TBİLİSİ HƏMRƏYLİK VƏ İNNOVATİV MALİYYƏLƏŞDİRMƏ FORUMUNDA
Milli Məclisin İqtisadi siyasət, sənaye və sahibkarlıq komitəsinin sədri Ziyad Səmədzadə Tbilisi Həmrəylik və İnnovativ Maliyyələşdirmə Forumunda iştirak etmək üçün dekabrın 14-dən 17-dək Gürcüstanda səfərdə olacaqdır.
SLOVENİYADA MEHDİ HÜSEYNZADƏNİN 100 İLLİYİ KEÇİRİLƏCƏK
Milli Məclisin deputatı Rauf Əliyev Mehdi Hüseynzadənin 100 illik yubileyinə həsr olunmuş tədbirlərdə iştirak etmək üçün dekabrın 12-dən Sloveniyada səfərdə olacaq.
ÜMUMMİLLİ LİDER HEYDƏR ƏLİYEVİN ANIM MƏRASİMLƏRİ KEÇİRİLƏCƏK
Milli Məclisin Türkiyə ilə parlamentlərarası əlaqələr üzrə işçi qrupunun rəhbəri, Səhiyyə komitəsinin sədri Əhliman Əmiraslanov və qrupun üzvü, Aqrar siyasət komitəsinin sədri Eldar İbrahimov dekabrın 10-dan Türkiyənin paytaxtı Ankara şəhərində səfərdə olacaqlar. Deputatlarımız ümummilli lider Heydər Əliyevin anım mərasimində iştirak edəcəklər.
DEPUTATLARIMIZ FRANSADA SƏFƏRDƏ OLACAQLAR
Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov, deputatlar Cavanşir Feyziyev, Sahibə Qafarova, Azər Kərimli və Elşad Həsənov dekabrın 9-dan Fransada səfərdə olacaqlar.
ƏHALİ VƏ İNKİŞAF ÜZRƏ PARLAMENT FORUMU KEÇİRİLƏCƏK
Dekabrın 12-də və 13-də Hindistanın Nyu Dehli şəhərində Əhali və İnkişaf üzrə Avropa Parlament Forumu keçiriləcək. Tədbirdə Milli Məclisin deputatları Məlahət İbrahimqızı və Kamilə Əliyeva iştirak edəcəklər.
ÜMUMMİLLİ LİDER HAQQINDA KİTAB NİDERLANDDA TƏQDİM OLUNACAQ
Milli Məclisin deputatı Elmira Axundova dekabrın 9-da Niderland Krallığının Haaqa şəhərinə səfər edəcək. Burada millət vəkilinin müəllifi olduğu “Heydər Əliyev: Şəxsiyyət və zaman” adlı kitabın təqdimat mərasimi keçiriləcək.
AŞPA-nın KOMİTƏ İCLASLARINDA
Milli Məclisin Beynəlxalq münasibətlər və parlamentlərarası əlaqələr komitəsinin sədri, parlamentin AŞPA-dakı daimi numayəndə heyətinin rəhbəri Səməd Seyidov və deputat Sabir Hacıyev Avropa Şurası Parlament Assambleyası komitələrinin iclaslarında iştirak etmək üçün dekabrın 10-dan 15-dək Fransaya səfər edəcəklər.
MİQRASİYA MƏSƏLƏLƏRİNƏ DAİR BEYNƏLXALQ KONFRANS KEÇİRİLƏCƏK
Dekabrın 6-da və 7-də Mərakeş Krallığının Rabat şəhərində miqrasiya məsələlərinə həsr olunmuş beynəlxalq konfrans keçiriləcək. Tədbirdə Milli Məclisin Regional məsələlər komitəsinin sədri Arif Rəhimzadə MDB Parlamentlərarası Assambleyasının xətti ilə iştirak edəcəkdir.
VAŞİNQTONDA PARLAMENT FORUMU KEÇİRİLƏCƏK
Dekabrın 6-da Vaşinqtonda Kəşfiyyat-Təhlükəsizlik üzrə 12-ci Parlament Forumu keçiriləcək. Tədbirdə Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov iştirak edəcək.
ATƏT PARLAMENT ASSAMBLEYASININ TƏDBİRLƏRİNDƏ
Milli Məclisin deputatı, ATƏT Parlament Assambleyasının vitse-prezidenti Azay Quliyev qurumun Büro iclasında və ATƏT-in Nazirlər Şurasının 25-ci toplantısında iştirak etmək üçün dekabrın 4-də İtaliyanın Milan şəhərinə səfərə gedəcək.
