MDB PA-NIN DAİMİ KOMİSSİYASINDA
Milli Məclisin Regional məsələlər komitəsinin sədri Arif Rəhimzadə MDB Parlament Assambleyasının Sosial siyasət və İnsan hüquqları daimi komissiyasının iclasında iştirak etmək üçün oktyabrın 8-dən 11-dək Rusiya Federasiyasında səfərdə olacaq.
DEPUTATLAR QROZNI ŞƏHƏRİNİN YUBİLEY TƏDBİRİNDƏ İŞTİRAK EDƏCƏKLƏR
Milli Məclisin deputatları Cavanşir Paşazadə, Malik Həsənov və Hüseynbala Mirələmov oktyabrın 5-də Qroznı şəhərinin 200 illiyi ilə əlaqədar keçiriləcək tədbirdə iştirak etmək üçün Çeçenistanda səfərdə olacaqlar.
LATVİYADA PARLAMENT SEÇKİLƏRİ KEÇİRİLƏCƏK
Milli Məclisin deputatı, Azərbaycan-Latviya parlamentlərarası əlaqələr üzrə işçi qrupun rəhbəri Kamran Bayramov oktyabrın 4-dən 7-dək Riqa şəhərində səfərdə olacaq, Milli Məclisin xətti ilə beynəlxalq müşahidəçi qismində Latviya Seyminə keçiriləcək seçkiləri müşahidə edəcək.
ATƏT PA-NIN PAYIZ SESSİYASINDA
Milli Məclisin deputatı, ATƏT Parlament Assambleyasının vitse -prezidenti Azay Quliyev və millət vəkili Tahir Mirkişili qurumun payız sessiyasında iştirak etmək üçün oktyabrın 2-dən 6-dək Qırğızıstanda səfərdə olacaqlar.
MİLLİ MƏCLİSDƏ GÖRÜŞ
Sentyabrın 28-də Milli Məclisdə Hüquq siyasəti və dövlət quruculuğu komitəsinin sədri, Azərbaycan-Rusiya parlamentlərarası əlaqələr üzrə işçi qrupunun rəhbəri Əli Hüseynli ölkəmizdə səfərdə olan Rusiya Federasiyasının hakim partiyasının gənclər təşkilatı olan “Vahid Rusiya Gənclər Qvardiya”sı Ümumrusiya İctimai Təşkilatının nümayəndələri ilə görüşdü.
DEPUTATIMIZ REGİONAL KONFRANSDA İŞTİRAK EDƏCƏK
Milli Məclisin deputatı Məlahət İbrahimqızı “Seçimlərə şərait yaratmaq: əhali dinamikası və dayanıqlı inkişaf” mövzusunda regional konfransda iştirak etmək üçün sentyabrın 30-da İsveçrənin Cenevrə şəhərinə səfər edəcək.
QDİƏT PM MƏDƏNİYYƏT, TƏHSİL və SOSİAL MƏSƏLƏLƏR KOMİTƏSİNİN 51-ci İCLASINDA
Milli Məclisin deputatı Jalə Əliyeva Qara Dəniz İqtisadi Əməkdaşlıq Təşkilatı Parlament Məclisinin Mədəniyyət, təhsil və sosial məsələlər Komitəsinin 51-ci iclasında iştirak etmək üçün oktyabrın 1-dən 4-dək Bolqarıstanın paytaxtı Sofiyada səfərdə olacaq.
TÜRKPA-nın TƏDBİRİNDƏ
Milli Məclisin deputatı Sədaqət Vəliyeva TÜRKPA-nın İqtisadi Əməkdaşlıq Komissiyasının iclasında iştirak etmək üçün sentyabrın 26-da Türkiyənin paytaxtı Ankaraya səfər edəcəkdir.
GUAM PA-nın SESSİYASINDA
Milli Məclisin GUAM Parlament Assambleyasındakı nümayəndə heyətinin rəhbəri Azər Kərimli, deputat Əli Məsimli qurumun 11-ci sessiyasında iştirak etmək üçün sentyabrın 26-da Moldovanın paytaxtı Kişineu şəhərinə səfər edəcəklər.
QARA DƏNİZ İQTİSADİ ƏMƏKDAŞLIQ TƏŞKİLATI PARLAMENT ASSAMBLEYASININ KOMİTƏ İCLASINDA
Sentyabrın 26-27-də Ukraynanın Kiyev şəhərində Qara Dəniz İqtisadi Əməkdaşlıq Təşkilatı Parlament Assambleyasının İqtisadiyyat, ticarət, texnologiya və ekologiya məsələləri komitəsinin 51-ci iclası keçiriləcək.
FAVZİ DAOUD: “Azərbaycan çox əzəmətli ölkədir”
Sentyabrın 22-də Milli Məclis Sədrinin birinci müavini Ziyafət Əsgərov ölkəmizdə səfərdə olan İordaniya parlamentinin nümayəndə heyəti ilə görüşdü. Azərbaycan parlamentinin 100 illik yubiley tədbirlərində fəal iştiraklarına görə qonaqlara təşəkkürünü bildirən Ziyafət Əsgərov ölkələrimiz arasında əlaqələrin yüksək səviyyədə olduğunu dedi. Dövlət başçıları İlham Əliyevlə Kral Abdulla arasındakı dostluq münasibətlərinin hər bir sahədə əlaqələrimizə böyuk örnək olduğu vurğulandı.
