AZƏRBAYCAN, TÜRKİYƏ, GÜRCÜSTAN PARLAMENTLƏRİNİN XARİCİ ƏLAQƏLƏR KOMİTƏLƏRİNİN GÖRÜŞÜ OLACAQ
Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov, deputatlar Sevinc Fətəliyeva, Asim Mollazadə və Cavanşir Feyziyev Azərbaycan, Türkiyə və Gürcüstan parlamentlərinin Xarici əlaqələr komitələrinin üçtərəfli görüşündə iştirak etmək üçün fevralın 26-dan martın 1-dək Türkiyənin paytaxtı Ankara şəhərində səfərdə olacaqlar.
AZƏRBAYCAN- AVSTRİYA ƏLAQƏLƏRİNİN İNKİŞAFI ÖNƏMLİDİR
Fevralın 21-də Milli Məclis Sədrinin müavini, Təbii ehtiyatlar, energetika və ekologiya komitəsinin sədri Valeh Ələsgərov ölkəmizdə səfərdə olan Avstriya Respublikasının Federal Nəqliyyat, İnnovasiya və Texnologiya Nazirliyinin baş katibi Andreas Rayxhardtın rəhbərlik etdiyi nümayəndə heyəti ilə görüşdü.
XOCALI SOYQIRIMINA HƏSR OLUNMUŞ TƏDBİRLƏR KEÇİRİLƏCƏK
Milli Məclisin deputatları Çingiz Qənizadə, Flora Qasımova və Hikmət Məmmədov Xocalı soyqırımının 26-cı ildönümü münasibəti ilə xarici ölkələrdə təşkil olunmuş bir sıra tədbirlərdə iştirak edəcəklər.
AZƏRBAYCAN-AVSTRİYA ƏLAQƏLƏRİ UĞURLA İNKİŞAF EDİR
Fevralın 21-də Milli Məclisin Əmək və sosial siyasət komitəsinin sədri Hadi Rəcəbli Avstriya Respublikasının Federal Nəqliyyat, İnnovasiya və Texnologiya Nazirliyinin baş katibi Andreas Rayxhardtın başçılıq etdiyi nümayəndə heyəti ilə görüşdü.
İSRAİLDƏ XOCALI SOYQIRIMI ANILACAQ
Fevralın 23-də İsrailin Tel-Əviv şəhərində Heydər Əliyev Fondunun dəstəyi və “Xocalıya ədalət” kampaniyası çərçivəsində İsrail-Azərbaycan Beynəlxalq Assosiasiyası Xocalı soyqırımına həsr olunmuş tədbir keçirəcəkdir.
AQRAR SİYASƏT KOMİTƏSİNDƏ GÖRÜŞ
Fevralın 21-də Milli Məclisin Aqrar siyasət komitəsinin sədri Eldar İbrahimov Avstriya Respublikasının Federal Nəqliyyat, İnnovasiya və Texnologiya Nazirliyinin Baş katibi Andreas Rayxhartın başçılıq etdiyi nümayəndə heyəti ilə görüşdü. Qonağı səmimi salamlayan Eldar İbrahimov ölkəmizin 1991-ci ildə müstəqillik qazandıqdan sonra keçdiyi inkişaf yolundan danışdı. Ümummilli lider Heydər Əliyevin Avstriya dövləti ilə çox gözəl münasibətlərin təməlini qoyduğunu, bu gün Azərbaycan Prezidenti İlham Əliyev tərəfindən bu ənənənin uğurla davam etdirildiyini vurğuladı.
İSTANBULDA “XOCALIYA ƏDALƏT” HƏFTƏSİ QEYD OLUNACAQ
Milli Məclisin deputatı Naqif Həmzəyev fevralın 23-dən 27-dək Türkiyənin İstanbul şəhərində səfərdə olacaq, Yeni Yüzyıl, Bahçeşehir və Aydın Universitetlərində Xocalı soyqırımının 26-cı ildönümünə həsr olunmuş anma konfranslarında Dağlıq Qarabağ münaqişəsinin tarixi və Xocalı qətliamı barədə çıxış edəcək.
BÖYÜK BRİTANİYADA XOCALI QURBANLARI ANILACAQ
Milli Məclisin deputatı Cavanşir Feyziyev Xocalı soyqırımının 26-cı ildönümü münasibətilə keçiriləcək anım mərasimlərində iştirak etmək üçün fevralın 22-də Böyük Britaniyanın paytaxtı London şəhərinə səfər edəcək.
DEPUTATIMIZ TÜRKİYƏYƏ SƏFƏR EDƏCƏK
Milli Məclisin deputatı Sahibə Qafarova Azərbaycan-Türkiyə-Gürcüstan Xarici əlaqələr komitələrinin üçtərəfli görüşündə iştirak etmək üçün fevralın 23-dən martın 1-dək Türkiyədə səfərdə olacaq.
ATƏT PA-NIN QIŞ SESSİYASINDA
Milli Məclisin deputatları Azay Quliyev, Kamran Nəbizadə, Tahir Mirkişili, Elşad Həsənov və Ülviyyə Ağayeva ATƏT Parlament Assambleyasının Avstriyada keçiriləcək qış sessiyasının işində iştirak etmək üçün fevralın 21-dən 24-dək bu ölkədə səfərdə olacaqlar. Vyana şəhərində keçiriləcək sessiya çərçivəsində əvvəlcə deputatlarımız qurum rəhbərliyinin iştirakı ilə Daimi Komitənin iclasına qatılacaq, sonra isə təşkilatın Demokratiya, insan hüquqları və humanitar məsələlər, İqtisadi məsələlər, elm, texnologiya və ətraf mühit, Siyasi məsələlər və təhlükəsizlik komitələrinin iclaslarında iştirak edəcəklər.
