üzrə işçi qrupunun rəhbəri Rüfət Quliyev, Azərbaycan Respublikası Diasporla İş üzrə Dövlət Komitəsinin məsul şəxsləri, Ukrayna Ali Radasının Azərbaycanla dostluq qrupunun üzvləri, Ukrayna azərbaycanlılarının diaspor təşkilatlarının təmsilçiləri, ictimai və akademik çevrələrin nümayəndələri iştirak ediblər.
Milli Məclisdə Əfqanıstan diplomatları ilə görüş
İyunun 10-da Milli Məclisdə ADA Universitetində (Azərbaycan Diplomatik Akademiyası) təlim keçən Əfqanıstan İslam Respublikasının diplomatları ilə görüş olub.