TÜRKİYƏDƏ DAĞLIQ QARABAĞ MÜNAQİŞƏSİNƏ DAİR KONFRANS KEÇİRİLƏCƏK
Milli Məclisin deputatı Musa Qasımlı noyabrın 20-dən 22-dək Türkiyənin paytaxtı Ankara şəhərində səfərdə olacaq.Deputatımız “Ermənistan-Azərbaycan, Dağlıq Qarabağ münaqişəsi regional sülh və təhlükəsizliyə, qonşuluq münasibətlərinə təhdid kimi” mövzusunda beynəlxalq konfransda iştirak edəcək.
MİLLİ MƏCLİSİN DEPUTATLARI BEYNƏLXALQ KONFRANSLARDA İŞTİRAK EDƏCƏKLƏR
Noyabrın 14-də Parisdə “Dinlərarası anlaşma: birgəyaşayışın modelləri”, noyabrın 15-də isə Strasburqda “Milli-mədəni müxtəliflikdə konfessiyalararası dialoq: multikultural modellər” mövzularında beynəlxalq konfranslar keçiriləcək. Tədbirlərdə Milli Məclisin deputatları Sahibə Qafarova və Yevda Abramov iştirak edəcəklər.
AVROPA ŞURASI PARLAMENT ASSAMBLEYASININ KOMİTƏ İCLASINDA
Noyabrın 19-dan 21-dək Nyu-Yorkda AŞPA-nın Xarici əlaqələr alt komitəsinin iclası keçiriləcək. İclasda Milli Məclisin deputatı Sabir Hacıyev iştirak edəcək.
PARLAMENT XƏBƏRLƏRİ
Noyabrın 14-də Parisdə Avropa Şurası Parlament Assambleyasının Monitorinq komitəsinin, noyabrın 17-18-də isə Brüsseldə AŞPA Daimi Komitəsinin və Bürosunun iclasları keçiriləcək. * * * Noyabrın 13-də Strasburqda Uşaq hüquqları strategiyasına dair Avropa Şurası ekspertlər komitəsinin I iclası keçiriləcək.
AZƏRBAYCAN, GÜRCÜSTAN və TÜRKİYƏ AVROPA ÜÇÜN ÖNƏMLİ ÖLKƏLƏRDİR
Milli Məclisin deputatları Fuad Muradov və Asim Mollazadə “Avropa geosiyasi kontekstində Azərbaycan-Gürcüstan-Türkiyə üçbucağı” regional konfransında iştirak etmək üçün noyabrın 13-dən 16-dək İtaliyanın Kadenabiya şəhərində səfərdə olacaqlar.
MİNSKDƏ SEÇKİ PROSESLƏRİNƏ HƏSR OLUNMUŞ KONFRANS KEÇİRİLƏCƏK
Milli Məclisin Hüquq siyasəti və dövlət quruculuğu komitəsinin sədri Əli Hüseynli “MDB məkanında seçki prosesləri” mövzusunda keçiriləcək beynəlxalq konfransda iştirak etmək üçün noyabrın 9-dan 12-dək Belarusda səfərdə olacaq.
AVROPA SOSİAL XARTİYASININ SEMİNARINDA
Noyabrın 10-da Parisdə Avropa Sosial Xartiyası üzrə Avropa Şurası Parlament Assambleyasının alt komitəsinin “Təhlükəsizlik və sağlam əmək şəraitinin təmin edilməsi” mövzusunda seminarı keçiriləcəkdir. Tədbirdə Milli Məclisin Sosial siyasət komitəsinin sədri Hadi Rəcəbli iştirak edəcəkdir.
PARLAMENT XƏBƏRLƏRİ
Milli Məclisin Təbii ehtiyatlar, energetika və ekologiya komitəsinin sədr müavini, parlamentin GUAM PA-dakı daimi nümayəndə heyətinin rəhbəri Elton Məmmədov, deputatlardan Mirkazım Kazımov və Əli Məsimli noyabrın 9-dan 14-dək Moldovada səfərdə olacaqlar. Deputatlarımız ölkənin paytaxtı Kişineu şəhərində keçiriləcək GUAM Parlament Assambleyasının 7-ci iclasının işində iştirak edəcəklər. * * *Milli Məclisin deputatı İlham Əliyev TürkPA-nın İqtisadi Əməkdaşlıq Komissiyasının 4-cü toplantısında iştirak etmək üçün noyabrın 7-dən 10-dək Qazaxıstanda səfərdə olacaq.
MİLLİ MƏCLİSDƏ GÖRÜŞ
Noyabrın 6-da Milli Məclisin Sədri Oqtay Əsədov ölkəmizdə səfərdə olan Braziliyanın idman naziri Aldo Rebelonun başçılıq etdiyi nümayəndə heyətini qəbul etdi. Sədr qonağı salamlayaraq müstəqil Azərbaycanın Braziliya ilə hərtərəfli əlaqələrinin inkişafına böyük önəm verdiyini bildirdi. Qeyd edildi ki, yüksək səviyyəli siyasi dialoq iqtisadi əlaqələrimizin inkişafı üçün də yaxşı zəmin yaradır. Biz gələcəkdə Braziliya ilə bu sahədə əməkdaşlığımızı dərinləşdirmək niyyətindəyik. Bunun üçün geniş potensial imkanlar vardır.
