MİLLİ MƏCLİSİN İCLASINDA
Oktyabrın 12-də Milli Məclisin növbəti plenar iclası keçirildi. İclası Milli Məclis Sədrinin birinci müavini Ziyafət Əsgərov aparırdı. Gündəliyin təsdiqindən sonra millət vəkilləri Sevinc Hüseynova, Tahir Kərimli, Fərəc Quliyev, Gövhər Baxşəliyeva, Elman Nəsirov, Siyavuş Novruzov, Zahid Oruc, Elman Məmmədov, Əli Hüseynli ölkə gündəmində olan vacib məsələlərdən söz açdılar. Sonra gündəlikdəki məsələlərin müzakirəsinə başlanıldı.
MİLLİ MƏCLİSİN İCLASINDA
Oktyabrın 5-də Milli Məclisin növbəti plenar iclası keçirildi. İclası açan Milli Məclisin Sədri Oqtay Əsədov gündəliyi təqdim etdi. Əvvəlcə Vergi Məcəlləsində dəyişikliklər edilməsi barədə qanun layihəsi birinci oxunuşda müzakirə olundu. Sənədlə bağlı məlumat verən İqtisadi siyasət, sənaye və sahibkarlıq komitəsinin sədri Ziyad Səmədzadə bildirdi ki, dəyişikliyə əsasən sənədin 44.5-ci maddəsi yeni redaksiyada verilir.
MİLLİ MƏCLİSİN PAYIZ SESSİYASINDA İLK PLENAR İCLASI KEÇİRİLDİ
Oktyabrın 1-də Milli Məclisin payız sessiyasında ilk plenar iclası keçirildi. Milli Məclisin Sədri Oqtay Əsədov payız sessiyasını açıq elan etdikdən sonra Azərbaycan Respublikasının Dövlət Himni səsləndirildi.
MİLLİ MƏCLİSDƏ KONFRANS
Sentyabrın 25-də parlamentdə “Azərbaycanda Dayanıqlı İnkişaf Məqsədlərinin həyata keçirilməsində Milli Məclisin rolu” mövzusunda konfrans keçirildi. Azərbaycan Dayanıqlı İnkişaf üzrə Milli Əlaqələndirmə Şurasının, İqtisadiyyat Nazirliyi və BMT-nin Ərzaq və Kənd Təsərrüfatı Təşkilatının (FAO) dəstəyi ilə keçirilən konfransı giriş sözü ilə Milli Məclisin Aqrar siyasət komitəsinin sədri Eldar İbrahimov açdı.
AZƏRBAYCAN PARLAMENTİNİN 100 İLLİYİNƏ HƏSR OLUNMUŞ TƏNTƏNƏLİ İCLAS KEÇİRİLDİ
Sentyabrın 21-də Milli Məclisdə Azərbaycan Parlamentinin 100 illiyinə həsr olunmuş təntənəli iclas keçirildi. Azərbaycan Respublikasının Prezidenti İlham Əliyev milli parlamentimizin bir əsrlik yubileyinə toplaşmış 44 xarici ölkənin nümayəndə heyətini, 10-a yaxın beynəlxalq təşkilatın və ölkəmizdəki diplomatik korpusların təmsilçilərini salamladı.Sonra iclasda Milli Məclisin Sədri Oqtay Əsədov nitq söylədi.
MİLLİ MƏCLİSİN İCLASINDA
İyunun 29-da Milli Məclisin növbədənkənar sessiyada sonuncu plenar iclası keçirildi. Milli Məclisin Sədri Oqtay Əsədov bildirdi ki, gündəliyə 40 məsələ daxil edilib.
GƏNCLƏR VƏ İDMAN KOMİTƏSİNDƏ GÖRÜŞ
İyunun 25-də Milli Məclisin Gənclər və idman komitəsində “AzEdu.az” portalının və “Gənc müəllim” şəbəkəsinin birgə təşkilatçılığı ilə keçirilən Azərbaycan Xalq Cümhuriyyətinin 100 illiyinə həsr olunmuş “İlin gənc müəllimi” müsabiqəsinin qalibləri ilə görüş oldu. Komitənin sədri Ülvi Quliyev tədbir iştirakçılarını salamlayaraq bütün millət vəkillərinin bu gözəl ənənəni alqışladığını vurğuladı.
QARA DƏNİZ İQTİSADİ ƏMƏKDAŞLIQ TƏŞKİLATI PARLAMENT ASSAMBLEYASININ TƏDBİRLƏRİNDƏ
İyunun 19-dan 21-dək Albaniyanın Tirana şəhərində Qara Dəniz İqtisadi Əməkdaşlıq Təşkilatı Parlament Assambleyasının 51-ci plenar sessiyası, həmçinin Hüquqi və siyasi məsələlər üzrə Komitəsinin iclasları keçiriləcəkdir.
