MİLLİ MƏSLİSİN DEPUTATLARI QAZAXISTANDA KEÇİRİLƏCƏK PARLAMENT SEÇKİLƏRİNİ MÜŞAHİDƏ EDƏCƏKLƏR
Milli Məclis Sədrinin müavini Valeh Ələsgərovun başçılığı ilə deputatlar Xanlar Fətiyev, Adil Əliyev və Nizami Cəfərov martın 20-də Qazaxıstanda keçiriləcək növbədənkənar parlament seçkilərini müşahidə etmək üçün Astana şəhərində səfərdə olacaqlar.
MİLLİ MƏCLİSDƏ GÖRÜŞ
Martın 17-də Milli Məclis Sədrinin müavini, ATƏT PA-da parlament nümayəndə heyətimizin rəhbəri Bahar Muradova ölkəmizdə səfərdə olan ATƏT sədrliyinin Cənubi Qafqaz üzrə xüsusi nümayəndəsi Günter Bexlerin başçılıq etdiyi nümayəndə heyəti ilə görüşdü. Görüşdə Almaniyanın Azərbaycandakı səfiri xanım Haydrun Tempel də iştirak edirdi.
QOBUSTAN RAYONUNDA QAÇQIN VƏ MƏCBURİ KÖÇKÜNLƏRLƏ GÖRÜŞ KEÇİRİLMİŞDİR
Martın 15-də Novruz bayramı ərəfəsində, Milli Məclisin nümayəndələri hər il olduğu kimi Qobustan rayonunda məskunlaşmış qaçqınların və məcburi köçkünlərin görüşünə gəlmişlər.
AŞPA-nın TƏDBİRLƏRİNDƏ
Milli Məclisin Beynəlxalq münasibətlər və parlamentlərarası əlaqələr komitəsinin sədr müavini, AŞPA-da Avropa Sosial Xartiyası alt komitəsinin sədr müavini Sevinc Fətəliyeva Avropa Şurası Parlament Assambleyasının tədbirlərində iştirak etmək üçün martın 14-dən 17-dək Fransada səfərdə olacaq.
DEPUTATIMIZ BEYNƏLXALQ TƏDBİRLƏRDƏ İŞTİRAK EDƏCƏK
Milli Məclisin deputatı, Avropa Şurası Parlament Assambleyasının Miqrasiya, qaçqınlar və məcburi köçkünlər komitəsinin sədri Sahibə Qafarova qurumun Bərabərlik və qeyri-diskriminasiya komitəsinin iclasında iştirak etmək üçün martın 10-da Fransanın paytaxtı Parisə səfər edəcək.
DEPUTATLARIMIZ LATVİYAYA SƏFƏR EDƏCƏK
Milli Məclisin Regional məsələlər komitəsinin sədri Arif Rəhimzadə, deputatlar Rüstəm Xəlilov, Kamran Bayramov martın 8-də Latviyanın paytaxtı Riqa şəhərinə səfər edəcəklər.
AŞPA-nın KOMİTƏ İCLASINDA
Milli Məclisin deputatı Sabir Hacıyev Avropa Şurası Parlament Assambleyasının Siyasi işlər və demokratiya komitəsinin iclasında iştirak etmək üçün martın 7-dən 9-dək Fransanın paytaxtı Parisdə səfərdə olacaq.
BRAZİLİYALI DEPUTAT MİLLİ MƏCLİSDƏ
Martın 4-də Milli Məclisin Beynəlxalq münasibətlər və parlamentlərarası əlaqələr komitəsi üzvlərinin ölkəmizdə səfərdə olan Braziliya Milli Konqresi Federal Senatının Elm, texnologiya, innovasiya, kommunikasiya və informatika komitəsinin sədri, Braziliya-Azərbaycan parlamentlərarası dostluq qrupunun rəhbəri Kristovam Buarke ilə görüşü oldu. Qonağı salamlayan Beynəlxalq münasibətlər və parlamentlərarası əlaqələr komitəsinin sədri Səməd Seyidov ölkələrimiz arasındakı münasibətlərin yüksək səviyyədə olduğunu dedi.
AŞPA-nın TƏDBİRLƏRİNDƏ
Milli Məclisin deputatı Sahibə Qafarova Avropa Şurası Parlament Assambleyasının Büro və Daimi Komitəsinin toplantılarında iştirak etmək üçün martın 2-də Fransanın paytaxtı Parisə səfər edəcək.
BALTİK ASSAMBLEYASININ KOMİTƏLƏRİNDƏ
Milli Məclisin deputatı, GUAM PA-nın sədri və parlamentin qurumdakı nümayəndə heyətinin rəhbəri Azər Kərimli Baltik Assambleyasının Təbii ehtiyatlar və ətraf mühit, İqtisadiyyat, energetika və innovasiyalar üzrə komitələrinin birgə iclasında iştirak etmək üçün martın 3-dən 5-dək Estoniyada səfərdə olacaq.
AŞPA PREZİDENTİ MİLLİ MƏCLİSDƏ
Fevralın 29-da Milli Məclisin Avropa Şurası Parlament Assambleyasındakı nümayəndə heyəti üzvlərinin ölkəmizdə səfərdə olan qurumun yeni prezidenti Pedro Aqramunt ilə görüşü oldu. Qonağı salamlayan parlamentin Beynəlxalq münasibətlər və parlamentlərarası əlaqələr komitəsinin sədri, nümayəndə heyətinin rəhbəri Səməd Seyidov Azərbaycanın Avropa Şurası qarşısında götürdüyü öhdəlikləri layiqincə yerinə yetirməsindən, qurumla uğurlu əməkdaşlıqdan söz açdı.