DEPUTATIMIZ ASTANAYA SƏFƏR EDƏCƏK
Milli Məclisin Regional məsələlər komitəsinin sədri Arif Rəhimzadə MDB-yə üzv ölkələrin Əmək, miqrasiya və sosial müdafiəsi üzrə Məşvərət Şurasının XXVII iclasında iştirak etmək üçün noyabrın 6-dan 8-dək Qazaxıstanda səfərdə olacaq.
DEPUTATIMIZ AVSTRİYAYA SƏFƏR EDƏCƏK
Milli Məclisin deputatı Sahibə Qafarova Azərbaycan və Avstriya arasında məişət zorakılığının qarşısının alınması sahəsində təcrübə mübadiləsi məqsədi ilə təşkil edilən seminarda iştirak etmək üçün noyabrın 2-dən 8-dək Vyana şəhərində səfərdə olacaq.
ÇİN AZƏRBAYCANLA ƏMƏKDAŞLIĞI DƏRİNLƏŞDİRMƏK NİYYƏTİNDƏDİR
Noyabrın 4-də Milli Məclis Sədrinin birinci müavini Ziyafət Əsgərov Ümumçin Siyasi Məşvərət Şurasının və ÇXR-in Sülh və Tərksilah Cəmiyyətinin sədr müavini Mao Biaonun başçılıq etdiyi nümayəndə heyəti ilə görüşdü.
AVRONEST PARLAMENT ASSAMBLEYASININ KOMİTƏ İCLASLARINDA
Noyabrın 4-də və 5-də Avronest Parlament Assambleyasının Siyasi işlər, insan hüquqları və demokratiya, İqtisadi inteqrasiya, Enerji təhlükəsizliyi, Sosial məsələlər, təhsil, mədəniyyət və vətəndaş cəmiyyəti komitələrinin iclasları keçiriləcəkdir.
QARA DƏNİZ İQTİSADİ ƏMƏKDAŞLIQ TƏŞKİLATININ PARLAMENT MƏCLİSİNDƏ
Milli Məclisin deputatı, Qara Dəniz İqtisadi Əməkdaşlıq Təşkilatı Parlament Məclisinin sədr müavini və qurumdakı Azərbaycan nümayəndə heyətinin rəhbəri Asəf Hacıyev noyabrın 2-dən 5-dək Türkiyənin İstanbul şəhərində səfərdə olacaq.
MİLLİ MƏCLİSİN DEPUTATI BEYNƏLXALQ SEMİNARDA İŞTİRAK EDƏCƏK
Milli Məclisin Hüquq siyasəti və dövlət quruculuğu komitəsinin sədri Əli Hüseynli Avropa İnsan Haqları Məhkəməsinin fəaliyyətinə dair beynəlxalq seminarda iştirak etmək üçün oktyabrın 30-dan noyabrın 1-dək Madriddə səfərdə olacaqdır.
Azərbaycan-Türkiyə əlaqələrinin inkişafında təhsil sahəsində əməkdaşlıq da vacib rol oynayır
Oktyabrın 28-də Milli Məclisdə Azərbaycan-Türkiyə parlamentlərarası əlaqələr üzrə işçi qrupunun üzvləri Türkiyənin milli təhsil nazirinin müavini Yusif Tekinin başçılıq etdiyi nümayəndə heyəti ilə görüşdü.
PARLAMENT XƏBƏRLƏRİ
Milli Məclisin Beynəlxalq münasibətlər və parlamentlərarası əlaqələr Komitəsinin sədri, AŞPA-dakı daimi nümayəndə heyətinin rəhbəri Səməd Seyidov AŞPA-nın Monitorinq Komitəsinin Serbiya üzrə məruzəçisi kimi oktyabrın 26-dan 29-dək Belqradda səfərdə olacaqdır. * * * Milli Məclisin deputatları Rafael Hüseynov və Elxan Süleymanov AŞPA-nın Hüquqi işlər və insan hüquqları Komitəsinin iclasında iştirak etmək üçün oktyabrın 28-dən noyabrın 1-dək Madrid şəhərində səfərdə olacaqlar.
TÜRK ŞURASINA ÜZV ÖLKƏLƏRİN AĞSAQQALLAR ŞURASININ 8-Cİ İCLASINDA
Oktyabrın 27-28-də Qırğızıstanın Bişkek şəhərində Türk Şurasına üzv ölkələrin Ağsaqqallar Şurasının 8-ci iclası keçiriləcəkdir. İclasda Azərbaycan Ağsaqqallar Şurasıının sədri, Milli Məclisin deputatı Fəttah Heydərov iştirak edəcəkdir.
MİLLİ MƏCLİSDƏ GÖRÜŞ
Oktyabrın 22-də Milli Məclis Sədrinin müavini Bahar Muradova Birləşmiş Millətlər Təşkilatının Uşaq Fondunun (UNİCEF-in) Azərbaycandakı yeni təyin edilmiş nümayəndəsi Andro Şilakadze ilə görüşdü.
MDB GƏNCLƏR PARLAMENTLƏRARASI FORUMUNDA
Milli Məclisin Beynəlxalq münasibətlər və parlamentlərarası əlaqələr komitəsinin sədr müavini Sevinc Fətəliyeva oktyabrın 22-dən Rusiyanın Sankt-Peterburq şəhərində səfərdədir.