KOREYA MİLLİ ASSAMBLEYASININ ÜZVLƏRİ MİLLİ MƏCLİSDƏ
Sentyabrın 6-da Milli Məclisin Koreya ilə parlamentlərarası əməkdaşlıq üzrə işçi qrupu üzvlərinin ölkəmizdə səfərdə olan Koreya Milli Assambleyasının sədr müavini Pak Cu-sunun başçılıq etdiyi nümayəndə heyəti ilə görüşü oldu.Qonaqları salamlayan qrupun rəhbəri, deputat Malik Həsənov xalqlarımız arasında tarixən mövcud olan dostluq əlaqələrindən söhbət açdı, Koreya ilə münasibətlərin gündən-günə inkişaf etdiyini vurğuladı.
AŞPA-nın BÜRO VƏ KOMİTƏ İCLASLARINDA
Sentyabrın 4-dən 7-dək Parisdə Avropa Şurası Parlament Assambleyası Bürosunun, Hüquqi məsələlər və insan hüquqları, Siyasi işlər və demokratiya, həmçinin Monitorinq komitələrinin iclasları keçiriləcək.
MİLLİ MƏCLİSİN DEPUTATI BEYNƏLXALQ KONFRANSDA İŞTİRAK EDƏCƏK
Milli Məclisin deputatı, ATƏT PA-nın vitse-prezidenti Azay Quliyev avqustun 25-də Qazaxıstanın paytaxtı Astanaya səfər edəcək. Səfər çərçivəsində deputatımız “Yeni nüvə təhlükələri ilə üz-üzə” mövzusunda keçiriləcək Elm və Ümumdünya məsələləri üzrə 62-ci Paqouş konfransında iştirak edəcək.
KOREYA MİLLİ ASSAMBLEYASININ ÜZVLƏRİ MİLLİ MƏCLİSDƏ
Avqustun 17-də Milli Məclisin Beynəlxalq münasibətlər və parlamentlərarası əlaqələr komitəsi sədrinin müavini Sevinc Fətəliyeva Azərbaycanda səfərdə olan Koreya Milli Assambleyasının deputatı Li Ju Yanqın başçılıq etdiyi nümayəndə heyəti ilə görüşdü. Sevinc Fətəliyeva xalqlarımız arasındakı dostluq münasibətlərinin 25 illik tarixindən söz açdı. O, Bakıda keçirilən 41-ci Dünya Skaut Konfransının iştirakçısı olan qonaqlara Azərbaycanın inkişafı, ölkəmizdə Koreya şirkətlərinin fəaliyyəti, parlamentlərarası əlaqələrin perspektivləri barədə ətraflı məlumat verdi.
MİLLİ MƏCLİSDƏ KOREYA NÜMAYƏNDƏ HEYƏTİ İLƏ GÖRÜŞ KEÇİRİLDİ
Avqustun 15-də Milli Məclis Sədrinin müavini, Təbii ehtiyatlar, energetika və ekologiya komitəsinin sədri Valeh Ələsgərov Birləşmiş Millətlər Təşkilatının keçmiş Baş katibi Pan Gi Mun və Koreya Respublikası Milli Assambleyasının bir qrup deputatından ibarət nümayəndə heyəti ilə görüşdü.
MİLLİ MƏCLİSDƏ GÖRÜŞ
Avqustun 16-da Milli Məclis Sədrinin müavini, Təbii ehtiyatlar, energetika və ekologiya komitəsinin sədri Valeh Ələsgərov Polşa Respublikasının təhsil naziri xanım Anna Zalevskanın başçılıq etdiyi nümayəndə heyəti ilə görüşdü.
BMT BAŞ MƏCLİSİNİN XÜSUSİ SESSİYASINDA
İyulun 19-da Nyu-Yorkda BMT Baş Məclisinin xüsusi sessiyası keçiriləcək. Sessiyada Milli Məclisin deputatı Məlahət İbrahimqızı iştirak edəcək.
