DEPUTATIMIZ AŞPA-nın KOMİTƏSİNDƏ MƏRUZƏ EDƏCƏK
Milli Məclisin AŞPA-dakı daimi nümayəndə heyətinin üzvü deputat Rafael Hüseynov qurumun Hüquqi işlər və insan haqları Komitəsinin iclasında iştirak etmək üçün mayın 20-dən 22-dək Fransanın paytaxtı Parisdə səfərdə olacaq. Daha sonra Rafael Hüseynov AŞPA-nın Mədəniyyət, elm və təhsil Komitəsinin iclasına qatılmaq üçün mayın 28-də Rumıniyanın paytaxtı Buxarest şəhərinə səfər edəcək.
ALMANİYA BUNDESTAQININ DEPUTATI BAKIDA
Mayın 18-də Milli Məclisdə Azərbaycan-Almaniya parlamentlərarası əlaqələr üzrə işçi qrupun üzvləri Almaniya Bundestaqının deputatı Frank Haynrixlə görüşdülər. Milli Məclisin Hüquq siyasəti və dövlət quruculuğu komitəsinin sədr müavini, işçi qrupun üzvü Rövşən Rzayev qonağa ölkəmiz barədə ətraflı məlumat verdi.
MİLLİ MƏCLİSDƏ GÖRÜŞ
Mayın 17-də Milli Məclisin Sosial siyasət komitəsinin sədri Hadi Rəcəbli BMT-nin sağlamlıq hüququna dair xüsusi məruzəçisi Anand Qroverin başçılıq etdiyi nümayəndə heyəti ilə görüşdü.
MİLLİ MƏCLİSDƏ GÖRÜŞ
Mayın 16-da Milli Məclisdə Azərbaycan-Almaniya parlamentlərarası işçi qrupunun üzvləri Almaniya Bundestaqının deputatı Folker Bek ilə görüşdülər.
TÜRKMƏNİSTANDA BEYNƏLXALQ KONFRANS KEÇİRİLƏCƏKDİR
Mayın 18-19-da Türkmənistanın Aşqabad şəhərində “Türkmənistan Konstitusiyasının 20 ili: müstəqil dövlət quruculuğunun tarixi təcrübəsi” mövzusunda beynəlxalq konfrans keçiriləcəkdir.
ATƏT PA-nın Batumi konfransında
Xəbər verildiyi kimi, Milli Məclis Sədrinin müavini Bahar Muradovanın rəhbərliyi ilə parlament nümayəndə heyəti mayın 12-dən 14-dək Gürcüstanın Batumi şəhərində “ATƏT regionunda davamlı iqtisadi əməkdaşlığın və sabitliyin möhkəmləndirilməsi” mövzusunda keçirilmiş konfransda iştirak edib.
BEYNƏLXALQ FORUMDA
Milli Məclisin deputatları Xanhüseyn Kazımlı və Azər Badamov İslam biznesi və maliyyəsi üzrə IV Beynəlxalq Forumda iştirak etmək üçün mayın 16-dan 18-dək Rusiya Federasiyasının Kazan şəhərində səfərdə olacaqlar. Kazan sammitində əsasən Rusiya ilə İslam Əməkdaşlığı Təşkilatına üzv dövlətlər arasında iqtisadi əməkdaşlığın perspektivləri müzakirə olunacaq, uzunmüddətli əlaqələrin qurulması üçün ticarət və investisiya mühiti öyrəniləcək.
MİLLİ MƏCLİSDƏ GÖRÜŞ
Mayin 14-də Milli Məclisdə İsrail parlamentinin deputatları Orit Zuares və Fania Kirşenbaum Azərbaycan-İsrail parlamentlərarası dostluq qrupunun üzvləri ilə görüşüdülər.
DEPUTATLARIMIZ MDB PARLAMENTLƏRARASI ASSAMBLEYANIN TƏDBİRLƏRİNDƏ İŞTİRAK EDƏCƏKLƏR
Milli Məclisin bir qrup deputatı Müstəqil Dövlətlər Birliyi Parlamentlərarası Assambleyanın toplantılarında iştirak etmək üçün mayın 14-dən Rusiya Federasiyasının Sankt-Peterburq şəhərində səfərdə olacaqlar. Nümayəndə heyətinin tərkibinə parlamentin Regional məsələlər komitəsinin sədri Arif Rəhimzadə, deputatlardan Fəzail Ağamalı, Elmira Axundova, Elton Məmmədov, Aslan Cəfərov, Adil Əliyev, Rüfət Quliyev, İqbal Məmmədov və Mirkazım Kazımov daxildirlər.
ATƏT PA-nın İQTİSADİ KONFRANSINDA
Milli Məclis Sədrinin müavini Bahar Muradovanın rəhbərliyi ilə Azərbaycan parlamentinin nümayəndə heyəti “ATƏT regionunda iqtisadi əməkdaşlığın və sabitliyin möhkəmləndirilməsi” mövzusunda keçiriləcək iqtisadi konfransda iştirak etmək üçün mayın 11-də Gürcüstanın Batumi şəhərinə səfərə yola düşəcək. Nümayəndə heyətinə Aqrar siyasət komitəsinin sədri Eldar İbrahimov, İnsan hüquqları komitəsinin sədri Rəbiyyət Aslanova, Regional məsələlər komitəsinin sədr müavini Fəttah Heydərov və deputat Azay Quliyev daxildirlər.