DEPUTATLARIMIZ RUSİYADA PREZİDENT SEÇKİLƏRİ QABAĞI MONİTORİNQDƏ İŞTİRAK EDƏCƏKLƏR
Milli Məclis Sədrinin birinci müavini, Müdafiə, təhlükəsizlik və korrupsiya ilə mübarizə komitəsinin sədri Ziyafət Əsgərov, deputat Rauf Əliyev Rusiya Federasiyasında keçiriləcək prezident seçkiləri ilə əlaqədar seçkiqabağı monitorinqdə iştirak etmək üçün fevralın 19-da bu ölkəyə səfər edəcəklər.
ALMANİYADA XOCALI SOYQIRIMINA HƏSR OLUNMUŞ SİMPOZİUM KEÇİRİLƏCƏK
Fevralın 22-də Almaniya Bundestaqında Xocalı soyqırımının 26-cı il dönümünə həsr olunmuş simpozium keçiriləcək.
TÜRKİYƏDƏ XOCALI ŞƏHİDLƏRİNİN ANIM MƏRASİMİ KEÇİRİLƏCƏK
Milli Məclisin deputatı Elman Məmmədov fevralın 19-dan 28-dək Türkiyənin paytaxtı Ankarada səfərdə olacaq.
DEPUTATLARIMIZ AVSTRİYADA TİCARƏT SİYASƏTİ ÜZRƏ SEMİNARDA İŞTİRAK EDƏCƏKLƏR
Milli Məclisin deputatları Tahir Mirkişili və Kamran Nəbizadə Mərkəzi və Şərqi Avropa, Mərkəzi Asiya və Qafqaz ölkələrinin parlament üzvləri üçün ticarət siyasəti üzrə seminarda iştirak etmək üçün fevralın 12-dən 16-dək Avstriyada səfərdə olacaqlar.
BALTİK ASSAMBLEYASI KOMİTƏLƏRİNİN BİRGƏ İCLASINDA
Milli Məclisin deputatı, GUAM PA-da Azərbaycan nümayəndə heyətinin üzvü Əli Məsimli Baltik Assambleyasının İqtisadiyyat, energetika və innovasiyalar, Təbii ehtiyatlar və ətraf mühit məsələləri üzrə komitələrinin birgə iclasında iştirak etmək üçün fevralın 8-də Litvanın paytaxtı Vilnüs şəhərinə səfər edəcək.
AVROPA ŞURASININ ANTİDOPİNQ KONVENSİYASININ MONİTORİNQ QRUPU MİLLİ MƏCLİSDƏ
Fevralın 7-də Milli Məclisdə Gənclər və idman komitəsinin üzvləri ölkəmizdə səfərdə olan Avropa Şurasının Antidopinq Konvensiyası üzrə Monitorinq Qrupu ilə görüşdülər. Qonaqlara geniş məlumat verən komitənin sədri Fuad Muradov bildirdi ki, idman sahəsində mühüm nailiyyətlərə imza atan, mötəbər beynəlxalq yarışlara ev sahibliyi edən Azərbaycanda antidopinqin vacibliyi daim diqqətdə saxlanılır.
DEPUTATLARIMIZ STRASBURQDA SƏFƏRDƏ OLACAQLAR
Milli Məclisin Avropa İttifaqı-Azərbaycan Parlament Əməkdaşlıq Komitəsində təmsil olunan deputatları Azər Kərimli, Elman Nəsirov, habelə Komitəyə yeni seçilmiş üzvlər - Sahibə Qafarova və Çingiz Qənizadə fevralın 5-də Fransanın Strasburq şəhərinə səfər edəcəklər.
TÜRKİYƏ NÜMAYƏNDƏ HEYƏTİ MİLLİ MƏCLİSDƏ
Fevralın 1-də Milli Məclisin Beynəlxalq münasibətlər və parlamentlərarası əlaqələr komitəsinin sədri, AŞPA-dakı nümayəndə heyətinin rəhbəri Səməd Seyidov ölkəmizdə səfərdə olan Türkiyənin əmək və sosial müdafiə naziri xanım Jülide Sarıeroğlunun başçılıq etdiyi nümayəndə heyəti ilə görüşdü.
MİLLİ MƏCLİSDƏ GÖRÜŞ
Yanvarın 29-da Milli Məclisin Beynəlxalq münasibətlər və parlamentlərarası əlaqələr komitəsinin üzvləri Parlamentlərarası İttifaqda “12 Plyus Geosiyasi Qrupu”nun katibi, Portuqaliya Parlamentinin deputatı Duarte Paçeko ilə görüşdülər.
PARLAMENTİN BEYNƏLXALQ ƏLAQƏLƏRİ GÜCLƏNİR
Yanvarın 29-da Milli Məclis Sədrinin müavini, Təbii ehtiyatlar, energetika və ekologiya komitəsinin sədri Valeh Ələsgərov ölkəmizdə səfərdə olan Parlamentlərarası İttifaqda “12 Plyus Geosiyasi Qrupu”nun katibi, portuqaliyalı deputat Duarte Paçeko ilə görüşdü.Qonağı səmimi salamlayan Valeh Ələsgərov ölkəmizdəki ictimai-siyasi vəziyyət, söz və mətbuat azadlığı, tolerant mühit, demokratiyanın təməl prinsiplərinin və insan hüquqlarının qorunması barədə ətraflı söhbət açdı.