Ağdaşda şəhid polkovnik-leytenant Atəm Əliyevin xatirəsi anılıb
Ağdaş şəhərində Vətən müharibəsi şəhidi polkovnik-leytenant Atəm Vaqif oğlu Əliyevin anım mərasimi keçirilib. Mərasimdə Milli Məclisin deputatı Cavid Osmanov, şəhid ailələrinin üzvləri, şəhidin döyüş yoldaşları, qazilər və rayon ictimaiyyətinin nümayəndələri iştirak ediblər.
Şabranda şəhid Fətulla Siracovun xatirəsi anılıb
Şabran rayon Gəndov kəndindən olan şəhidimiz Fətulla Qasım oğlu Siracovun şəhadətinin ildönümü ilə bağlı anım mərasimi keçirilib. Anım mərasimində Milli Məclisin deputatı Sadiq Qurbanov, şəhid ailələri, qazilər və rayon ictimaiyyəti iştirak ediblər.
T Ə K Z İ B
Yanvarın 28-də bəzi media orqanlarında Milli Məclisin İntizam Komissiyası tərəfindən kütləvi informasiya vasitələri nümayəndələrinin 2022-ci ilin yaz sessiyası dövründə parlamentin fəaliyyətini işıqlandırmaq üçün Milli Məclis Aparatında akkreditə olunması və bəzi media nümayəndələrinin akkreditasiyasının ləğv edilməsi haqqında həqiqətə uyğun olmayan məlumat verilmişdir.
Milli Məclis sədrinin müavini Adil Əliyev şəhid barelyefinin açılışında iştirak edib
Yanvarın 27-də Bakı şəhəri Nərimanov rayonu 207 saylı məktəbdə Vətən müharibəsi şəhidi, baş leytenant Səid Rəşidzadənin barelyefinin açılış mərasimi olub.
ATƏT PA-nın Büro iclasında
Yanvarın 24-də ATƏT PA-nın video formatda Büro iclası keçirilib. İclasda Azərbaycanın ATƏT PA-da nümayəndə heyətinin rəhbəri və qurumun vitse-prezidenti Azay Quliyev iştirak edib.
Deputatımız İƏT PA-nın tədbirində iştirak edəcək
Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili İqtisadi Əməkdaşlıq Təşkilatı Parlament Assambleyasının (İƏT PA) işçi qrupunun iclasında iştirak etmək üçün yanvarın 24-də Pakistan İslam Respublikasının paytaxtı İslamabad şəhərinə səfər edəcək.
Azərbaycan-Malayziya əlaqələri inkişaf edir
Yanvarın 21-də Milli Məclisin sədr müavini, parlamentin İctimai birliklər və dini qurumlar komitəsinin sədri Fəzail İbrahimli ölkəmizdə səfərdə olan Malayziya xarici işlər nazirinin müavini Kamarudin Caffarın başçılıq etdiyi nümayəndə heyəti ilə görüşüb.
Qazax rayonunda şəhidlərimizin medalları ailələrinə təqdim olunub
Qazax rayonunda daha 4 Vətən müharibəsi şəhidinin medallarının ailələrinə təqdim edilmə mərasimləri keçirilib.
Azərbaycan Respublikası Milli Məclisinin Beynəlxalq münasibətlər və parlamentlərarası əlaqələr komitəsinin sədri Səməd Seyidovun Fransa xarici işlər nazirinin Milli Assambleyada söylədikləri ilə bağlı bəyanatı
Məlum olduğu kimi, Fransanın Avropa və xarici işlər üzrə naziri Jan İv Lö Drian tərəfindən bu ilin 18 yanvar tarixində bu ölkənin Milli Assambleyasında diplomata qətiyyən yaraşmayan və beynəlxalq hüquqa məhəl qoymayan bir tərzdə açıqlama edilmişdir.
Deputat Müşfiq Məmmədli şəhidlərin barelyefinin açılış mərasimində iştirak edib
Milli Məclisin deputatı Müşfiq Məmmədli yanvarın 15-də Sumqayıt şəhərində 44 günlük Vətən müharibəsi zamanı şəhid olmuş Azərbaycan Silahlı Qüvvələrinin kapitanı Ülvü Hüseynov və leytenant Ülvü Məhərrəmovun əziz xatirəsinin əbədiləşdirilməsi məqsədilə hazırlanmış barelyefin açılış mərasimində iştirak edib.
Monteneqro parlamentinin spikeri Ulu Öndərin məzarını və Şəhidlər xiyabanını ziyarət edib
Yanvarın 17-də ölkəmizdə səfərdə olan Monteneqro parlamentinin sədri Aleksa Beçiçin başçılıq etdiyi nümayəndə heyəti Fəxri xiyabana gələrək Ulu öndər Heydər Əliyevin məzarını ziyarət ediblər, məzarı önünə əklil və tər çiçəklər qoyublar, xatirəsini ehtiramla anıblar.