AZİZİ ABDUCABBOR: “SİZİN BAYRAMINIZ BİZİM BAYRAMIMIZDIR.”
Sentyabrın 22-də Milli Məclis Sədrinin birinci müavini Ziyafət Əsgərov Azərbaycan Parlamentinin yubileyində iştirak etmiş Tacikistan Nümayəndələr Palatası sədrinin birinci müavini Azizi Abducabborun başçılıq etdiyi nümayəndə heyəti ilə görüşdü.
AŞPA-nın KOMİTƏ İCLASINDA
Milli Məclisin Mədəniyyət komitəsinin sədri Rafael Hüseynov Avropa Şurası Parlament Assambleyasının tədbirində iştirak etmək üçün sentyabrın 24-də Gürcüstana səfər edəcək.
100 YAŞLI PARLAMENT AZƏRBAYCAN XALQININ BÖYÜK NAİLİYYƏTİDİR
Sentyabrın 20-də Milli Məclis Sədrinin birinci müavini Ziyafət Əsgərov Azərbaycan Parlamentinin 100 illik yubileyi münasibətilə ölkəmizə səfərə gəlmiş Vyetnam və Hindistanın nümayəndə heyətləri ilə görüşdü. Söhbətlərin əsas məğzi bu oldu ki, 100 yaşlı parlamentə malik olmaq Azərbaycan xalqının çox böyük nailiyyətidir.
QONAQLAR AZƏRBAYCAN PARLAMENTİNİN 100 İLLİYİNİN QEYD OLUNMASINI YÜKSƏK DƏYƏRLƏNDİRİR
Sentyabrın 19-da Milli Məclis Sədrinin birinci müavini Ziyafət Əsgərov 100 yaşlı Azərbaycan Parlamentinin yubileyi münasibətilə ölkəmizdə səfərdə olan Türkiyə və Misirin nümayəndə heyətləri ilə görüşdü. Görüşlərdə yubiley tədbirlərinin mühüm əhəmiyyət daşıdığı vurğulandı.
MİLLİ MƏCLİSDƏ DƏYİRMİ MASA
Sentyabrın 14-də Milli Məclisdə Yeni Azərbaycan Partiyası Gənclər Birliyinin təşkilatçılığı və parlamentdə təmsil olunan siyasi partiya nümayəndələrinin, beynəlxalq gənclər təşkilatları üzvlərinin iştirakı ilə “Siyasi plüralizm və parlament təcrübəsi” mövzusunda Dəyirmi Masa keçirildi. Qonaqları salamlayan Milli Məclis Sədrinin müavini, İnsan hüquqları komitəsinin sədri Bahar Muradova bildirdi ki, parlamentin tərkibi Azərbaycanın siyası palitrasını özündə tam şəkildə əks etdirir.
NATO PARLAMENT ASSAMBLEYASININ NÜMAYƏNDƏLƏRİ MİLLİ MƏCLİSDƏ
Sentyabrın 13-də Milli Məclis Sədrinin birinci müavini, Müdafiə, təhlükəsizlik və korrupsiya ilə mübarizə komitəsinin sədri Ziyafət Əsgərov ölkəmizdə səfərdə olan NATO Parlament Assambleyasının sədri Paolo Allinin başçılıq etdiyi nümayəndə heyəti ilə görüşdü. Qonaqları salamlayan Ziyafət Əsgərov onların ölkəmizə çox əlamətdar bir dövrdə səfər etdiklərini, bir həftədən sonra xalqımız Azərbaycan Parlamentinin 100 illik yubileyini qeyd edəcəyini söylədi.
TÜRKPA-nın TƏDBİRLƏRİNDƏ
Milli Məclisin Səhiyyə komitəsinin və TÜRKPA-nın Ətraf mühit və təbii ehtiyatlar komissiyasının sədri Əhliman Əmiraslanov, həmçinin Milli Məclisin deputatı, TÜRKPA-nın Sosial, mədəni və humanitar məsələlər komissiyasının sədr müavini Sevinc Hüseynova qurumun tədbirlərində iştirak etmək üçün sentyabrın 12-dən 15-dək Qırğızıstanın paytaxtı Bişkekdə səfərdə olacaqlar.
BEYNƏLXALQ KONFRANSDA
Milli Məclisin deputatı, ATƏT Parlament Assambleyasının vitse-prezidenti Azay Quliyev sentyabrın 10-dan Özbəkistanda səfərdə olacaq. Burada, ölkənin paytaxtı Daşkənd şəhərində o, BMT-nin xətti ilə keçiriləcək “Preventiv diplomatiya vasitəsilə Əfqanıstanın Mərkəzi Asiyada əməkdaşlığa cəlb edilməsində parlamentlərin rolu” mövzusunda konfransda iştirak edəcək.
ALMANİYA BUNDESTAQININ NÜMAYƏNDƏ HEYƏTİ MİLLİ MƏCLİSDƏ
Avqustun 25-də Milli Məclisin Almaniya ilə parlamentlərarası əməkdaşlıq üzrə işçi qrupu üzvlərinin Almaniya Bundestaqının deputatlarından ibarət nümayəndə heyəti ilə görüşü oldu.