Deputatlarımız Alxanlı kəndinə səfər ediblər
İyulun 13-də Milli Məclis rəhbərliyinin tapşırığına əsasənSədrin müavini, ATƏT PA-da nümayəndə heyətimizin başçısı Bahar Muradovanın rəhbərliyi ilə bir qrup deputatımız – təşkilatın vitse-prezidenti Azay Quliyev, qurumda nümayəndə heyətimizin üzvləri: Kamran Nəbizadə, Elşad Həsənov, Tahir Mirkişili və digər rəsmi şəxslər Milli Məclis adındanFüzuli rayonunun Alxanlı kəndinə səfər ediblər.
İƏTPİ-nin BAŞ KATİBİ BƏYANATLA ÇIXIŞ EDİB
İslam Əməkdaşlıq Təşkilatına üzv dövlətlərin Parlament İttifaqının Baş Katibi Prof. Mahmud Erol Kılıç Fizuli rayonun Alxanlı kəndində baş vermiş son hadisələrlə əlaqədar bəyanat vermişdir.
PARLAMENT GÖRÜŞLƏRİ
İyulun 6-da Milli Məclis Sədrinin birinci müavini, Müdafiə, təhlükəsizlik və korrupsiya ilə mübarizə komitəsinin sədri Ziyafət Əsgərov ölkəmizdə səfərdə olan Avstriya parlamentinin nümayəndə heyəti ilə görüşdü. Avstriyalı qonaqlar Milli Məclisdə Beynəlxalq münasibətlər və parlamentlərarası əlaqələr komitəsinin üzvləri ilə də görüşdülər.
AVSTRİYA PARLAMENT NÜMAYƏNDƏ HEYƏTİ MİLLİ MƏCLİSDƏ
İyulun 6-da Avstriya ilə dostluq qrupunun rəhbəri Cavid Qurbanov ölkəmizdə səfərdə olan Avstriya Parlamentinin deputatları ilə görüşdü.Cavid Qurbanov qonaqları səmimi salamlayaraq bildirdi ki, Azərbaycanla Avstriya əlaqələri hələ ilk Demokratik Respublikanın mövcud olduğu vaxtlardan da qədimdi. Millət vəkili qonaqlara Milli Məclisin fəaliyyəti, qəbul edilən qanunlar barədə ətraflı məlumat verdi.
AZƏRBAYCAN PARLAMENT NÜMAYƏNDƏ HEYƏTİ NATO PA-nın 95-ci ROUZ-ROUT SEMİNARINDA ÇIXIŞ EDİB
Xəbər verildiyi kimi, cari il iyulun 3-də Kiyevdə NATO Parlament Assambleyasının 95-ci Rouz-Rout seminarı işinə başlamışdır. Ukrayna Ali Radası ilə birgə keçirilən “Təhlükəsiz, sabit Ukraynaya doğru və Qara Dəniz regionu” adlı bu tədbirdə iştirak edən Milli Məclisin deputatları Məlahət İbrahimqızı və Kamran Bayramov gündəlikdəki məsələlər ətrafinda çıxışlar edərək, Qara Dəniz regionunda Azərbaycanın oynadığı vacib roldan söz açmış və auditoriyanın diqqətini regionun təhlükəsizliyinə ölkəmizin verdiyi sanballı töhfələrə çəkmiş, Ermənistanın Azərbaycana qarşı yürütdüyü işğalçılıq siyasətinin mahiyyətini bir daha tədbirdə səsləndirmişlər.
ATƏT PA-nın 26-cı İLLİK SESSİYASINDA
Milli Məclis Sədrinin müavini, ATƏT PA-da Azərbaycan nümayəndə heyətinin rəhbəri Bahar Muradovanın başçılığı ilə deputatlar Azay Quliyev, Kamran Nəbizadə, Elşad Həsənov və Tahir Mirkişili ATƏT Parlament Assambleyasının 26-cı illik sessiyasında iştirak etmək üçün iyulun 4-dən 10-dək Belarusun paytaxtı Minskdə səfərdə olacaqlar.