MİLLİ MƏCLİSİN İCLASINDA
İyunun 12-də Milli Məclisin növbədənkənar sessiyasının ilk iclası keçirildi. Parlamentin sədri Oqtay Əsədov iclası açdıqdan sonra dövlət himni səsləndirildi. İlk olaraq Hüquq siyasəti və dövlət quruculuğu komitəsinin sədri Əli Hüseynli “Normativ hüquqi aktlar haqqında” Konstitusiya Qanununda dəyişikliklər edilməsi barədə” sənədlə əlaqədar məlumat verdi. Bildirildi ki, dəyişikliyə görə, normativ hüquqi aktlarda dəyişikliklər edildikdə və ya ləğv edildikdə, həmin dəyişiklikləri və ya ləğvetməni nəzərdə tutan aktın adında dəyişikliklər edilən və ya ləğv edilən normativ hüquqi aktın adı göstərilməlidir.
GƏNCLƏR VƏ İDMAN KOMİTƏSİNDƏ
İyunun 7-də Milli Məclisin Gənclər və idman komitəsində tədbir keçirildi. Tədbiri giriş sözü ilə açan parlament Aparatının rəhbəri Səfa Mirzəyev bildirdi ki, məlum olduğu kimi bir neçə həftə əvvəl Azərbaycan Prezidenti cənab İlham Əliyevin sərəncamı ilə Milli Məclisin Gənclər və idman komitəsinin sədri olmuş Fuad Muradov Diasporla İş üzrə Dövlət Komitəsinin rəhbəri təyin edildi. Səfa Mirzəyev Fuad Muradova bu çətin və məsuliyyətli işdə uğurlar arzuladı. O, Dövlət Komitəsi sədrinin bu sahəyə yeni bir nəfəs gətirəcəyinə və ölkəmizdə bu vacib istiqamətin günün tələbləri səviyyəsinə qaldırılacağına əminliyini ifadə etdi.
MİLLİ MƏCLİSİN İCLASINDA
Mayın 31-də Spiker Oqtay Əsədovun sədrliyi ilə Milli Məclisin yaz sessiyasında sonuncu plenar iclası keçirildi. Gündəlik təsdiqləndikdən sonra müzakirələrə başlandı.
MİLLİ MƏCLİSDƏ UŞAQLARLA GÖRÜŞ KEÇİRİLDİ
İyunun 1-də Milli Məclisdə Uşaqların Beynəlxalq Müdafiəsi Günü münasibətilə “Mənim səsim – mənim hüquqlarım: Parlament müzakirəsi” mövzusunda tədbir keçirildi.Tədbir çərçivəsində Milli Məclisin foyesində uşaqların rəsm əsərlərindən ibarət “Mənim Azərbaycanım” adlı sərgi təşkil olunmuşdu.
MİLLİ MƏCLİSDƏ “AZƏRBAYCAN AİLƏ MODELİ: MÜASİRLİK VƏ DƏYƏRLƏR” MÖVZUSUNDA DİNLƏMƏLƏR KEÇİRİLDİ
Mayın 23-də Milli Məclisdə Ailə, qadın, uşaq məsələləri komitəsinin təşkilatçılığı ilə “Azərbaycan ailə modeli: Müasirlik və dəyərlər” mövzusunda dinləmələr keçirildi. İclası açan komitə sədri Aqiyə Naxçıvanlı bildirdi ki, Azərbaycanda ailə insititunun qorunması prioritet məsələlərdəndir. Ümummilli liderimiz Heydər Əliyev hər zaman milli-mənəvi dəyərlərin qorunmasının vacibliyini xüsusi qeyd edirdi. Tarixin hər bir mərhələsində ailə cəmiyyətin inkişafında mühüm rol oynayıb.
MİLLİ MƏCLİSİN İCLASINDA HESABLAMA PALATASININ HESABATI DİNLƏNİLDİ
Mayın 18-də Milli Məclisin növbəti iclası keçirildi. İclası Milli Məclisin Sədri Oqtay Əsədov aparırdı.Cari məsələlərin müzakirəsi zamanı deputatlar Fəzail İbrahimli, Sahibə Qafarova, Əli Hüseynli, Zahid Oruc, Aydın Mirzəzadə, Asim Mollazadə, Fazil Mustafa, Siyavuş Novruzov Avropa Şurası Parlament Assambleyasının (AŞPA) Azərbaycanın qurumdakı nümayəndə heyətinin rəhbəri Səməd Seyidova qarşı sanksiyalar tətbiq etməsi barədə qərarını tənqid etdilər. Bildirdilər ki, AŞPA-nın bu qərarı ədalətsizdir və Azərbaycanı sevməyən bəzi qüvvələrin maraqlarına xidmət edir.
