Salyanda şəhid Coşqun Səfərovun anım mərasimi keçirilib
Salyanda Vətən müharibəsi şəhidi Coşqun Əhməd oğlu Səfərovun ildönümü qeyd olunub. Mərasimdə Milli Məclisin deputatı Jalə Əhmədova, Salyan rayon icra hakimiyyətinin başçısı Sevindik Hətəmov və rayon ictimaiyyətinin nümayəndələri iştirak ediblər.
Deputat Jalə Əliyeva Ucar və Zərdab rayonlarında şəhidlərin anım mərasimlərində iştirak edib
Ucar rayonunda şəhid Xəyal Rafiq oğlu Cəbrayılovun, Zərdab rayonunda isə şəhid İbrahim Mirzağa oğlu Rüstəmlinin və şəhid Anar Nazim oğlu Məmmədzadənin anım günləri keçirilib.
Vətən müharibəsi şəhidi Emin Tahir oğlu İsmayılovun anım günü keçirilib
44 günlük Vətən müharibəsində şəhid olmuş qəhrəman oğullarımızdan biri – əslən Cəbrayıl rayonundan olan Emin Tahir oğlu İsmayılovun Bakı şəhəri Yasamal rayonu İkinci Fəxri Xiyabanda anım günü keçirilib.
Deputatımız İsveçə səfərə gedəcək
Milli Məclisin ATƏT PA-da nümayəndə heyətinin rəhbəri, bu qurumun vitse-prezidenti və büro üzvü Azay Quliyev noyabrın 30-dan dekabrın 3-nə kimi İsveçin paytaxtı Stokholm şəhərində səfərdə olacaq.
Səfər çərçivəsində Azay Quliyev ATƏT PA-nın Büro iclasında və digər tədbirlərdə iştirak edəcək.
Vətən müharibəsi şəhidi Qasımov Kamran Fazil oğlunun il mərasimi keçirilib
Noyabrın 26-da 44 günlük Vətən müharibəsində torpaqlarımızın işğaldan azad olunması uğrunda gedən döyüşlərdə qəhrəmancasına şəhid olmuş əslən Gədəbəy rayonunun Qaravəlilər kəndindən olan Qasımov Kamran Fazil oğlunun Bakı şəhərində il mərasimi keçirilib.
Milli Məclisin deputatları MDB PA-nın tədbirlərində
Xəbər verildiyi kimi, Milli Məclisin sədri Sahibə Qafarovanın başçılığı ilə parlament nümayəndə heyəti MDB PA-nın tədbirlərində iştirak etmək üçün Sankt-Peterburqda səfərdədir.
Nümayəndə heyətinin üzvləri tədbirlər çərçivəsində “Səhiyyə xidmətlərinin hamıya şamil olunması və dayanıqlı inkişafın məqsədləri” mövzusunda beynəlxalq konfransın işində, MDB PA-nın daimi komissiyalarının iclaslarında iştirak ediblər.
Göyçayda şəhidlərin əziz xatirəsi yad edilib
Milli Məclisin deputatı Məzahir Əfəndiyev Vətən müharibəsində şəhid olmuş igidlərimizdən Babək Mətləb oğlu Səmidlinin Göyçay rayonunda keçirilən anım mərasimində iştirak edib.
Deputatımız Gürcüstanda səfərdə olacaq
Milli Məclisin deputatı Musa Qasımlı noyabrın 25-də Gürcüstanın paytaxtı Tbilisi şəhərinə səfərə gedəcək.
Deputatımız Türkiyədə səfərdə olacaq
Milli Məclisin Mədəniyyət komitəsinin sədri Qənirə Paşayeva noyabrın 25-də Türkiyənin Ankara və İstanbul şəhərlərinə səfər edəcək.
Parlamentdə görüş
Noyabrın 23-də Milli Məclisdə Azərbaycan-Finlandiya parlamentlərarası əlaqələr üzrə işçi qrupunun rəhbəri Razi Nurullayev Finlandiyanın Azərbaycandakı səfiri Kirsti Yohanna Narinen ilə görüşüb.
