Estoniya-Azərbaycan parlament qrupunun rəhbəri Fəxri xiyabanı və Şəhidlər xiyabanını ziyarət edib
Ölkəmizdə səfərdə olan Estoniya-Azərbaycan parlamentlərarası dostluq qrupunun sədri Sven Sesterin rəhbərlik etdiyi nümayəndə heyəti noyabrın 1-də Fəxri xiyabana gələrək xalqımızın ümummilli lideri, müasir müstəqil Azərbaycan dövlətinin memarı və qurucusu Heydər Əliyevin xatirəsini dərin ehtiramla yad edib, məzarı önünə tər çiçəklər düzüblər.
Şəmkir rayonunda Vətən müharibəsi şəhidi polkovnik-leytenant Rəşad Sadıqovun xatirəsi ehtiramla anılıb
Şəmkir rayonunda Vətən müharibəsi şəhidi polkovnik-leytenant Rəşad Xanlar oğlu Sadıqovun şəhadətinin ildönümündə xatirəsi ehtiramla yad olunub. Bu münasibətlə keçirilən mərasimdə rayon rəhbərliyi, Milli Məclisin təmsilçiləri, şəhid polkovnik-leytenantın xidmət etdiyi N saylı hərbi hissənin nümayəndələri iştirak ediblər.
Naxçıvan şəhərində şəhidlərin anım günü keçirilib
Naxçıvan şəhərində torpaqlarımızın işğaldan azad edilməsi uğrunda 44 gün davam etmiş Vətən müharibəsi şəhidlərinin anım günü keçirilib.
Braziliyalı senator Gəncə və Ağdam şəhərlərinə səfər edib
Oktyabrın 31-də ölkəmizdə səfərdə olan Braziliya Milli Konqresi Senatının Braziliya-Azərbaycan parlamentlərarası əməkdaşlıq üzrə dostluq qrupunun rəhbəri Antonio Anastasiya Gəncə şəhərinə səfər edib.
Milli Məclis sədrinin müavini Adil Əliyev Vətən müharibəsi şəhidi polkovnik-leytenant Həmdəm Ağayevin anım günündə iştirak edib
Oktyabrın 30-da Milli Məclis sədrinin müavini Adil Əliyev və parlamentin komitə sədri Bəxtiyar Əliyev Müdafiə Nazirliyinin və ictimaiyyətin nümayəndələri ilə birlikdə İkinci Fəxri Xiyabanda Milli Ordumuzun şəhid polkovnik-leytenantı Həmdəm Mayıl oğlu Ağayevin anım günündə iştirak edib.
_1635580043.JPG)
Tərtər rayonunda Vətən müharibəsinin şəhidləri ehtiramla yad edilib
Milli Məclisin deputatı Sahib Alıyev Tərtər Rayon İcra Hakimiyyətinin başçısı Müstəqim Məmmədov, şəhid ailələri, qazilər və rayon ictimaiyyətinin nümayəndələri ilə birlikdə Tərtərin müxtəlif kəndlərində keçirilən anım mərasimlərində iştirak edib.
MDB PA-nın komissiyalarında
Oktyabrın 29-da MDB PA-nın 2 daimi komissiyasının videokonfrans formatında iclasları keçirilib.
Nərimanov rayonunda Vətən müharibəsi şəhidi Şirəli İlham oğlu Adilovun anım günü qeyd edilib
Bakı şəhərinin Nərimanov rayonunda Şanlı Ordumuzun qalib gəldiyi 44 günlük Vətən müharibəsində Azərbaycanın ərazi bütövlüyü uğrunda gedən döyüşlərdə qəhrəmancasına şəhid olan Şirəli İlham oğlu Adilovun anım günü qeyd olunub.
Sumqayıtda şəhid Murad Məmmədovun xatirəsi yad edilib
Milli Məclisin deputatları Emin Hacıyev və Müşfiq Məmmədli 44 günlük Vətən müharibəsində qəhrəmancasına şəhid olmuş Murad Yusif oğlu Məmmədovun Sumqayıt şəhərində keçirilən il mərasimində iştirak edib, şəhidin ailəsinə ehtiramlarını bildiriblər.
Hindistanda Azərbaycanın Zəfər Günü ilə bağlı tədbir keçiriləcək
Milli Məclisin deputatı, parlamentin Azərbaycan-Hindistan parlamentlərarası əlaqələr üzrə işçi qrupunun rəhbəri Naqif Həmzəyev oktyabrın 28-dən 31-nə kimi Hindistanın Nyu Dehli şəhərində səfərdə olacaq.
Vətən müharibəsində Zəfərimizin bir illiyinə həsr olunmuş onlayn elmi-praktik konfransda
Xəbər verdiyimiz kimi, Vətən müharibəsində Zəfərimizin bir illiyi münasibətilə Azərbaycan parlamenti ölkəmizdə fəaliyyət göstərən müxtəlif universitetlərlə birgə konfranslar təşkil edir. Bu sıradan növbəti tədbir oktyabrın 28-də Milli Məclisin və Bakı Dövlət Universitetinin birgə təşkilatçılığı ilə keçirilib.