MİLLİ MƏCLİSİN ULU ÖNDƏR HEYDƏR ƏLİYEVİN ANADAN OLMASININ 95-ci İLDÖNÜMÜNƏ HƏSR OLUNMUŞ İCLASI KEÇİRİLDİ
Mayın 10-da Milli Məclisin Azərbaycan xalqının ümummilli lideri Heydər Əliyevin anadan olmasının 95 illik yubileyi ilə əlaqədar iclası keçirildi. İclası açan Sədr Oqtay Əsədov ulu öndərin Azərbaycan xalqının dövlətçilik tarixində və taleyində göstərdiyi misilsiz xidmətlərdən bəhs edən məruzə ilə çıxış etdi. Spiker dedi: “Filosoflardan birinin dediyinə görə, xalqın yaradıcılıq qüvvəsinin əsasını böyük şəxsiyyətlərin fəaliyyəti təşkil edir. Hər tarixi inkişaf dövrü öz görkəmli şəxsiyyətlərini yaradır. Amma elə şəxsiyyətlər də var ki, zamanın hüdudlarını aşaraq, yaşadıqları dövrün simasını özləri müəyyən edirlər.
AVROPA İTTİFAQI – AZƏRBAYCAN PARLAMENT ƏMƏKDAŞLIĞI KOMİTƏSİNİN XV İCLASINDA
Mayın 8-də Milli Məclisdə Avropa İttifaqı - Azərbaycan Parlament Əməkdaşlığı Komitəsinin 15-ci iclası öz işini davam etdirdi. İclası açan deputat, Avropa İttifaqı–Azərbaycan Parlamentlərarası Əməkdaşlıq Komitəsinin həmsədri Cavanşir Feyziyev bildirdi ki, bu gün toplantıda Dağlıq Qarabağ münaqişəsinin həlli ilə bağlı danışıqlar, regional əməkdaşlıq məsələləri müzakirə ediləcək. Əvvəlcə mövzu ilə əlaqədar Xarici İşlər Nazirliyinin nümayəndəsi, səfir Kamil Xasıyev çıxış edərək vurğuladı ki, Azərbaycan nəinki ikitərəfli, üçtərəfli əməkdaşlıq formatlarını da ərsəyə gətirməyə nail olub.
AVROPA İTTİFAQI-AZƏRBAYCAN PARLAMENT ƏMƏKDAŞLIQ KOMİTƏSİNİN XV İCLASI İŞƏ BAŞLADI
Mayın 7-də Milli Məclisdə Avropa İttifaqı-Azərbaycan Parlament Əməkdaşlıq Komitəsinin XV iclası işə başladı. İclasda Azərbaycan Prezidentinin İctimai-siyasi məsələlər üzrə köməkçisi - şöbə müdiri Əli Həsənov, Milli Məclis Sədrinin müavini Valeh Ələsgərov, xarici işlər nazirinin müavini Mahmud Məmmədquliyev, Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov, Milli Məclisin deputatları Sahibə Qafarova, Çingiz Qənizadə, Ülviyyə Ağayeva, Flora Qasımova, Elman Nəsirov, Kamran Bayramov, Azər Kərimli, Asim Mollazadə, Kamilə Əliyeva, Avropa İttifaqının Azərbaycandakı nümayəndəliyinin rəhbəri Kestutis Yankauskas və komitənin Avropadan olan üzvləri iştirak edirdilər.
MİLLİ MƏCLİSİN İCLASINDA
Mayın 4-də Spiker Oqtay Əsədovun sədrliyi ilə Milli Məclisin yaz sessiyasında növbəti plenar iclası keçirildi. Öncə Hüquq siyasəti və dövlət quruculuğu komitəsinin sədri Əli Hüseynli gündəlikdəki 4 məsələni təqdim etdi.
MİLLİ MƏCLİSİN İCLASINDA
Mayın 1-də Milli Məclisin yaz sessiyasında növbəti iclası keçirildi. İclası açan Milli Məclisin Sədri Oqtay Əsədov bildirdi ki, bugünkü iclasda 33 məsələ müzakirə olunacaq.
MİLLİ MƏCLİSİN İCLASINDA OMBUDSMANIN İLLİK MƏRUZƏSİ DİNLƏNİLDİ
Aprelin 24-də Milli Məclisin növbəti plenar iclası keçirildi. Milli Məclisin Sədri Oqtay Əsədov ölkəmizdə keçirilmiş prezident seçkilərindən sonra formalaşdırılmış yeni hökumətdə rəhbər vəzifələrə təyin olunmuş deputatlara təbriklərini çatdırdı. Bildirdi ki, Milli Məclis üzvlərinin hökumətdə yüksək vəzifələrə təyin olunması Cənab Prezident İlham Əliyevin parlamentə etimadının göstəricisidir. Sədr buna görə Milli Məclis adından Prezident İlham Əliyevə minnətdarlıq etdi.