MDB Parlamentlərarası Assambleyasının Hüquq məsələləri komissiyasının iclasında
Oktyabrın 6-da Moldovanın Kişinyov şəhərində MDB Parlamentlərarası Assambleyasının Hüquq məsələləri üzrə daimi komissiyasının iclası keçiriləcək. İclasda Milli Məclisin deputatı Hacı Salayev bu komissiyanın sədr müavini kimi iştirak edəcəkdir.
Deputatımız ABŞ-a səfər edəcək
Milli Məclisin deputatı Qənirə Paşayeva “Türk xalqlarının ipək yolu festivalı” adlı konfransda iştirak etmək üçün oktyabrın 6-dan 11-dək ABŞ-ın Hyuston şəhərində səfərdə olacaq.
ATƏT PARLAMENT ASSAMBLEYASININ PAYIZ SESSİYASINDA
Milli Məclis Sədrinin müavini, ATƏT Parlament Assambleyasında Azərbaycan nümayəndə heyətinin rəhbəri Bahar Muradovanın başçılığı ilə parlament nümayəndə heyəti qurumun payız sessiyasının işində iştirak etmək üçün oktyabrın 3-dən 8-dək Albaniyanın Tirana şəhərinə səfər edəcək.
MİLLİ MƏCLİSDƏ GÖRÜŞ
Oktyabrın 1-də Milli Məclisdə Uruqvay ilə parlamentlərarası əlaqələr üzrə dostluq qrupunun üzvləri Uruqvayın gömrük komitəsinin sədri Erriko Kanon Pedarqosanın rəhbərlik etdiyi nümayəndə heyəti ilə görüşdülər.
AVROPA ŞURASI PARLAMENT ASSAMBLEYASININ PAYIZ SESSİYASINDA
Oktyabrın 1-dən 5-dək Strasburqda Avropa Şurası Parlament Assambleyasının payız sessiyası keçiriləcəkdir. Sessiyada Milli Məclisin Beynəlxalq münasibətlər və parlamentlərarası əlaqələr Komitəsinin sədri, ölkəmizin təşkilatdakı daimi nümayəndə heyətinin rəhbəri Səməd Seyidovun başçılıq etdiyi deputat qrupu iştirak edəcəkdir.
MİLLİ MƏCLİSİN DEPUTATI AŞPA XƏTTİ İLƏ GÜRCÜSTANDA SEÇKİLƏRİ MÜŞAHİDƏ EDƏCƏK
Milli Məclisin deputatı Qənirə Paşayeva Avropa Şurası Parlament Assambleyasının seçkiləri müşahidə missiyasının tərkibində sentyabrın 28-dən oktyabrın 2-dək Gürcüstanda səfərdə olacaqdır.
DEPUTATLARIMIZ GÜRCÜSTANA SƏFƏR EDƏCƏK
Milli Məclisin deputatları Elton Məmmədov, Əli Məsimli, Mirkazım Kazımov və Asəf Hacıyev sentyabrın 27-dən Gürcüstanın paytaxtı Tibilisi şəhərinə səfər edəcəklər.
MİLLİ MƏCLİSDƏ GÖRÜŞ
Sentyabrın 25-də Milli Məclisdə İnsan hüquqları komitəsinin sədri Rəbiyyət Aslanova ATƏT-in insan alverinə qarşı xüsusi nümayəndəsi Maria-Qrasia Ciammarinaronun rəhbərlik etdiyi nümayəndə heyəti ilə görüşdü.
MİLLİ MƏCLİSDƏ GÖRÜŞ
Sentyabrın 21-də ölkəmizdə səfərdə olan Ümumçin Xalq Nümayəndələri Yığıncağı Daimi Komitəsinin Xarici İşlər üzrə Komitəsinin sədri Li Caosinin başçılıq etdiyi nümayəndə heyəti Milli Məclisin Azərbaycan-Çin parlamentlərarası əlaqələr üzrə işçi qrupunun üzvləri ilə görüşdü.
BEYNƏLXALQ MÜNASİBƏTLƏR VƏ PARLAMENTLƏRARASI ƏLAQƏLƏR KOMİTƏSİNDƏ GÖRÜŞ
Sentyabrın 20-də Azərbayanda səfərdə olan Amerika Birləşmiş Ştatlarının Ohayo Ştatının Nümayəndələr Palatasının üzvləri Milli Məclisin Beynəlxalq münasibətlər və parlamentlərarası əlaqələr komitəsinin üzvləri ilə görüşdülər.