Milli Məclisdə görüş
Noyabrın 23-də Milli Məclisin Beynəlxalq münasibətlər və parlamentlərarası əlaqələr komitəsi sədrinin müavini Sevinc Fətəliyeva Avropa İttifaqının Dialoq layihəsinin nümayəndələri ilə görüşüb.
AŞPA-nın Daimi Komitəsinin iclası keçiriləcək
Noyabrın 25-də və 26-da İtaliyanın Roma şəhərində AŞPA-nın Daimi Komitəsinin iclası keçiriləcək.
İclasda Milli Məclisin Beynəlxalq münasibətlər və parlamentlərarası əlaqələr komitəsinin sədri və Avropa Şurası Parlament Assambleyasında Azərbaycan nümayəndə heyətinin rəhbəri Səməd Seyidov iştirak edəcək.
Deputatımız elmi konfransda iştirak edəcək
Milli Məclisin deputatı, Nizami Gəncəvi adına Milli Azərbaycan Ədəbiyyatı Muzeyinin direktoru Rafael Hüseynov elmi konfransda iştirak etmək üçün noyabrın 23-də Belarus Respublikasının paytaxtı Minsk şəhərinə səfər edəcək.
Milli Məclis sədrinin müavini Adil Əliyev Qazaxıstanda beynəlxalq parlament konfransında iştirak edib
Milli Məclis sədrinin müavini, parlamentin Gənclər və idman komitəsinin sədri, Azərbaycan-Qazaxıstan parlamentlərarası əlaqələr üzrə işçi qrupunun rəhbəri Adil Əliyev Qazaxıstanın Birinci Prezidenti Gününə həsr olunmuş “Elbası. Müstəqillik. Parlament” adlı beynəlxalq parlament konfransında iştirak edib.
Sabunçu rayonunda şəhidlərin xatirəsi yad edilib
Noyabrın 22-də deputat Əliabbas Salahzadə Bakının Sabunçu rayonunun Zabrat qəsəbəsində şəhid Rəşad İlqar oğlu Rəhimovun anım günündə iştirak edib.
Vitse-spiker Adil Əliyev şəhidlərin anım tədbirlərində iştirak edib
Noyabrın 18-də və 19-da Milli Məclis sədrinin müavini Adil Əliyev Vətən müharibəsi şəhidlərinin anım tədbirində iştirak edib.
Şəhid leytenant Şahmar Səfərovun anım günü keçirilib
Suraxanı rayonunda Vətən müharibəsi şəhidi leytenant Şahmar Nazim oğlu Səfərovun xatirəsi yad edilib.
Deputatımız Yunanıstana səfərə gedəcək
Milli Məclisin ATƏT PA-da nümayəndə heyətinin rəhbəri, bu qurumun vitse-prezidenti və Cənub-Şərqi Avropa üzrə xüsusi nümayəndəsi Azay Quliyev noyabrın 22-dən Yunanıstanın Afina şəhərində səfərdə olacaq.
Deputat Musa Qasımlı Yardımlı rayonunda şəhid ailələrini ziyarət edib
Millət vəkili Musa Qasımlı Yardımlı rayon İcra Hakimiyyəti başçısının birinci müavini Azər Xamiyevlə birlikdə Yardımlı şəhərində Vətən müharibəsi şəhidləri - Şamil Afiq oğlu Mirzəyevin, rayonun Zevin kəndində Sirus Hamil oğlu Şirbəylinin, Sadiq Tahir oğlu Feyziyevin, Teşkan kəndində Elşən Nazim oğlu Sultanlının valideynlərini ziyarət edib.
Misir parlamentinin sabiq birinci vitse-spikeri Zəfər Günü münasibətilə Milli Məclisin sədri Sahibə Qafarovaya təbrik məktubu göndərib
8 Noyabr – Zəfər Günü münasibəti ilə Misir parlamentinin sabiq birinci vitse-spikeri, Seyyidlər İttifaqının sədri Seyyid Mahmud Şərif Milli Məclisin sədri Sahibə Qafarovaya və Azərbaycan-Misir parlamentlərarası əlaqələr üzrə işçi qrupunun rəhbəri, deputat Ceyhun Məmmədova təbrik məktubu göndərib.