BOLQARISTAN PARLAMENT NÜMAYƏNDƏ HEYƏTİ MİLLİ MƏCLİSDƏ
İyunun 30-da Milli Məclisin Bolqarıstanla parlamentlərarası əlaqələr üzrə işçi qrupu üzvlərinin ölkəmizdə səfərdə olan Bolqarıstan parlamentinin Büdcə və Maliyyə üzrə komissiyanın sədri Menda Stojanovanın başçılıq etdiyi nümayəndə heyəti ilə görüşü oldu.
PARLAMENT GÖRÜŞLƏRİ
İyunun 30-da Milli Məclis Sədrinin birinci müavini Ziyafət Əsgərov ölkəmizdə səfərdə olan Bolqarıstan Parlamentinin Büdcə və maliyyə üzrə komissiyasının sədri Menda Stojanovanın başçılıq etdiyi nümayəndə heyəti ilə görüşdü.* * *Həmin gün Milli Məclisin İqtisadi siyasət, sənaye və sahibkarlıq komitəsinin sədri Ziyad Səmədzadə ölkəmizdə səfərdə olan Bolqarıstan Parlamentinin nümayəndə heyəti ilə görüşdü.
QARA DƏNİZ İQTİSADİ ƏMƏKDAŞLIQ TƏŞKİLATININ TƏDBİRLƏRİNDƏ
İyulun 4-dən 6-dək İstanbulda Qara Dəniz İqtisadi Əməkdaşlıq Təşkilatı Parlament Məclisinin Baş Assambleyasının 49-cu sessiyası, 56-cı Büro və 49-cu Daimi Komitə iclasları keçiriləcəkdir.
NATO PARLAMENT ASSAMBLEYASININ SEMİNARINDA
İyulun 3-dən 5-dək Kiyevdə NATO Parlament Assambleyasının 95-ci Rouz-Rout seminarı keçiriləcəkdir. Seminarda Milli Məclisin deputatları Məlahət İbrahimqızı və Kamran Bayramov iştirak edəcəklər.
MİLLİ MƏCLİSİN DEPUTATI QAZAXISTANDA SEÇKİLƏRİ MÜŞAHİDƏ EDƏCƏK
Milli Məclisin deputatı Cavanşir Feyziyev iyunun 28-də Qazaxıstanda keçiriləcək parlament seçkilərini müşahidə etmək üçün Astanada səfərdə olacaqdır.
AVROPA ŞURASI PARLAMENT ASSAMBLEYASININ YAY SESSİYASINDA
Milli Məclisin Beynəlxalq münasibətlər və parlamentlərarası əlaqələr Komitəsinin sədri, Avropa Şurası Parlament Assambleyasındakı daimi nümayəndə heyətinin rəhbəri Səməd Seyidov və bir qrup deputat AŞPA-nın yay sessiyasında iştirak etmək üçün iyunun 25-dən iyulun 2-dək Strasburqda səfərdə olacaqlar.
PARLAMENT XƏBƏRLƏRİ
Milli Məclis Sədrinin birinci müavini, Müdafiə, təhlükəsizlik və korrupsiya ilə mübarizə komitəsinin sədri Ziyafət Əsgərov Serbiyanın yeni seçilmiş Prezidenti Aleksandr Vuçiçin iyunun 23-də paytaxt Belqradda keçiriləcək andiçmə mərasimində iştirak etmək üçün bu ölkəyə səfər edib. ***Milli Məclisin deputatı Ağalar Vəliyev Avronest Parlament Assambleyasının Belarus üzrə işçi qrupu və Avropa Parlamentinin Belarus ilə əlaqələr üzrə nümayəndə heyətinin birgə iclasında iştirak etmək üçün iyunun 28-29-da Belçikada səfərdə olacaq.