MİLLİ MƏCLİSDƏ GÖRÜŞ
Sentyabrın 20-də Milli Məclisin Beynəlxalq münasibətlər və parlamentlərarası əlaqələr komitəsinin üzvləri Ümumçin Xalq Nümayəndələri Yığıncağının Xarici işlər üzrə komitəsinin sədri cənab Li Caosinin rəhbərlik etdiyi nümayəndə heyəti ilə görüşdü.
AZƏRBAYCAN - ÇİN ƏLAQƏLƏRİ İNKİŞAF EDİR
Sentyabrın 20-də Milli Məclis Sədrinin birinci müavini, Təhlükəsizlik və müdafiə komitəsinin sədri Ziyafət Əsgərov ölkəmizdə səfərdə olan Ümumçin Xalq Nümayəndələri Yığıncağının Xarici İşlər Komitəsinin sədri Li Caosinin başçılıq etdiyi nümayəndə heyəti ilə görüşdü.
AZƏRBAYCAN – ALMANİYA ƏLAQƏLƏRİ GENİŞLƏNİR
Sentyabrın 19-da Milli Məclis Sədrinin müavini Bahar Muradova ölkəmizdə səfərdə olan Almaniya Bundestaqının deputatı Viola von Kramon-Taubadelin başçılıq etdiyi nümayəndə heyəti ilə görüşdü. Qonaqları salamlayan Bahar Muradova Azərbaycanla Almaniya arasında əlaqələrin qədim tarixi köklərinin olduğunu, bu gün isə əlaqələrin yüksələn xətlə inkişaf etdiyini qeyd etdi.
PARLAMENT XƏBƏRLƏRİ
Milli Məclisin deputatı Sahibə Qafarova sentyabrın 19-dan Fransanın Strasburq şəhərində səfərdə olacaq.
AVRONEST PARLAMENT ASSAMBLEYASININ TƏDBİRİNDƏ
Milli Məclis Sədrinin müavini Valeh Ələsgərovun rəhbərliyi ilə parlament nümayəndə heyəti Avronest Parlament Assambleyasının təşkil etdiyi seminarda iştirak etmək üçün sentyabrın 17-də Belçikanın Brüssel şəhərinə yola düşəcəkdir.
PARLAMENT XƏBƏRLƏRİ
Milli Məclisin deputatları Asəf Hacıyev və Musa Quliyev Qara Dəniz İqtisadi Əməkdaşlıq Təşkilatı Parlament Məclisinin İqtisadiyyat, ticarət, texnologiya və ekologiya məsələləri üzrə komitəsinin 39-cu və təşkilatın reqlament üzrə işçi qrupunun iclaslarında iştirak etmək üçün sentyabrın 16-dan 22-dək Türkiyənin Ankara şəhərinə səfər edəcəklər.
MİLLİ MƏCLİSDƏ GÖRÜŞ
Sentyabrın 11-də Milli Məclisdə təmsil olunan siyasi partiyaların nümayəndələri ATƏT-ə üzv ölkələrin daimi nümayəndələrindən ibarət heyət ilə görüşdülər.
DEPUTATIMIZ FRANSADA SƏFƏRDƏ OLACAQ
Milli Məclisin Hüquq siyasəti və dövlət quruculuğu komitəsinin sədr müavini Rövşən Rzayev sentyabrın 10-dan 16-dək Fransada səfərdə olacaq.
AZƏRBAYCAN- KOREYA ƏLAQƏLƏRİ GENİŞLƏNİR
Sentyabrın 5-də Milli Məclisin Sədr müavini Bahar Muradovanın Koreyanın “Halla Energy@Environment” şirkətinin inzibati direktoru Lee Eun Seokla görüşü keçirildi.
MİLLİ MƏCLİSİN DEPUTATI PAKİSTANDA SƏFƏRDƏ OLACAQ
Milli Məclisin deputatı İlham Məmmədov İqtisadi Əməkdaşlıq Təşkilatı (EKO) Parlament Forumunun yaradılması ilə əlaqədar keçiriləcək müzakirələrdə iştirak etmək üçün sentyabrın 3-dən 7-dək Pakistanda səfərdə olacaq.