AŞPA-NIN KOMİTƏ İCLASLARI KEÇİRİLƏCƏK
Dekabrın 3-dən 7-dək Parisdə Avropa Şurası Parlament Assambleyasının Bərabərlik və qeyri-diskriminasiya, Miqrasiya, qaçqınlar və məcburi köçkünlər, Sosial işlər, sağlamlıq və davamlı inkişaf, həmçinin Təhsil, elm və mədəniyyət komitələrinin iclasları keçiriləcək. Tədbirlərdə Milli Məclisin Mədəniyyət komitəsinin sədri Rafael Hüseynov, deputatlar Sahibə Qafarova və Sevinc Fətəliyeva iştirak edəcəklər.
MİLLİ MƏCLİSDƏ TURKAP TƏŞKİLATININ NÜMAYƏNDƏLƏRİ İLƏ GÖRÜŞ
Noyabrın 29-da Milli Məclis Sədrinin müavini Bahar Muradova ölkəmizdə səfərdə olan Türk Dünyası Qadın Platformunun (TÜRKAP) nümayəndələri ilə görüşdü. Qonaqları Azərbaycan parlamentində salamlamaqdan məmnunluq duyduğunu bildirən vitse-spiker Türkiyə ilə bütün münasibətlərin bizim üçün böyük önəm kəsb etdiyini bildirdi.
MDB PARLAMENTLƏRARASI ASSAMBLEYASININ TƏDBİRLƏRİNDƏ
Milli Məclisin Sədr müavini Valeh Ələsgərov, parlamentinRegional məsələlər komitəsinin sədri Arif Rəhimzadə və deputat Rüfət Quliyev Müstəqil Dövlətlər Birliyi Parlamentlərarası Assambleyasının (MDB PA) tədbirlərində iştirak etmək üçün noyabrın 28-dən Rusiyanın Sankt-Peterburq şəhərində səfərdə olacaqlar.
AZƏRBAYCAN AVROPA HÜQUQ SİSTEMİNİN AYRILMAZ HİSSƏSİNƏ ÇEVRİLMİŞDİR
Noyabrın 26-da Milli Məclisin Hüquq siyasəti və dövlət quruculuğu komitəsinin sədri Əli Hüseynli ölkəmizdə səfərdə olan Avropa Parlamentinin Terrorizm üzrə Xüsusi Komitəsinin sədr müavini Ceffri Van Orden ilə görüşdü.
ASİYA PARLAMENT ASSAMBLEYASININ SESSİYASINDA
Milli Məclisin deputatı İlham Məmmədov Asiya Parlament Assambleyasının 11-ci plenar sessiyasında iştirak etmək üçün noyabrın 28-də Türkiyənin İstanbul şəhərinə səfər edəcək. Tədbirdə “Asiyada iqtisadi inkişafın təbliği” mövzusunda müzakirələr aparılacaq.
TÜRKİYƏDƏ AZƏRBAYCAN HƏFTƏSİ KEÇİRİLƏCƏK
Milli Məclisin deputatı Musa Qasımlı Türkiyə paytaxtında keçiriləcək Azərbaycan həftəsində iştirak etmək üçün noyabrın 26-da Ankaraya yola düşəcək.
AVROPA PARLAMENTİNİN NÜMAYƏNDƏ HEYƏTİ MİLLİ MƏCLİSDƏ
Noyabrın 26-da Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov ölkəmizdə səfərdə olan Avropa Parlamentinin Terrorizm üzrə Xüsusi Komitəsinin sədr müavini Ceffri Van Ordenin başçılıq etdiyi nümayəndə heyəti ilə görüşdü.
AVROPA PARLAMENTİ -AZƏRBAYCAN ƏLAQƏLƏRİ GENİŞLƏNİR
Noyabrın 26-da Milli Məclisin deputatı, Avropa İttifaqı–Azərbaycan Parlament Əməkdaşlıq Komitəsinin həmsədri Cavanşir Feyziyev ölkəmizdə səfərdə olan Avropa Parlamentinin Terrorizm üzrə Xüsusi Komitəsinin sədr müavini Ceffri Van Orden ilə görüşdü.Qonağı səmimi salamlayan Cavanşir Feyziyev bildirdi ki, son illər ərzində Azərbaycanla Avropa arasında münasibətlər yüksələn xətlə inkişaf edir.
AŞPA-nın TƏDBİRLƏRİNDƏ
Milli Məclisin Beynəlxalq münasibətlər və parlamentlərarası əlaqələr komitəsinin sədri, Avropa Şurası Parlament Assambleyasında (AŞPA) nümayəndə heyətimizin rəhbəri Səməd Seyidov qurumun Büro və Daimi komitəsinin iclaslarında iştirak etmək üçün noyabrın 21-də Finlandiyanın paytaxtı Helsinki şəhərinə səfər edəcək.
DEPUTATIMIZ UKRAYNA PARLAMENTİNDƏ KEÇİRİLƏCƏK TƏDBİRLƏRƏ QATILACAQ
Milli Məclisin deputatı, ATƏT Parlament Assambleyasının vitse-prezidenti Azay Quliyev noyabrın 15-də Ukraynanın paytaxtı Kiyevə səfər edəcək.