ƏLCƏZAİRDƏ PARLAMENT SEÇKİLƏRİ
Milli Məclisin deputatları Mirkazım Kazımov və Xanhüseyn Kazımlı İslam Əməkdaşlığı Təşkilatının xətti ilə müşahidəçi qismində parlament seçkilərini izləmək üçün mayın 9-da Əlcəzair Xalq Demokratik Respublikasına səfərə yola düşəcəklər.
LİTVADA BEYNƏLXALQ PARLAMENT KONFRANSI
Milli Məclisin deputatı, GUAM PA-nın sədri, eyni zamanda qurumdakı Azərbaycan nümayəndə heyətinin rəhbəri Elton Məmmədov və deputat Əli Məsimli mayın 9-dan 13-dək Litvanın Palanqa şəhərində səfərdə olacaqlar. Deputatlarımız Baltik Assambleyasının təşkil etdiyi Avropa İttifaqı ilə əməkdaşlığa dair Beynəlxalq Parlament Konfransına qatılacaqlar.
MİLLİ MƏCLİSİN DEPUTATLARI SERBİYADA PARLAMENT SEÇKİLƏRİNİ İZLƏYƏCƏKLƏR
Milli Məclisin bir qrup deputatı Serbiyada mayın 6-da keçiriləcək parlament seçkilərini müşahidə etmək üçün Belqrad şəhərinə səfər edəcək.
Milli Məclislə Bundestaq arasında əlaqələr genişlənir
Aprelin 30-da Milli Məclis sədrinin müavini Valeh Ələsgərov Azərbaycanda səfərdə olan Almaniya Azad Demokrat Partiyasının federal sədri, Bundestaqın deputatı xanım Birqit Homburqerlə görüşdü.
MİLLİ MƏCLİSDƏ GÖRÜŞ
Aprelin 27-də Milli Məclisin GUAM Parlament Assambleyasındakı nümayəndə heyətinin rəhbəri Elton Məmmədov GUAM-ın Baş katibi Valeriy Çeçelaşvili ilə görüşdü.
DƏYİRMİ MASA ƏTRAFINDA
Milli Məclisin Regional məsələlər komitəsinin sədri Arif Rəhimzadə “Rusiya Dövlət Duması: Avrasiya məkanında parlamentarizmin yaradılması” mövzusuna həsr olunan dəyirmi masada iştirak etmək üçün aprelin 27-dən 29-dək Rusiya Federasiyasının paytaxtı Moskva şəhərində səfərdə olacaq.
AZƏRBAYCAN-ABŞ MÜNASİBƏTLƏRİNİN 20 İLLİYİNƏ HƏSR OLUNMUŞ TƏDBİRLƏRDƏ
Milli Məclisin deputatları - Azərbaycan-ABŞ parlamentlərarası əlaqələr üzrə işçi qrupunun rəhbəri Səməd Seyidov, Sevinc Fətəliyeva, Asim Mollazadə, Ceyhun Osmanlı və Cavanşir Paşazadə Azərbaycan-ABŞ münasibətlərinin 20 illiyinə həsr olunmuş tədbirlərdə iştirak etmək üçün aprelin 25-dən 27-dək Vaşinqtonda səfərdə olacaqlar.
Dövlətlərarası əlaqələrin inkişafında parlamentlərin rolu böyükdür
Aprelin 24-də Bakıda səfərdə olan İordaniya Haşimilər Krallığı Senatı sədrinin birinci müavini Abdurrauf ər-Ravabidənin başçılıq etdiyi nümayəndə heyəti Milli Məclisin Azərbaycan-İordaniya parlamentlərarası əlaqələr üzrə işçi qrupunun üzvləri ilə görüşdü.
MİLLİ MƏCLİSİN DEPUTATLARI ALMANİYA BUNDESTAQINDA GÖRÜŞLƏR KEÇİRƏCƏKLƏR
Milli Məclisin deputatları Rövşən Rzayev və Aydın Abbasov aprelin 26-da Berlin şəhərinə yola düşəcəklər. Deputatlar Almaniya Bundestaqında bu ölkənin Qeyri-hökumət təşkilatlarının və Kütləvi İnformasiya Vasitələrinin nümayəndələri ilə görüş keçirəcəklər.
MİİLİ MƏCLİSDƏ GÖRÜŞ
Aprelin 24-də Milli Məclisin Beynəlxalq münasibətlər və parlamentlərarası əlaqələr komitəsinin üzvləri İordaniya Haşimilər Krallığı Senatı sədrinin birinci müavini Abdurrauf əl-Ravabidənin rəhbərlik etdiyi nümayəndə heyəti ilə görüşdülər.