Monteneqro parlamentinin sədri Azərbaycana səfərə gəlib
Yanvarın 16-da Monteneqro parlamentinin sədri Aleksa Beçiç ölkəmizə rəsmi səfərə gəlib. Heydər Əliyev Beynəlxalq Hava limanında qonağı Milli Məclis sədrinin müavini Adil Əliyev, Monteneqro ilə parlamentlərarası əlaqələr üzrə dostluq qrupunun sədri İqbal Məmmədov, Monteneqronun Azərbaycandakı səfiri Perişa Kastratoviç və digər rəsmi şəxslər qarşılayıblar.
_1642336855.jpeg)
Milli Məclisin sədr müavini şəhid bulağının açılış mərasimində iştirak edib
Yanvarın 15-də Xırdalan şəhərində şəhid polkovnik-leytenant Telman Miriyevin əziz xatirəsinə həsr edilmiş bulağın açılış mərasimi keçirilib. Mərasimdə Milli Məclisin sədr müavini, parlamentin Gənclər və idman komitəsinin sədri Adil Əliyev, Milli Məclisin deputatı Aydın Hüseynov, şəhid ailələri, qazilər, ictimaiyyət nümayəndələri və din xadimləri iştirak ediblər.
Deputat Cavid Osmanov qazi və şəhid ailələri ilə görüşüb
Milli Məclisin deputatı, Yeni Azərbaycan Partiyası İdarə Heyətinin üzvü Cavid Osmanov Ağdaş şəhərində yaşayan Vətən müharibəsində yaralanaraq ayağını itirən qazi İsayev Ayxan İlqar oğlu və onun ailə üzvləri ilə görüşüb.
MEDİA NÜMAYƏNDƏLƏRİNİN NƏZƏRİNƏ
KİV nümayəndələrinin diqqətinə çatdırırıq ki, yanvar ayının 25-dək Milli Məclisin 2022-ci il yaz sessiyasında fəaliyyətini işıqlandırmaq üçün təmsil etdiyiniz media orqanının rəhbərinin adından akkreditasiyadan keçməli olan əməkdaşların adlarını göstərməklə məktublarınızı Milli Məclisin office@meclis.gov.az e-poçtuna göndərməyinizi və ya Parlamentin poçt qutusuna atmağınızı xahiş edirik.
Deputat Arzu Nağıyev Tovuz rayonunda şəhidlərin anım mərasimlərində iştirak edib
Milli Məclisin deputatı Arzu Nağıyev yanvarın 4-də Tovuz rayonunun Əsrik Cırdaxan kəndində şəhidlərin xatirəsinə inşa edilmiş abidə kompleksini ziyarət edib. Millət vəkili həmçinin şəhid ailələri ilə görüşüb, onları maraqlandıran suallara aydınlıq gətirib.
Deputat Naqif Həmzəyev Gəncədə şəhid məzarlarını ziyarət edib
Gəncədə Vətən müharibəsi şəhidi Məmmədov Oqtay Namiq oğlunun doğum günü qeyd edilib. Milli Məclisin deputatı Naqif Həmzəyev, Yeni Azərbaycan Partiyası Gəncə şəhər təşkilatının təmsilçiləri, şəhidin ailə üzvləri və ictimaiyyətin nümayəndələri Gəncə şəhərində yerləşən Şəhidlər Xiyabanına gələrək Vətən müharibəsində qəhrəmancasına döyüşərək şəhidlik zirvəsinə ucalan Məmmədov Oqtay Namiq oğlunun məzarını ziyarət edib, önünə tər çiçəklər düzüblər.
Deputat Cavid Osmanov Ağdaşda Vətən müharibəsi qaziləri ilə görüşüb
Milli Məclisin deputatı, Yeni Azərbaycan Partiyası İdarə Heyətinin üzvü Cavid Osmanov Ağdaş rayonunun Pirkəkə kəndində yaşayan Vətən müharibəsi qazisi Osmanov Təhmasib Vasif oğlu və onun ailə üzvləri ilə görüşüb. Görüşdə qazilər Əliyarov Mürşüd Sənvər oğlu və İsayev Ayxan İlqar oğlu da iştirak ediblər.
Deputat Cəbi Quliyev şəhid ailələrini ziyarət edib
Milli Məclisin deputatı Cəbi Quliyev Şahbuz rayonunda yaşayan şəhid ailələrini ziyarət edib.
Sağlamlıq imkanları məhdud yüzədək qazi müasir əlil arabaları ilə təmin edilib
Yanvarın 4-də Milli Məclis sədrinin müavini, Gənclər və idman komitəsinin sədri Adil Əliyevin, deputatlar Etibar Əliyevin, Cavid Osmanovun, Jalə Əhmədovanın, Vüqar İskəndərovun, Əziz Ələkbərlinin, Niderland Azərbaycan-Türk Mədəniyyət Dərnəyinin rəhbəri İlhan Aşkının, Müharibə, Əmək və Silahlı Qüvvələr Veteranları Təşkilatının sədr müavini, polkovnik Cəlil Xəlilovun, ilahiyyatçı alim Hacı Şahin Həsənlinin, şəhid ailələrinin, qazilərin, media və ictimaiyyət nümayəndələrinin iştirakı ilə sağlamlıq imkanları məhdud olan qazi və şəhid ailələrinə arabaların paylanması ilə əlaqədar tədbir keçirilib.