MDB PARLAMENTLƏRARASI ASSAMBLEYASININ KOMİSSİYA İCLASLARINDA
Milli Məclisin deputatları Müstəqil Dövlətlər Birliyi Parlamentlərarası Assambleyasının komissiya iclaslarında iştirak etmək üçün oktyabrın 19-da Rusiya Federasiyasının Sankt-Peterburq şəhərinə səfər edəcəklər.
AVSTRALİYA GÖRÜŞLƏRİ
Xəbər verildiyi kimi, Milli Məclisin nümayəndə heyəti Avstraliyada səfərdədir. Oktyabrın 17-də Avstraliyanın Pert şəhərində Milli Məclisin Avstraliya ilə parlamentlərarası əlaqələr üzrə işçi qrupunun başçısı Xanlar Fətiyevin rəhbərlik etdiyi nümayəndə heyətinin Qərbi Avstraliya Senatının sədri Barri Haus və Nümayəndələr palatasının sədri Maykl Sazerlend ilə görüşləri keçirilib.
Azərbaycanın Dövlət Müstəqilliyi Günü Avstraliyada qeyd edilib
Azərbaycanın Dövlət Müstəqilliyi Günü Avstraliya-Azərbaycan Dostluq Cəmiyyətinin təşkilatçılığı ilə bu ölkənin Pert şəhərində təntənəli şəkildə qeyd edilib. Ənənəyə əsasən, öncə Pert şəhərində yerləşən Dövlət hərbi memorialın qarşısına əklilər qoyuldu. Müstəqillik uğrunda həlak olanların ruhu yad edildi. Veteranlardan ibarət olan hərbi qarovul tədbir iştirakçılarını salamladı. Azərbaycan və Avstraliyanın dövlət himnləri səsləndirildi.
TÜRKİYƏDƏ İSLAM ƏMƏKDAŞLIQ TƏŞKİLATI PARLAMENT İTTİFAQI İCRAİYYƏ KOMİTƏSİNİN İCLASI KEÇİRİLƏCƏK
Milli Məclis Sədrinin birinci müavini Ziyafət Əsgərovun başçılığı ilə deputatlar Gövhər Baxşəliyeva və Mirkazım Kazımov İslam Əməkdaşlıq Təşkilatı Parlament İttifaqı (İƏT Pİ) İcraiyyə Komitəsinin 36-cı iclasında iştirak etmək üçün oktyabrın 16-da Türkiyənin paytaxtı Ankaraya səfər edəcəklər.
MİLLƏT VƏKİLLƏRİ TÜRK DÜNYASI GƏNCLİK FORUMUNDA İŞTİRAK EDƏCƏKLƏR
Milli Məclisin deputatları Mahir Abbaszadə, Sevinc Hüseynova, Elman Nəsirov və Naqif Həmzəyev I Türk Dünyası Gənclik Forumunda iştirak etmək üçün oktyabrın 16-da Şimali Kipr Türk Respublikasına səfər edəcəklər.
DEPUTATLARIMIZ YAPONİYADA SƏFƏRDƏ OLACAQLAR
Milli Məclisin deputatları Muxtar Babayev və Kamran Nəbizadə oktyabrın 16-da Yaponiyanın paytaxtı Tokio şəhərinə səfər edəcəklər.
DEPUTATLARIMIZ AVSTRALİYADA SƏFƏRDƏ OLACAQLAR
Milli Məclisin Beynəlxalq münasibətlər və parlamentlərarası əlaqələr Komitəsinin sədri Səməd Seyidov, Avstraliya və Yeni Zelandiya ilə parlamentlərarası əlaqələr üzrə işçi qrupunun rəhbəri Xanlar Fətiyev və qrupun üzvü Asim Mollazadə oktyabrın 15-dən 24-dək Avstraliyada səfərdə olacaqlar.
DEPUTATIMIZ MONTENEQRODA KEÇİRİLƏCƏK PARLAMENT SEÇKİLƏRİNDƏ ATƏT PA-nın MÜŞAHİDƏ MİSSİYASINA RƏHBƏRLİK EDƏCƏK
Milli Məclisin deputatı, ATƏT PA-nın vitse-prezidenti Azay Quliyev oktyabrın 12-dən 18-dək Monteneqronun Podqoritsa şəhərində səfərdə olacaq, ATƏT PA-nın seçki müşahidə missiyasının rəhbəri qismində bu ölkədə keçiriləcək parlament seçkilərini izləyəcəkdir.
Mixael LİNK: “AZƏRBAYCAN DÜNYA ÖLKƏLƏRİ ÜÇÜN NÜMUNƏ OLA BİLƏR.”
Oktyabrın 12-də Milli Məclis Sədrinin müavini, İnsan hüquqları komitəsinin sədri Bahar Muradova ATƏT-in Demokratik Təsisatlar və İnsan Hüquqları Bürosunun rəhbəri Mixael Link ilə görüşdü.