MDB PA-nın KOMİSSİYA İCLASINDA
Milli Məclisin deputatı İqbal Məmmədov Müstəqil Dövlətlər Birliyi Parlamentlərarası Assambleyasının Büdcə-Nəzarət komissiyasının iclasında iştirak etmək üçün fevralın 29-da Rusiya Federasiyasının Sankt-Peterburq şəhərinə səfər edəcək.
ATƏT PA-nın 15-ci QIŞ SESSİYASINDA
Milli Məclis Sədrinin müavini, Azərbaycan parlamentinin ATƏT-in Parlament Assambleyasındakı nümayəndə heyətinin rəhbəri Bahar Muradovanın başçılığı ilə deputatlarımız ATƏT PA-nın 15-ci qış sessiyasında iştirak etmək üçün fevralın 24-dən 27-dək Avstriyanın paytaxtı Vyana şəhərində səfərdə olacaqlar.
XOCALI SOYQIRIMI İLƏ BAĞLI TƏDBİRLƏR KEÇİRİLƏCƏK
Milli Məclisin deputatları Rauf Əliyev və Rasim Musabəyov Xocalı soyqırımının 24-cü ildönümünə həsr edilmiş tədbirlərdə iştirak etmək üçün fevralın 24-də İsrailin Tel-Əviv şəhərinə səfər edəcəklər.
PARLAMENT XƏBƏRLƏRİ
Milli Məclisin Gənclər və idman komitəsinin sədri Fuad Muradov vəHüquq siyasəti və dövlət quruculuğu komitəsinin sədr müavini Rövşən RzayevAlmaniyada səfərdə olacaq, Xocalı soyqırımına həsr olunmuş silsilə tədbirlərdə iştirak edəcəklər. Fuad Muradov Heydər Əliyev Fondunun Xocalı soyqırımı ilə əlaqədar Moskvada təşkil etdiyi tədbirlərə də qatılacaq.
AZƏRBAYCAN – İNDONEZİYA ƏLAQƏLƏRİ MÖHKƏMLƏNİR
Fevralın 17-də Milli Məclis Sədrinin müavini, Təbii ehtiyatlar, energetika və ekologiya komitəsinin sədri Valeh Ələsgərovun ölkəmizdə səfərdə olan İndoneziya Nümayəndələr Palatasının sədr müavini Fahri Hamzahın başçılıq etdiyi nümayəndə heyəti ilə görüşü oldu. Qonaqları salamlayan vitse-spiker Azərbaycanla İndoneziya arasında əlaqələrin yüksək səviyyədə olduğunu dedi. O, bu münasibətlərin möhkəmlənməsində dövlət və hökümət rəsmilərinin qarşılıqlı səfərlərinin xüsusi rolu olduğunu vurğuladı.
Azərbaycan nümayəndə heyətinin İsrailə səfəri uğurlu olmuşdur
Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidovun başçılığı ilə komitənin sədr müavini Sevinc Fətəliyeva, parlamentin İsraillə dostluq qrupunun üzvü, Demokratik İslahatlar Partiyasının sədri Asim Mollazadə, Azərbaycan-İsrail parlamentlərarası işçi qrupunun sədri Yevda Abramov və Bakıdakı İsrail Mərkəzinin rəhbəri Emiliya Xudiyeva İsrail parlamentinin dəvəti ilə bu ölkədə səfərdə olublar.
MİLLİ MƏCLİSDƏ “PARLAMENTDƏ BİR GÜN” LAYİHƏSİ ÇƏRÇİVƏSİNDƏ GÖRÜŞ KEÇİRİLİB
Fevralın 12-də Milli Məclis Sədrinin müavini, parlamentin İnsan hüquqları komitəsinin sədri Bahar Muradovanın və Regional məsələlər komitəsinin sədri Arif Rəhimzadənin Bakının Binəqədi rayon bələdiyyələrinin nümayəndələri ilə görüşü keçirildi.
İSVEÇ KRALLIĞININ XARİCİ İŞLƏR NAZİRİ MİLLİ MƏCLİSDƏ
Fevralın 10-da Milli Məclis Sədrinin müavini, İnsan hüquqları komitəsinin sədri Bahar Muradova ölkəmizdə səfərdə olan İsveç Krallığının xarici işlər naziri xanım Marqot Vallströmün başçılıq etdiyi nümayəndə heyəti ilə görüşdü. Qonaqları salamlayan Bahar Muradova Azərbaycanla İsveç Krallığı arasında münasibətlərin yüksələn xətlə inkişaf etdiyini dedi. Ölkələrimiz arasında iqtisadi, humanitar və mədəni sahələrdə əlaqələrin dərinləşməsi üçün böyük potensialın olduğunu vurğuladı.
MİLLİ MƏCLİSDƏ GÖRÜŞ
Fevralın 9-da Milli Məclisin GUAM Parlament Assambleyasındakı nümayəndə heyətinin rəhbəri, GUAM PA-nın sədri Azər Kərimli ölkəmizdə səfərdə olan GUAM-ın Baş katibi Altay Əfəndiyevlə görüşdü.