Milli Məclisin sədr müavini Adil Əliyev Ermənistanın Bərdədə törətdiyi terrorda həlak olan dinc sakinlərin anım mərasimində iştirak edib
Ermənistan silahlı qüvvələrinin ötən il oktyabrın 28-də Bərdə şəhərinə raket hücumlarının ildönümü ilə əlaqədar anım mərasimi keçirilib. Terror aktı baş verən ərazidə qurulmuş xatirə lövhəsinin qarşısında təşkil edilən mərasimdə Milli Məclis sədrinin müavini Adil Əliyev, deputatlar Fatma Yıldırım, Zahid Oruc, Bərdə Rayon İcra Hakimiyyətinin, hüquq mühafizə orqanlarının, YAP rayon təşkilatının, idarə, müəssisə, təşkilatların rəhbərləri, Vətən müharibəsi şəhidlərinin ailələri və yaxınları, qazilər, ictimaiyyət nümayəndələri iştirak ediblər.
“Azərbaycanın tarixi zəfəri” mövzusunda videokonfrans keçirilib
Oktyabrın 28-də Milli Məclisin Regional məsələlər komitəsi və Azərbaycan Şəhər, Qəsəbə və Kənd Bələdiyyələrinin Milli Assosiasiyalarının birgə təşkilatçılığı ilə Azərbaycan Prezidenti, Ali Baş Komandan, cənab İlham Əliyevin rəhbərliyi ilə qazanılmış qələbənin ildönümünə həsr edilmiş “Azərbaycanın tarixi zəfəri” mövzusunda videokonfrans keçirilib.
MDB PA-nın komissiyalarında
Oktyabrın 28-də MDB PA-nın Təhlükəsizlik və yeni çağırışlara və təhdidlərə qarşı mübarizə sahəsində qanunvericiliyin təkmilləşdirilməsi üzrə Birgə Komissiyasının, Müdafiə və təhlükəsizlik üzrə və Hüquqi məsələlər üzrə daimi komissiyalarının videokonfrans formatında iclasları keçirilib.
Qars müqaviləsinin 100 illiyinə həsr olunan tədbirdə
Milli Məclisin deputatı Musa Qasımlı Türkiyə-Azərbaycan Dostluq, Əməkdaşlıq və Həmrəylik Fondunun təşkil etdiyi Qars müqaviləsinin 100 illiyinə həsr olunmuş tədbirdə iştirak etmək üçün oktyabrın 29-dan 31-nə kimi Türkiyənin paytaxtı Ankarada səfərdə olacaq.
Şəmkir şəhidləri İsmət Nüsrət oğlu Namazovun və Niyaməddin Zirəddin oğlu Musayevin xatirələri ehtiramla anılıb
Milli Məclisin deputatı Kamran Bayramov Şəmkir Rayon İcra Hakimiyyətinin başçısı Rəşad Tağıyev, şəhid ailələri, rayon ictimaiyyətinin nümayəndələri və Mahmudlu kənd sakinləri ilə birlikdə şəhidlərin anım mərasimlərində iştirak edib.
Deputat Fatma Yıldırım Bərdə rayonunda şəhid ailələrini ziyarət edib
Milli Məclisin deputatı Fatma Yıldırım şəhidlərin anım mərasimləri ilə əlaqədar Bərdə rayonunda keçirilən silsilə tədbirlərdə iştirak edib.
Şəmkir rayonunda şəhidlərin xatirəsi yad edilib
Şəmkir rayonunda 44 günlük Vətən müharibəsində canlarını fəda etmiş qəhrəman oğullarımızın - şəhid Tural Zahid oğlu Cuvarovun və şəhid Sehun Rafiq oğlu İbrahimzadənin anım mərasimləri keçirilib.
Milli Məclis sədrinin müavini Fəzail İbrahimli Biləsuvarda və Cəlilabadda şəhidlərin anım mərasimlərində iştirak edib
Biləsuvar rayonunda şəhid oğullarımız – Azərbaycanın Milli Qəhrəmanı, gizir Mübariz Ağakərim oğlu İbrahimovun, İlkin İslam oğlu Abıyevin, Rahət Rafət oğlu İsayevin və Elməddin Sübhi oğlu Əlizadənin anım tədbirləri keçirilib.
Milli Məclis sədrinin müavini Adil Əliyev şəhid Hümbətov Azad Arif oğlunun anım tədbirində iştirak edib
Oktyabrın 27-də Milli Məclis sədrinin müavini Adil Əliyev, Milli Məclisin deputatları Hikmət Məmmədov, Rasim Musabəyov, Könül Nurullayeva və Bakı Şəhər Nərimanov Rayon İcra Hakimiyyətinin başçısı Abdin Fərzəliyev Nərimanov rayon ictimaiyyətinin nümayəndələri ilə birlikdə “Vətən Müharibəsi Qəhrəmanı” şəhid baş leytenant Hümbətov Azad Arif oğlunun anım tədbirində iştirak ediblər.