FRANSALI JURNALİSTLƏR MİLLİ MƏCLİSDƏ
Oktyabrın 7-də Milli Məclis Sədrinin müavini Bahar Muradova Azərbaycanda səfərdə olan fransalı jurnalistlər Klod Leblank və Emmanuel Dupuy ilə görüşdü.
AŞPA-nın PAYIZ SESSİYASINDA
Milli Məclisin AŞPA-dakı nümayəndə heyətinin üzvləri Beynəlxalq münasibətlər və parlamentlərarası əlaqələr komitəsinin sədri Səməd Seyidovun başçılığı ilə qurumun payız sessiyasında iştirak etmək üçün oktyabrın 9-dan Fransanın Strasburq şəhərində səfərdə olacaqlar. Nümayəndə heyətinə deputatlar Vüsal Hüseynov, Qənirə Paşayeva, Rövşən Rzayev, Sahibə Qafarova, Rafael Hüseynov, Elxan Süleymanov, Sevinc Fətəliyeva, Müslüm Məmmədov, Fazil Mustafa və Sabir Hacıyev daxildirlər.
PARLAMENTİN YUNİSEF-lə ƏMƏKDAŞLIĞI BÖYÜK SƏMƏRƏ VERİR
Oktyabrın 6-da Milli Məclis Sədrinin müavini, İnsan hüquqları komitəsinin sədri Bahar Muradova BMT Uşaq Fondunun (YUNİSEF) ölkəmizə yeni təyin olunmuş nümayəndəsi Edvard Karvardin ilə görüşdü.
DEPUTATLARIMIZ GÜRCÜSTANDA PARLAMENT SEÇKİLƏRİNİ MÜŞAHİDƏ EDƏCƏKLƏR
Milli Məclisin bir qrup deputatı cari ilin oktyabr ayının 8-də Gürcüstanda keçiriləcək parlament seçkilərini müşahidə etmək üçün Tbilisiyə səfər edəcək.
ALMANİYA BUNDESTAQININ DEPUTATI MİLLİ MƏCLİSDƏ OLDU
Oktyabrın 5-də Milli Məclisin Almaniya ilə parlamentlərarası əlaqələr üzrə işçi qrupunun üzvləri ölkəmizdə səfərdə olan Almaniya Bundestaqının deputatı Aleksandr Ulriçin başçılıq etdiyi nümayəndə heyəti ilə görüşdülər.
QDİƏT PARLAMENT MƏCLİSİNİN KOMİTƏ İCLASLARINDA
Milli Məclisin deputatı, Qara Dəniz İqtisadi Əməkdaşlıq Təşkilatı Parlament Məclisində (QDİƏT PM) nümayəndə heyətimizin rəhbəri Eldar Quliyev qurumun komitələrinin iclaslarında iştirak etmək üçün oktyabrın 4-də Türkiyənin Antalya şəhərinə səfər edəcək.
MİLLİ MƏCLİSİN DEPUTATLARI BELÇİKAYA SƏFƏR EDƏCƏKLƏR
Milli Məclisin Gənclər və idman komitəsinin sədri Fuad Muradov və deputat Rövşən Rzayev oktyabrın 4-də Belçikanın paytaxtı Brüsselə səfər edəcəklər.
ABŞ JURNALİSTİ MİLLİ MƏCLİSDƏ OLDU
Oktyabrın 3-də Milli Məclis Sədrinin müavini Bahar Muradova ölkəmizdə səfərdə olan ABŞ jurnalisti Raul Loveri Kontreras ilə görüşdü.
CƏNUBİ AFRİKA PARLAMENTİNİN İBTİDAİ TƏHSİL KOMİTƏSİNİN SƏDRİ MİLLİ MƏCLİSDƏ
Sentyabrın 30-da Milli Məclisin Elm və təhsil komitəsinin sədri İsa Həbibbəyli V Bakı Beynəlxalq Humanitar Forumunda iştirak etmək üçün ölkəmizdə səfərdə olan Cənubi Afrika Respublikası Parlamentinin İbtidai təhsil komitəsinin sədri Nomalungela Gina ilə görüşdü.
Kristina BARCERO: “Azərbaycandakı tolerantlıq və multikultural ənənələr demokratiyanın göstəricisidir.”
Sentyabrın 30-da Milli Məclis Sədrinin birinci müavini, Müdafiə, təhlükəsizlik və korrupsiya ilə mübarizə komitəsinin sədri Ziyafət Əsgərov ölkəmizdə səfərdə olan İtaliya parlamentinin senatorları və deputatlarından ibarət nümayəndə heyəti ilə görüşdü.
MEKSİKA İLƏ ƏLAQƏLƏRİMİZ GENİŞLƏNİR
Sentyabrın 30-da Milli Məclisdə Azərbaycan-Meksika parlamentlərarası əlaqələr üzrə işçi qrupunun üzvləri Meksika Birləşmiş Ştatları parlamentinin ölkəmizdə səfərdə olan nümayəndə heyəti ilə görüşdülər.