DEPUTATIMIZ AVROPALI HƏMKARLARI İLƏ GÖRÜŞLƏR KEÇİRƏCƏK
Milli Məclisin deputatı Cavanşir Feyziyev yanvarın 29-dan fevralın 1-dək Belçikanın paytaxtı Brüsseldə, fevralın 5-dən 8-dək Fransanın Strasburq şəhərində səfərdə olacaq.
Azərbaycan-Koreya münasibətləri inkişaf edir
Yanvarın 24-də Milli Məclisin Koreya ilə parlamentlərarası əlaqələr üzrə işçi qrupunun üzvləri ölkəmizdə səfərdə olan Koreya Milli Assambleyasının üzvü, Koreya-Azərbaycan parlamentlərarası dostluq qrupunun rəhbəri Li Myonq Sunun başçılıq etdiyi nümayəndə heyəti ilə görüşdülər.
MİLLİ MƏCLİSDƏ GÖRÜŞ
Yanvarın 22-də Milli Məclisin Almaniya ilə parlamentlərarası əlaqələr üzrə işçi qrupunun üzvləri Almaniya Xarici İşlər Nazirliyinin Şərqi Avropa, Qafqaz və Mərkəzi Asiya üzrə müvəkkili Andreas Peşke ilə görüşdülər.
AŞPA-nın QIŞ SESSİYASINDA
Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidovun başçılıq etdiyi nümayəndə heyəti Avropa Şurası Parlament Assambleyasının qış sessiyasında iştirak etmək üçün yanvarın 21-də Fransanın Strasburq şəhərinə səfər edəcək.
PARLAMENT GÖRÜŞLƏRİ
Yanvarın 17-də Milli Məclisin Beynəlxalq münasibətlər və parlamentlərarası əlaqələr komitəsinin üzvləri ölkəmizdə səfərdə olan Türkiyə Böyük Millət Məclisinin Xarici əlaqələr komitəsinin rəhbəri Volkan Bozkırın başçılıq etdiyi nümayəndə heyəti ilə görüşdü.Qonaqları komitə sədri Səməd Seyidov salamlayaraq bildirdi ki, Azərbaycan-Türkiyə arasındakı qardaşlıq və dostluq əlaqələri sarsılmaz bir təməl üzərində qurulub, münasibətlərimiz hər zaman başqa dövlətlərə nümunə olub. *** Sonra qonaqlar Milli Məclisin Səhiyyə komitəsinin sədri Əhliman Əmiraslanovun rəhbərlik etdiyi Azərbaycan-Türkiyə parlamentlərarası əlaqələr üzrə işçi qrupunun üzvləri ilə görüşdülər.
DEPUTATLARIMIZ BOLQARISTANDA SƏFƏRDƏ OLACAQLAR
Milli Məclisin deputatları Rauf Əliyev, Ağacan Abıyev və Sabir Hacıyev yanvarın 16-da Bolqarıstanın paytaxtı Sofiya şəhərinə səfər edəcəklər.
İSLAM ƏMƏKDAŞLIĞI TƏŞKİLATI PARLAMENT İTTİFAQININ TƏDBİRLƏRİNDƏ
Milli Məclisin deputatları Gövhər Baxşəliyeva və Mirkazım Kazımov İslam Əməkdaşlığı Təşkilatının Parlament İttifaqı (İƏTPİ) Konfransının 13-cü sessiyasında iştirak etmək üçün yanvarın 12-də İran İslam Respublikasının paytaxtı Tehrana səfər edəcəklər.
DEPUTATIMIZ FRANSAYA SƏFƏR EDƏCƏK
Milli Məclisin deputatı Cavanşır Feyziyev yanvarın 15-də Fransanın Strasburq şəhərinə səfərə gedəcək.
DEPUTATLARIMIZ TÜRKİYƏDƏ SƏFƏRDƏ OLACAQ
Milli Məclisin Səhiyyə komitəsinin sədri Əhliman Əmiraslanov, deputatlardan Musa Quliyev, Məlahət İbrahimqızı və Sədaqət Vəliyeva dekabrın 24-də Türkiyənin İstanbul şəhərinə səfər edəcəklər.
AZƏRBAYCAN-PAKİSTAN ƏLAQƏLƏRİ İNKİŞAF EDİR
Dekabrın 23-də ölkəmizdə səfərdə olan Pakistan Senatının Sədr müavini Molana Abdul Qafur Haidrinin başçılıq etdiyi nümayəndə heyəti Milli Məclis Sədrinin birinci müavini, parlamentin Müdafiə, təhlükəsizlik və korrupsiya ilə mübarizə komitəsinin sədri Ziyafət Əsgərovla görüşdü.
MİLLİ MƏCLİSDƏ BRİFİNQ
Dekabrın 18-də ölkəmizdə səfərdə olan Avropa Mühafizəkarlar və İslahatçılar Alyansının prezidenti, Avropa Parlamentinin üzvü Yan Zahradil Milli Məclisdə brifinq keçirdi.
AVROPA PARLAMENTİ -AZƏRBAYCAN ƏLAQƏLƏRI YÜKSƏLƏN XƏTLƏ İNKİŞAF EDİR
Dekabrın 18-də Milli Məclisin Avropa İttifaqı ilə əməkdaşlıq komitəsinin üzvləri ölkəmizdə səfərdə olan Avropa Mühafizəkarlar və İslahatçılar Alyansının prezidenti, Avropa Parlamentinin üzvü, Çexiya Respublikasının təmsilçisi Yan Zahradil ilə görüş keçirdilər. Qonağı səmimi salamlayan komitənin həmsədri, deputat Cavanşir Feyziyev bildirdi ki, Avropa Parlamenti ilə Milli Məclis arasında 2016-cı ildə münasibətlər yenidən bərpa olunandan və parlamentlərarası əməkdaşlıq komitəsinin tərkibi yenidən formalaşdıqdan sonra fəal şəkildə əməkdaşlığa başlanılıb.
GUAM PARLAMENT ASSAMBLEYASININ SESSIYASINDA
Milli Məclisin GUAM Parlament Assambleyasındakı nümayəndə heyətinin rəhbəri Azər Kərimli və deputat Əli Məsimli qurumun 10-cu sessiyasında iştirak etmək üçün dekabrın 17-dən 19-dək Gürcüstanda səfərdə olacaqlar.Tbilisidə keçiriləcək toplantıda regional təhlükəsizlik məsələləri, dayanıqlı gələcək, bərpa olunan enerji mənbələrinin inkişafı, transsərhəd cinayətləri ilə mübarizə mövzularında fikir mübadiləsi aparılacaq.
AŞPA-NIN KOMİTƏ İCLASLARI KEÇİRİLƏCƏK
Dekabrın 4-dən 6-dək Macarıstanın Budapeşt şəhərində Avropa Şurası Parlament Assambleyasının Mədəniyyət komitəsinin iclası keçiriləcək. Tədbirdə Milli Məclisin Mədəniyyət komitəsinin sədri Rafael Hüseynov iştirak edəcək.* * *Milli Məclisin deputatı Sevinc Fətəliyeva Avropa Şurası Parlament Assambleyasının Sosial işlər, sağlamlıq və davamlı inkişaf komitəsinin iclasında iştirak etmək üçün dekabrın 5-də Parisə yola düşəcək.
AVROPA ŞURASI PARLAMENT ASSAMBLEYASININ BÜRO VƏ KOMİTƏ İCLASLARI KEÇİRİLƏCƏK
Dekabrın 12-dən 15-dək Parisdə Avropa Şurası Parlament Assambleyası Bürosunun, Hüquqi məsələlər və insan hüquqları, Monitorinq, həmçinin Siyasi işlər və demokratiya komitələrinin iclasları keçiriləcək. Tədbirlərdə Milli Məclisin Beynəlxalq münasibətlər və parlamentlərarası əlaqələr komitəsinin sədri, AŞPA-dakı Azərbaycan nümayəndə heyətinin rəhbəri Səməd Seyidovun başçılıq etdiyi deputat qrupu iştirak edəcək.
DEPUTATLARIMIZ YARADICI VƏ ELM ZİYALILARI FORUMUNDA İŞTİRAK EDƏCƏKLƏR
Milli Məclisin deputatları Naqif Həmzəyev və Pərvin Kərimzadə MDB-yə üzv dövlətlərin XII yaradıcı və elm ziyalıları forumunda iştirak etmək üçün dekabrın 10-da Rusiya Federasiyasının paytaxtı Moskvaya səfər edəcəklər.
AŞPA-nın TƏDBİRLƏRİNDƏ
Milli Məclisin deputatı Sahibə Qafarova AŞPA-nın fakt araşdırıcı missiyasının tərkibində İtaliyanın paytaxtı Romada səfərdədir. Deputatımız AŞPA komitələrinin iclaslarında iştirak etmək üçün dekabrın 6-da Fransanın paytaxtı Parisə yola düşəcək.
ATƏT PA-nın TƏDBİRLƏRİNDƏ
Milli Məclisin deputatı, ATƏT PA-nın vitse-prezidenti Azay Quliyev qurumun Büro iclasında və ATƏT-in Nazirlər Şurasının 24-cü toplantısında iştirak etmək üçün dekabrın 5-də Avstriyanın paytaxtı Vyanaya səfər edəcək.
DEPUTATIMIZ QADINLARA HƏSR OLUNMUŞ TƏDBİRDƏ İŞTİRAK EDƏCƏK
Milli Məclisin deputatı Məlahət İbrahimqızı “İşdə qadın” mövzusunda keçiriləcək 2-ci Beynəlxalq zirvə görüşündə iştirak etmək üçün Türkiyənin paytaxtı Ankarada səfərdə olacaq.
“PARLAMENTARİLƏR NARKOTİKLƏRƏ QARŞI” ADLI BEYNƏLXALQ KONFRANSDA
Milli Məclis Sədrinin birinci müavini Ziyafət Əsgərovun başçılığı ilə nümayəndə heyəti “Parlamentarilər narkotiklərə qarşı” adlı beynəlxalq parlament konfransında iştirak etmək üçün dekabrın 3-də Rusiya Federasiyasının paytaxtı Moskvaya səfərə yola düşəcək.